Misioni i 30 mjekëve dhe infermierëve, krenari për gjithë shqiptarët – nga Aleks Martin Kapllaj

0
5
Mjekë dhe Infermerë shqiptarë, në Itali për Covid 19
Mjekë dhe Infermerë shqiptarë, në Itali për Covid 19
Mjekë dhe Infermerë shqiptarë, në Itali për Covid 19
Mjekë dhe Infermerë shqiptarë, në Itali për Covid 19

Misioni i 30 mjekëve dhe infermierëve,

krenari për gjithë shqiptarët|

nga Aleks Martin Kapllaj

Ky shkrim i Aleks Kapllajt ka mjaft pozitivitet edhe pse e ka anashkaluar me kujdes idenë e propagandës politike… Unë besoj, se të ndihmon ai që i zgjidh më së pari hallet në shtëpi të vet dhe lufton me zgjidhë edhe ndonji hall të komshisë… Se dalim te ajo shprehja aq e përdorur nder ne: “I keqi i vetes e i miri i dynjasë…!!
Si i argasur me mashtrimet politike… sensin e dyshimit e kam më të mprehte se sensi e entuziazmit… Prandaj them se pikëpamjen politike ky është një sukses i propagandës, e sidomos në një kohë të vështirë kur Italia në krizë të thellë, u ndje tejet e braktisur nga Europa, ku ajo është ndër themeltaret e saj… Kështu që këta 30 mjekë e infermierë shqiptarë i pashë së pari si solidaritet human… po edhe si cinizëm i nji propagande politike, në kushtet kur institucionet ndërkombëtare, i pushton apatia për të mos thënë më shumë!
jozef radi, 30 mars 2020
.
Mjekë dhe Infermerë shqiptarë, në Itali për Covid 19
Mjekë dhe Infermerë shqiptarë, në Itali për Covid 19
Shumë mirë dhe largpamës, dërgimi i personelit mjekësor në Itali, por tani qeveria shqiptare për përballimin e emergjencës në vendin tonë, të kërkojë menjëherë ndihmë nga qeveria kineze, që të na dërgojë disa mjekë dhe ekspertë të saj, që të na ndihmojnë në menaxhimin e situatës në vendin tonë, derisa nuk ka shpërthyer komplet në të gjithë vendin, meqënëse jemi akoma në fillim, ashtu siç kanë bërë edhe shumë shtete të tjera evropiane.
Misioni i ndihmës mjekësore të 30 mjekëve dhe infermierëve shqiptarë në Itali, në luftë kundër koronavirusit, ka patur një jehonë dhe pritje entuziaste nga shumë personalitete të politikës qeverisëse dhe opozitare, por sidomos nga mediat dhe qytetarët italianë që u befasuan nga ky gjest humanitar nga një vend i vogël dhe i varfër si Shqipëria.
Në frontin kundër virusit kanë ardhur edhe mjekë dhe specialistë të mjekësisë nga shtetet si Rusia, Kuba, Kina dhe Polonia, por mjekëve dhe infermierëve shqiptarë iu rezervua një pritje e veçantë dhe e privilegjuar, ku ministra të shumtë si Di Maio e Boccia, por edhe personalitete të pushtetit lokal, edhe pse të impenjuar me organizimin dhe menagjimim e emergjencës shendetsore, siç është governatori i Lombardisë, Atilio Fontana dhe asesorët e shëndetësisë, priten në aeroport personelin mjekësor shqiptarë.
Mirënjohja dhe falenderimet për ndihmën e Shqipërisë për Italinë në këto momente të vështira janë shprehur nga liderët dhe deputët si të pozitës ashtu edhe të opozitës, si Salvini e shumë deputet të tyre e përfaqësues lokal në të gjithë Italinë. Të gjitha lajmet dhe programet televizive, kanë falenderuar mjekët dhe infermierët shqiptarë që kanë shkuar në Itali në këto ditë të vështira, për të fituar këtë luftë aty ku armiku është më i fortë.
Lufta dhe fitorja kundër virusit është luftë dhe fitore e njerëzimit. Misioni i mjekëve dhe infermierëve shqiptarë në Itali ka bërë jehonë edhe në shtypin ndërkombëtarë, duke na nderuar me shembullin dhe mësimin që u dha edhe vendeve të tjera europiane, më të fuqishëm ekonomikisht e financiarish, që nuk dërguan asnjë ndihmë mjekësore Italisë, por i kthyen shpinën duke përfituar në mënyrë spekulative dhe duke e konsideruar si shkakun e përhapjes së virusit në Evropë.
Virusi kishte muaj që kishte hyrë në Europë dhe kur Kina dha lajmin se në vendin e tyre kishte shpërthyer një epidemi, që mund të shndërrohej në pandemi ashtu, siç edhe u shndërrua më vonë, virusi kishte hyrë tashmë në Europë dhe po përhapej kudo pa asnjë rezistencë.
Aspekti tjetër pozitiv i misionit të 30 mjekëve dhe infermierëve shqiptarë në Itali, është marrja eksperiencës gjatë këtij muaji, që do të kenë mundësi për ta përdorur në vendin tonë, nëse do të ishte e nevojshme. Edhe gjatë këtyre ditëve të misionit të tyre ata do të kenë mundësi të sjellin eksperiencën e evitimit të gabimeve që kanë bërë italianët në fillim, në mbrojtjen e personelit shëndetsor dhe të rëndësisë jetike të gjurmimit të virusit duke bërë sa më shumë teste edhe atyre që nuk kanë shenja klinike, krahas izolimit të qytetarëve, që është një nga masat më efikase dhe me kosto të ulët, si nga ana shëndetsore dhe ekonomike, por përherë me masat ndihmëse për qytetarët që janë të detyruar të qëndrojnë të mbyllur.
.
Marre https://gazetamapo.al/misioni-i-30-mjekeve-dhe-infermiereve-krenari-per-te-gjithe-shqiptaret
.

 

Related Images:

Artikulli paraprakSpektakle padobi të politikës – nga Marjan Bunaj
Artikulli tjetërTë përkthyerit si alegori e një zëri kundërshtar ne Shqipërinë komuniste: “Epistolari i Zarates” i Luan Ramës – nga Blerina Suta
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.