Erdhën Vatranët Besnikë të Nolit
Shoqëria Atdhetare Besa Besë
“Mbahu Nëno, mos ki frikë,
se ke djemtë në Amerikë…” Noli
“Pata kënaqësinë të pres sot një grup Vatranësh, i cili udhëhiqej nga Presidenti i Nderit të Federatës Pan-Shqiptare Vatra z. Agim Rexhaj si dhe Sekretarja e Vatrës znj. Nazo Veliu, të cilët kishin ardhur nga New York për të bërë homazhe dhe nderime me rastin e 59 vjetorit të largimit nga kjo jetë të shqiptarit të madh Fan Stilian Nolit.
Vizita nisi në kultin ku Fan Noli shërbeu gjatë gjithë jetës së tij ashtu si dhe njihet “Kisha e Shën Gjergjit” (Kisha e Nolit), aty ky Vatranët ndihen krenarë, krenarë pasi kanë zgjedhur të ecin në rrugën e Nolit, udhëheqësit shqiptar, kryeministër, shkrimtar, akademik, diplomat, politikan, historian, orator si edhe themelues i Kishës Autoqefale Ortodokse Shqiptare dhe bashkthemelues i Federatës Pan-Shqiptare Vatra në Amerikë.
Më pas nën kujdesin e Drejtoreshës së Biblotekës së Nolit znj. Neka Doko, ju drejtuan Biblotekës Noliane ku u njohën me punën dhe arkivat e rralla që datojnë që nga vitet 1908, po ashtu në këtë ditë studjuesi dhe vatrani i palodhur z. Idriz Lamaj i dhuroi biblotekës një korespodencë orgjinale të Fan Nolit dërguar Peter Kolonjës, e cila datonte në vitin 1943.
Vatranët pastaj u nisën drejt vendit ku prehet Noli, koha sot ishte me diell si bekim për bijtë dhe mbartësit e lavdisë, mes lulesh dhe flamurit kombëtar u mbajtë një minutë heshtje, aty z. Rexha bëri një betim me dorën mbi varrin e Nolit duke thënë. “I dashur Imzot Noli, Unë, betohem që si Vatran, këtu tek varri yt që rrugën tënde do ta ndjek dhe nuk do ta braktis kurrë marrëdhënien me Kishën e Shën Gjergjit, atë Kishë që ti e krijove!”.
Çaste dhe momente të paharruara do të mbeten këto, kjo e sotmja tregoi edhe njëherë se Noli mbetet i pavdekshëm, pasi ka akoma bijë dhe bija që në dejet e tyre u rrjedh gjak i pastër shqiptari.
Lavdi jetës dhe veprës së Fan Stilian Nolit.
Rroftë Vatra 🇦🇱🤝🇺🇸
Boston, Massachusetts
03.13.2024