Ballina Testata Gazeta Historia e pikturës “Kryqëzimi” nga Mikeli i Veronës (Crocifissione di Michele da...

Historia e pikturës “Kryqëzimi” nga Mikeli i Veronës (Crocifissione di Michele da Verona) – 1501 -përgatiti Bep Martin Pjetri

0
15
Crocifissione di Michele da Verona - afërisht e vjetit 1501
Crocifissione di Michele da Verona - afërisht e vjetit 1501
Crocifissione di Michele da Verona - afërisht e vjetit 1501
Crocifissione di Michele da Verona – afërisht e vjetit 1501

Historia e pikturës “Kryqëzimi” nga Mikeli i Veronës

(Crocifissione di Michele da Verona) afërisht në vjetit 1501

përgatiti Bep Martin Pjetri

Piktura “Kryqzimi” me Flamurin Shqyptar

Kjo qi na intereson ma shumë ne shqyptarve asht se në kët tablo ku asht Jezusi i kryqzuem, i gozhduem në shtyllë ndodhet midis dy njerzve të dënuem e të kryqzyem në dy shtylla të tjera, ku seicili, të ndodhun përballë njeni-tjetrit. E risjellë mbas afro 1521 vjetve, kjo ngjarje e Mbylljes së Syve të Krishtit, në perëndim të diellit, të datës 14 prill të vjetit 30 (Bibla – fq. 1774, bot. 1994, Ferizaj – Kosovë). Në krahë të majtë poshtë (te krahu i djathtë i Jezu Krishtit) te kambët e personit të kryqëzyem në shtyllë, nji ushtar romak mban nji shkop shum të naltë, ku në krye valëvitet Flamuri Shqyptar i Gjergj Kastriotit.
Shqyrtim i pikturës së Mikelit nga Verona “Kryqëzimi”
Kryqëzimi (Michele Da Verona, aty nga vjeti 1500, Pinakoteka Brera, Milano) – (ushtari asht në kambët e kryqit në të majtë) – Crocifissione (Michele Da Verona, ca 1500, Pinacothèque de Brera, Milan) – (le soldat est au pied de la croix de gauche)
Skjarime për kët Flamur Shqyptar nuk ka nga autorë të ndryshëm. Dihet se asht Flamuri Shqyptar i sotëm, por nuk mund t’ia lejmë heshtjes sikurse të tjerë para meje sepse i përket ky flamur vendit të Shqiponjave, Flamuri i Familjes dhe i Shtetit të Arbërit dhe Epirit, ku unë kam lindë.
Sipas mendimit tem them se ky i ndëshkuemi i kryqzuem nga krahu i djathtë i Jezusit, nga romakët, meqense i valëvitet Flamuri Shqyptar do simbolizojë Martirizimin e Shkodranve në Kështjellën e Shkodrës gjatë Rrethimit të Shkodrës, të cilëve iu prenë krenat dhe u barbarizuan gjatë Luftës për Marrjen e Shkodrës – gjatë dorëzimit nga Venediku i Kështjellës së Shkodrës – Ushtrisë së Perandorisë Osmane- Turke në 25 prill 1479 si dhe atyne shqyptarve që ju prenë kryet tanve luftëtarve dhe banorve të Kështjellave të Krujës, Lezhës, Drishtit dhe në afërsi të Durrësit sipas Dom Marin Barletit.
Nji pjesë e shkodranve qi mbetën gjallë emigruen në Venedik, ku u pritën me madhështi dhe me gjitha nderet prej shtetit, ku ju dha shtetësia dhe të gjitha favoret e nderit në poste shtetnore dhe ato financiare! Nga kjo pritje qi ju ba shkodranve në Venedik, u prekën emocionalisht popullata dhe si duket i ka prekë zemrën edhe piktorit Mikelit nga Verona duke e pasqyrue kët fakt në tablonë e Kryqzimit, pas 22 vjetësh pushtimi të Shkodrës nga Osmanët, kur ishte në moshën 32 apo 33 vjeç.
.
Piktura nga e ka marrë frymzimin Mikeli nga Verona
Piktura nga e ka marrë frymzimin Mikeli nga Verona

Kompozimi i rolit të të dënuemit në krahë të djathtë Jezusit Frymzimin e ka marrë Mikeli nga Verona prej pikturës së kryqzimit të Jezusit midis dy bakëqijve.

Aty kishin këto role kta të dy të dënuem midis Jezusit:
Në krahë të majtë te Jezusit i drejtohet i kryqzuemi me këto fjalë nga libri Bibla, fq 1501, botimi Ferizaj, 1994: “Njeni nga kriminelët e kryqzuem e fyente (Jezusin – shtesa jem – B.M.P.) Po a nuk je ti Mesia?! Shpëto vedin edhe ne !”
Por ai tjetri e qortoi shokun: “As ti nuk e druan Hyjin që po vuan të njëjtin dënim si ai? Sa për ne kjo asht drejtësi: po marrim ndëshkimin e merituem për veprat tona! Por Ky (Jezusi – e shtova unë B.M.P.) – s’bani asnjë të keqe!”
dhe tha: Të bie ndërmend për mue, o Jezus, kur të arrish në Mbretninë tande!”
E Jezusi i tha: “Por të vërtetë po të them: sot do të jesh me mue në parriz!”
Piktori Mikel ka ba nji kompozimi në ndërhymje tuj vendosë Flamurin Shqyptar te krahu i atij të ndëshkuemit pranë krahut të djathtë të Jezusit, ku i tha: “…sot do të jesh me mue në parriz!” Tuj krahasue me tablonë klasike të njohun në bibël.
.

Biografia e Mikelit nga Verona

Mikeli nga Verona (Mikele da Verona) lindi në Veronë aty nga vjetët 1469/1470 dhe vdiq midis mujve maj-qershor 1536/1544. (Duhet pasë kujdes të mos ngatrrohet me një bashkëkohës i afërt me emnin Zerone Veronese (1484-1542), që ishin të ndryshëm.
.

Veprimtaria

Mikeli da Verona ishte një piktor italian i shkollës veroneze, i periudhës të Rilindjes që ishte aktiv në fund të shek. XV-të dhe fillimit të shek. të XVI-të.
Ai punoi në Sala, në Ticino, në Lago di Garda, në Rimini (1521) dhe ndoshta edhe në Romë. U ndikua mjaft nga Giovanni Francesco Caroto dhe Girolamo dai Libri, ma vonë nga Palma Vecchio, il Romanino dhe Giovanni Cariani. Piktura e Mikelit të kujton stilin e Niccolo Giolfinos. U ba i famshëm me pikturën “Kryqëzimi” të pikturueme në vjetin 1501. Nuk ka shum të dhana për jetën dhe veprimtarinë e tij.
Piktura “Kryqzimi” i M. Verona
Duhen shqyrtue nga Kritika dhe specialistët e Artit Shqyptar
Duhet pak mund që shqyptarët që banojnë në Milano, apo krejt shqyptarët ta vizitojnë në Milano, te Pinacoteca Brera, për të pa pikturën para 517 vjetve të italianit, Michele Da Verona, e pikturuem në tablonë “Kryqzimi” në nji formë drejtkandshi me përmasa 335×720 cm.
Dita Pashkve, e dielë, 1 prill 2018
 

 

Related Images:

Artikulli paraprakKolec Topalli: Punova 45 vjet për Fjalorin etimologjik të shqipes – Intervista nga Blerina Goce
Artikulli tjetërSi e vrau Enver Hoxha, burrin e motrës!
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

S'KA KOMENTE

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.