Kronika e fundit të paralajmëruar! nga Gjergj Hani

0
12
Gjergj Hani
Gjergj Hani 

Kronika e fundit të paralajmëruar!

nga Gjergj Hani

Ashtu si një trup njerëzor shfaq simptomat e sëmundjes, po ashtu edhe shoqëria lëshon rënkimet e saj!
Çdo ditë shohim dhe dëgjojmë në një bombardim mediatik të paprecedent, kronologjinë e kronikës së zezë të mbushet me histori të një brezi të djegur! Ky është brezi i atyre që në vitet ’90 ishin fëmijë, dhe i atyre që kur hapën sytë në këtë botë, dëgjuan vetëm anën e rremë të “lirisë” t’u këndonte ninullat e saj mashtruese! Panë spektaklin e trishtë të “panairit të kotësivë” në tërë shkëlqimin e tij! Ku të dukesh ai që në të vërtetë nuk je, është kthyer në imperativ egzistencial, e që përpiqet të mbushë humnerat shpirtërore me fragmente vezulluese të një shkëlqimi të rremë material.
Mobilizimi total i dhunës e i mashtrimit, mbush të gjitha hapësirat e këtij spektakli kriminal që ai vetë prodhon! Kjo shkrëtetirë vezulluese është kaq imponuese e kaq influencuese për këto mendje të varfëra e të brishta, sa arrin të anullojë çdo alternativë humane që është e kundërta e saj! Siç është mirësia, bujaria, kurajoja e inteligjenca. Veti këto të fundit që ndihmojnë individin dhe shoqërinë të shohë përtej iluzioneve të arrivizmit material.
Kjo shoqëri e dhunshme, që duket aq triumfuese dhe e sigurt në vetvete sa shëmbëllen me harenë e marrëzisë, arrin deri aty sa të duket si pafajësi fëmijërore, ku ligji i vetëm i saj, duket se është perçmimi dhe mohimi i çdo ligji! Karakteristika e saj thelbësore është mohimi i shoqërisë, dhe triumfi i individit që guxon! Që është cinik e pabrerje ndërgjegje! Po shohim çdo ditë e me shumë që ky brez i djegur mbush faqet e kronikës së zezë me detaje të frikshme nënash që braktisin fëmijët, baballarësh që vrasin nëna e lenë fëmijët jetimë, fëmijë që i vënë zjarrin shtëpisë, helmojnë prindët e inskenojnë rrëmbime për të zhvatur një copëz nga ikona e të gjithëpushtetshmit Zotit Lek!
Këtu bëhet fjalë për një lloj tjetër kriminaliteti. Të ndryshëm nga ai që lind nga varfëria, mjerimi dhe disnivelet sociale! Ky është krimi i shkuma-party-it. Herojtë e rinj të këtij krimi janë anti-herojtë e moralit. Bij të familjeve të mesme e të pasura, që nuk e dinin se ishin të aftë të kryenin akte kaq mostruoze deri në çastin që i kryejnë ato! Nuk e di nëse më pas pendohen a jo, por fakt mbetet që bëhen të famshëm për një ditë e shtyjnë të tjerë që t’i imitojnë në çmendurinë e tyre.

Rini e Rrenuar...
Rini e Rrenuar…

Nuk mund të themi nëse u shtynë nga varfëria, nevoja apo uria. Ata i shtyn kompleksi i inferioritetit përballë modeleve që kjo shoqëri u ofron! Ku, për të qënë i dukshëm e të shpëtosh nga anonimati, duhet të kesh vithet e Kallashit bashkë me drogën, orën e Taulant Ballës, pasurinë e përfolur të Ridvan Bodes, apo të krysh salton e Edvin Ramës nga sahani i makaronave të Parisit në sarajet surrealiste të Surrelit!
Ata janë viktima të pavetëdijëshme të arrivizmit që mediat imorale amplifikojnë, duke sjellë vetëm kronologjinë e krimit të shoqëruar me garnityrën e pështirë të drithërimave të motrave Kajtazi, ecejaket bredharake të trimerëshës së Trimit, dhe natën hot, në hotelet e kodrave të liqenit nga 18 vjeçarja, ndërsa inskenonte rrëmbimin, pa u kujdesur të ofrojnë asnjë lloj filtri moral, apo kriter gjykimi mbi sa ndodh! Ata janë viktimë e dekadencës së moralit! E modeleve të pamoralshme të politikës, dhe të anti-vlerave që mediat u ofrojnë me një bombardim të pandërprerë. E ku anti-vlera ka zëvendësuar çdo lloj morali, e si një rit solemn, propozon adhurimin e triumfit personal, jashtë, mbi dhe përtej shoqërisë e përkufizimeve të saj mbi të mirën e të keqen.
Zoti na mëshiroftë!

Related Images:

Artikulli paraprakSavër, 20 Gusht 2015 – si ditë e përkujtimit të vuajtjes në Kampet e interrnimit
Artikulli tjetërMartin Camaj – në “Letërsinë Shqipe të Diasporës” studim nga Leka Ndoja
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.