back to top
11.5 C
Tirana
E enjte, 28 Mars, 2024

Pavarësia e Kosovës 17 shkurt 2008 – nga Atalanta Pasko

Gazeta

12 Vjetori i Shtetit të Kosovës
12 Vjetori i Shtetit të Kosovës

Pavarësia e Kosovës 17 shkurt 2008

Gezuar miq të dashur, kudo që ndodheni! nga Atalanta Pasko

Festë e madhe për gjithë shqiptarinë. Megjithëse këtej, në Shqipërinë e Vjetër sikur nuk ndjehet dhe aq. Sidomos kur shikon faqet e para të gazetave. Por ju, motra e vëllezër të Dardanisë mos na e vini re: ne këtej jemi pak të tharë ndjenjash nacionale, që nganjëherë i shikojmë edhe si prapambetje apo ndjesi që na ndajnë nga Europa. Na ndizet zemra e syri vetëm kur shikojmë gjak ose para.
Ani, na falni, e kemi këtë ftohtësi për të keqen tonë, edhe për ngjarjet që lidhen me territorin e këtejshëm.
Por në 12-vjetorin e kësaj Dite të bekuar, dua të sjell edhe diçka që lidhet me Babain, Mitrushin apo Izedin Jasharin e Poemit Kosovar: Para disa vitesh, Donika, vajza e madhe e Sotir Çekanit, nunit që kish zgjedhur Babai për të na pagëzuar ne, katër fëmijët e tij, më tregoi një fragment bisede mes etërve tanë, tek pragu i shtëpisë sonë në Tiranë. Duhej të ishin vitet e errëta 1964-1966. Mbasi të dy ekonomistët kishin biseduar në dhomë për gjëra të ndryshme, edhe nga ato që thuheshin me një fill zëri, duke i përcjellë deri te dera e oborrit mikun dhe të bijën, që banonin në Korçë, Babai kish thënë: “Nëqoftëse shpëton ndonjëherë Shqipëria, atë mund ta shpëtojë vetëm Kosova”.
Ç´të ketë pasur parasysh Babai kur guxoi të thotë këto fjalë? Faktorin ekonomik, për të cilin kishte shkruar jo një herë, e që lidhej me kufijtë e cunguar të Shqipërisë?
.
Prishtine - 17 Shkurt 2016
Prishtine – 17 Shkurt 2016

“Të gjithë duhet ta dijnë se pa indipendencë ekonomike nuk ka indipendencë politike.
Gjith ashtu lipset ta dijnë se Shqipëria në kufiret e pa drejta të 13-tës nuk rron dot as ekonomikisht, as financiarisht.
Kuptohet vetiu, as politikisht” (Mitrush Kuteli Bashkimi i Kombit, 16 qershor 1944).

Pra e kishte fjalën për ekonomi komplementare Shqipëri-Kosovë?
Apo e kishte fjalën edhe për shpirtin e gjallë, të panënshtruar, plot vrull e pasion për liri e drejtësi të shqiptarit të Kosovës, që ai e njihte aq mirë dhe të cilit i këndoi me admirim në Poemin Kosovar?
Këtë nuk e gjejmë dot.
Ndërkohë, kemi realitetin e bukur të Kosovës së pavarur dhe jetojmë momentin madhështor të bashkimit të kombit tonë. Ngadal, me hapa të padukshëm, por po ndodh. Kush do që ta shikojë, e shikon.
Gëzuar Pavarësinë e Kosovës, Motra e Vëllezër!
.
Marre nga Muri i FB i Atalanta Paskos, 17 shkurt 2020

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.