Kur Koliqi & Shejzat nderonin Haxhiademin & Heroin Kombëtar – në vjetin 500 të Gjergj Kastriotit.

0
10
Ernest Koliqi - drejtues i
Ernest Koliqi - drejtues i "Shejzave"
Skenderbeu - Tragjedi - Et'hem Haxhiademi
Skenderbeu – Tragjedi – Et’hem Haxhiademi

Kur Koliqi & Shejzat nderonin Haxhiademin &

Heroin Kombëtar – në vjetin 500 të Gjergj Kastriotit.

***
Kisha dëgjuar për këtë botim përtej detit të Koliqit. Ky gjuhëbukur me gegnishten ma t’amël, me gërma të fisme dhelatonjëse si notë muzikore.
Tek e lexoja, mendova, se botimi duhet të këtë qenë rreth vitit 67-68, kohë kur Haxhiademi sapo qe shuar në skëterrën e Burrelit… dhe vendi që ai këndoi me aq dashuri po zhytej n’errsinë gjithnjë e ma të thellë, pa asnji shkëndijë jete!
Sikurse poetët shuheshin, po aq dhe shpresa!
Por ja, Shejzat – e sa emën i Bukur e Kuptimplotë – hyjsitë në qiellin e errët lshonin shenja shprese e krenarie nga përtej…
E ndava këtë foto me botuesit, dhe me Radin- pse të dy e duan Koliqin dhe Haxhiademin. Ia duan veprën… gjuhën, magjinë. Këta bylbyla gegë!
h. haxhiademi, 03.17.’20
***
Arian Leka më shkruan:
“Jam në dijeni të këtij botimi. Të dhënat janë këto: – botuar në “Shejzat”/ Le Pleiadi, përgjat vitit 1968, nr. 1-3, dhe 4-6, në përvjetor të Skënderbeut, bashkë me emra tjerë të tjerë të rëndësishëm të letrave.
Zoti Cezar Ndreu, ma solli materialin dhe ishte tejet i saktë. Gjej rast ta falenderoj: Po, e ke te saktë. Në kompjuterin e punës e kam edhe me faqe. E kam prekur këtë revistë. Ka rreth 200-250 faqe.
Haxhiademi është në faqet e para. Vlerësimi i Koliqit, si i Tij. Si Haxhiademi. I Nderuar!
.
Skenderbeu i Haxhiademit te Shenjzat e Koliqit
Skenderbeu i Haxhiademit te Shenjzat e Koliqit

Koliqi për Haxhiademin te Shenjzat

Etëhem Haxhiademi leu n’Elbasan më 1902 e kreu shkollën fillore në qytetin e lindjes, studimet e mesme dhe eprore në Austri dhe Gjermani. Letrar shumë mir í përgatitun. Ai me veprat e shumta të tija përfaqëson ndër né rrymbën klasike. I fali letërsís shqipe nji vëllim vjershash me titullin “Lyra” dhe disá përkthime të përpikta nga Latinishtja. Muer pjesë ndër lëvizje letrare t’atdheut, n’at këthesë interesante historike qi âsht periudha e 1930 e tutje. Emni i tij jet sidomos i lidhun me nji varg të çmueshëm veprash dramatike që ai botoi ç’prej 1921 deri me 1939.
Të gjitha tragjedít e tija janë të hartuara mbas normavet mâ të shtrëngueta të shkollës klasike. Argumentat, Ai i merrte nga bota e lashtë e Heladës: Ulisi, Akili, Aleksandri, Pirrua, Diomedi, që titujt e disa veprave të tija. Dy tragjedi dalin jashta vargut Helenik: Abeli qi rrjedh nga nji frymzim prej Biblës dhe Skanderbeu qi shtjellon nji subjekt kombëtar.
Haxhiademi dallohet për pastrí gjuhe e përsosmeni metrike në hartim të vargjevet.
Me ndiesi bujare pajisen vehtjet e krijueme prej tij. Ideale të nalta njerzore paraqiten në vepra të tija si pikë arritjeje të jetës.
Ne kemi vendosë të botojmë gjatë këtij vjeti kushtue përkujtimit të Gjergj Kastriotit, tragjedínë e tij, ku Heroi ynë Kombëtar shfaqet në plotnín e virtyteve burrnore, të sigurtë se, tue nxjerrë në shesh emnin e Haxhiademit, qi nji kriter zvoglues i vlerave tona kombtare e dënon n’errsí të harresës, do të gëzojmë miratimin e pëlqimin e lexuesvet.
E.K.
.
Ernest Koliqi / Skënderbeu / – Revista Shejzat, 1968

 

Related Images:

Artikulli paraprakDr. Bilal Golemi, Themeluesi i Shërbimit Veterinar – nga Prof. Dr. Kristaq Bërxholi
Artikulli tjetërDashuria për atdhe është instikt – nga Namir Lapardhaja
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.