back to top
29.5 C
Tirana
E diel, 16 Qershor, 2024

Mendimi nacional i Lazër Radit – Publicistika e Lazër Radi – Vepra 9 dhe 10 – nga Leka Ndoja

Gazeta

Studiesi Leka Ndoja
Studiesi Leka Ndoja

Mendimi nacional i Lazër Radit 

– Publicistika e Lazër Radi – Vepra 9 dhe 10

nga Leka Ndoja

Në mungesë të Institucioneve – Jozef Radi, i biri, arriti që të përfundojë veprën e Lazër Radit, duke e kategorizue sipas gjinive letrare. 
Kisha nderin me e paraqitë veprën publicistike të tij në promovimin e kësaj kolane, ku theksova mendimin e njohjes së filozofëve profesorit të tij, në Sapienza, Giovanni Gentiles dhe Benedetto Croces, njeri autor i traktatit nacionalist, dhe tjetri i atij antifashist. Mes tyre ndihen edhe termat e Lazrit të Viteve ’40, në shkrimet politike, e sidomos te gazeta “Bashkimi i kombit”. Ky ishte nji zbulim për mue. 
Nga Gentile, Lazri trashëgoi Enciklopedizmin, mbase dhe Jozefi – në përmasa më modeste, të mos harrojmë se Gentile ishte udhëheqës i Treccanit të famshëm. 
Kumtesa ime vijoi krahasimin me Gianfranco Continin, i cili krijoi revistën “Anno letterario 1940” që ndikoi te shkrimet e Kutelit “Viti letrar 1944” 

Lazër Radi - Vepra e Plotë
Lazër Radi – Vepra e Plotë

Vepra e Lazrit të ndihmon për tema disertacioni – këtë ma ka thanë për çudi edhe Ali Xhiku në vitet ‘90. 
Më 1994, Shefi i Departamentit të Letërsisë Rinush Idrizi, e ftoi Lazër Radin në Fakultet për nji tufë leksionesh mbasi mori pjesë në promovimin e librit tim “Rrezja e territ”, ku ndër të tjera foli për tim atë, Mark Ndojës dhe Letërsinë e Viteve ‘30. 
Lazri theksoi se: “nuk guxonte njeri të botonte përkthime latinisht dhe italisht nga droja e Markut si kritik…” Aktiviteti me 3 mars 1994, u paraqit në TVSH. Dhe ky ishte kulmi i Lazrit. Në takim foli edhe Agim Shehu, e të pranishëm zv.dekani Aurel Plasari e dekani Koçi Petriti që e mirëpriti në një takim të veçantë.
Fati i keq, që Rinush Idrizi iku në emigracion, Aurelit i ndejtën me “dru mbas veshit” derisa iku dhe ai. Pastaj u kthy në Departanent… Realizmi socialist deri vonë. 
Lazri pati edhe nji zhgënjim në Radio-Tirana, ku e ftoi Kozeta Mamaqi për të folur pëer Krishtlindjet e vitit 1995. Lazri u përgatit me një fabul biblike me shumë dëshirë, derisa e lajmëruen se nuk do të lejohej një takim i tillë, ishte mërzitur si fëmijë i mjeri Lazër. Nuk e di a mund të gjendet sinopsi i kësaj ngjarje në arkivin e familjes, kështuqë Lazër Radi përjetoi edhe censurën e “fëmijëve të demokracisë”. 
Por, publicistika e tij për Kosovën asht zhvillu me vizionin kontemporan, si një profeci e amshueshme… 
Ave Lazër Radi! 
Dhe ngamot gëzuar Kërshendellat…
.
Marrë nga Muri i FB i Vrethee Lnika, 26 dhjetor 2021

.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.