back to top
10.5 C
Tirana
E martë, 19 Mars, 2024

Anekdota të përzgjedhuna – nga Anton Çetta

Gazeta

Agim Morina
Agim Morina

Anekdota të përzgjedhuna

nga Anton Çetta

Mbushni fishekë

Ishin tre vllazën, të cilët e kishin menden vetëm në trimni. Për çdo mbramje bâshin pleqni se kê kanë anmik të cilin duhej me e vra.
Vllai i madh për natë u thotë:
-Mushni fishekë, se nesër dona m’e vra filanin, ai âsht anmiku jonë! – e të tre tjerët mbushshin fishekë.
Kur çoheshin nadje e ishte koha me shkue m’e vra filanin qi e kishin caktue në mbramje, atëherë thoshin:
-Jo, more, at nuk e kena anmik, bile, bile at e kena edhe mik; sa herë e kena ndie edhe tue folë mirë për ne! Ma mirë po e lamë sot nji herë e tash mendojmë mbrama se si me ja bà!
-Gra, – thotë vllai i madh – na e goditni nji kaçimak të mirë!
.
(Kllezën – Ulqin)

Tregoi: Simon Filipaj
 .

Janë kapë sikur Hoti për yj t’qiellës…

Tre çoban kah rrinë n’maje t’Hotit. Po kqyr njani edhe i ka pá yjt n’qiell e ka thanë:
-M’i pas’ njaq dhên sa po shoh yj.
E ky tjetri ia kthen:
-Si, more? Njaq dhên me i pasë ti, po ku kishe me i kullotë? Ti livadhe s’ke edhe bjeshkë për tâna ato, s’ishe me pasë. Na nuk t’i lâmë n’livadhe tona e n’bjeshkë tona m’e kullotë tân at gjâ. Fjala fjalë, u ka hi ngatrresa për yj t’qiellës. Kanw qitw pushkwt edhe janë vra nër veti.
Qysh at ditë e sot, kur bàjnë hallku noj ngatrresë pa kurrfarë shkaku, për budallëk, thonë: “Qyre si janë kapë, sikur Hoti për yj t’qiellës e janë çartë nër veti badihava!”
.
(Vuthaj, Gusi)
Selman Shpendi
.

Kush àsht ma trim?

E vet ni djalë ni plak e po i thotë:
-O baba Osë!
-Hoja!
-A m’tutesh?
-Boll valla.
-A e di qi t’vras?
-E di.
-Edhe qi t’djegu?
-E di.
-A ma trim je ti a une?
-Jo, ma trim jam une se ti.
-Qysh ti ma trim edhe po m’tutesh!
-Jam ma trirn qi t’i báj fjalët ty e nuk t’bie pishtole me t’i qitë trutë n’tokë se, kur po t’vras ty, unë po fikna e kur po fikna, edhe po koritna. Àt’herë as trimnija s’m’duhet gjâ. Qatâ po t’duroj.
.
(Turiqevc, Drenicë)
Tregoi: Xhemë Lutani
.
Trung nr. 1 - Agim Morina 1995
Trung nr. 1 – Agim Morina 1995

I vjedhi opangët e mija

Ni i shtupelas shkon për pazar n’Pejë. Kur kryhet pazari, kah mramja e merr e hikë dathë nëpër sakaqe t’shehrit. Gjinja e hyqmetit po kujtojnë si ka vjedhë naj sên, i fluken mbas edhe e zânë. Kah e bastisin, ja gjâjnë ni parë opanga, si i kish pas shti n’gji. E vetën:
T’kujna i kije kto opangë?
-T’mijat, valla.
-Ani pse pra, opangat n’gji, e vetë tuj ikë dathë?
-Se at ditë si kryhet pazari e s’un vjedhi kurrgjâ, prej inati, i vjedhi opangat e mija, e ngas sa t’muj me ikë tuj ngà nëpër shehër.
.
(Kryshefc, Drenicë)
Tregoi: Mehmet Rukiqi
No comment!
No comment!

Me ngrehë para qysh ngrehin mas…

Ni katunar pat nevojë m’i shitë kijet e tij edhe i çoi n’pazar. Blesit e rrethuen rreth e përqark. Njani u godit me tê. E shkputën pazarin. Ai si i bleu kijet, tuj ja numrue paret n’dorë, i tha:
-Une kijet i bleva edhe ti pareve jau pafsh hajrin, po nuk t’veta çfarë huji kanë kijet.
-He, more burrë, me kanë me ngrehë para qysh ngrehin mas, edhe qaq pare me m’i pà dhanë tybe n’t’i kisha shitë. Po merri kijet për qeto pare e jau pafsh hajrin!
.
(Gjakovë)
Rrëfeu: Isuf Hoxha
.

Limoi musteqet

Ni babë e porositi t’birin para se me e çue n’mal për dru:
-Biro, ma s’pari limoi musteqet e toni nisja me pre dru. Djali bani qysh e porositi plaku. Kur mrrini n’mal, ni herë i limoi musteqet e veta mirë e mirë e masanej ja nisi me pre dru.
Tuj pre dru, ni degë i ra ftyrës e ja qorroi njanin sy. Djali, me sy n’grusht, u kthye tu shpija. Ish idhnuet n’babën e vet e po i thotë:
-Qè, bre babë, a duel fjala jote? Jo. Une boll i limova musteqet, po kurrgja s’um nimoi e u qorrova.
Po une, bre bir, t’kum thanë m’i krasitë degët e drunit para se me e prè, se degët janë musteqet e drunit, e për qatâ t’thash limoi musteqet, për degët e drunit, e jo për musteqet tua.
 
(Arllat, Drenicë)
Tregoi: Islam Gashi
.
Anekdotat i mblodhi: Anton Çetta
Përgatiti për botim: Agim Morina

 

 

 

 
 

 

 
 

 

 
 

 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Artikujt e fundit

Copy Protected by Chetan's WP-Copyprotect.