Fjalori i demagogjisë nga Fadil L. Curri – Diktatori dhe kok(rr)at

0
12
Shkrimtari Fadil L. Curri
Shkrimtari Fadil L. Curri

Fjalori i demagogjisë

nga Fadil L. Curri

Diktatori dhe kok(rr)at

Thuaj diktator, censor, inkuizitor, homonime veprimi janë. Ky lloj njeriu i babëzitur për lavd e pushtet i mbledh rrotull vetes ata që vetëm ai i honeps, e jo ata që i duhen popullit. Me rëndësi është t’i shkojë kungulli mbi ujë sa është gjallë vet, e pas epokës së tij le të bëhet deti kos…
Këta, pra diktatorët, në emër të bashkimit qëllimet i arrijnë me përçarje në popull, me shpifje e trillime. Nuk i duhen këtij kokat e mençura që kanë sprovuar veten me flijime atdhetare, këtij i duhen kokat si kokrra, si vota për të. Po të mos ishte parimi hyjnor se mëkati këputet prej vetes, do të bënin që ta matnin popullin me kokrrat e veta, jo me kokat e popullit.

Apokalipsi... nga Sergio Michilini
Apokalipsi… nga Sergio Michilini

Në vendin e provincën e vet diktatorët duan ta bëjnë rrethin e tyre në një Republikë të Mëkatarëve të Hyjnizuar, duke i shenjtëruar para bindjes së popullit heretikët. Kokrrat që i ka rreth vetes si lukuni egërsirash ndonjë zë tjetër që mund të jetë ilaç për shërim nga diktatura, e zhbëjnë me anatemën se është helm ky ilaç.
Biografia e diktatorit, e shpirtit të tij është në gjurmët e këmbëve kah ka ecur me diellhënën e rrejshme çlirimtare, me gjakpirësinë gjoja ledhatuese të tij. Gjurmët ia fshijnë kok(rr)at e robotizuara nga diktatori, i cili ushqehet me pavdekësinë e të ndjerëve heronj, kurse të gjallët i terrorizon me varfëri goje, mendjeje e shpirtit. Diktatori ka mundësi të shkojë në vendet e shenjta e pastaj të kthehet në atdhe të pështyejë në betimin e bekimit që e ka puthur atje. As paragrafët e librave të shenjtë diktatorin nuk e largojnë nga rregullat e përdala të kok(rr)ave të robotizuara nga vet ai.
Aq shumë do të dehet diktatori nga sahanlëpirësit e tij, të shkolluar nga shkolla e tij, sa një ditë nuk do të kuptojë se si kok(rr)at do t’ia hanë kokën diktatorit ose ai një nga një do t’i hajë kok(rr)at e veta.
Marrë nga faqja e fb. e Fadil L. Curri

Related Images:

Artikulli paraprakLetra e Mark Zuckebergut… dhe marria jonë kolektive… nga Ilir Seci
Artikulli tjetërLe ta kujtojmë porosinë e Çabejt për Standardin e Gjuhës nga Albana Deda (Ndoja)
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.