10.5 C
Tirana
E diel, 3 Mars, 2024

Mbeshtet RadiandRadi

spot_img

Dromca “Bukowskiane…” – nga Kastriot Fetahu

on

|

views

and

comments

Charles Bukowski - Poezi
Charles Bukowski – Poezi

Dromca “Bukowskiane…”

nga Kastriot Fetahu

Në çfarë kam shkruar unë më poshtë, jam inspiruar nga mënyra
sesi e shikon botën shpirtërore Charles Bukowski. 
Ai, në optikën time është madhështor, për stilin modern prej bohemi,
me të cilin trondit shpirtin njerëzor, duke i shkuar në zemër te vërtetës së ndjesive të atij shpirti.
Lexojeni Bukowskin, ai ju lehtëson jetën dhe ju mënçuron me mendjen e tij brilante.
Vlera e respektit ndaj botës femërore, është çelësi që e bën Botën tonë më të mirë, se sa kjo që kemi.
 
* * *
Ajo erdhi në zyrën time dhe kërkoi një shërbim, për të cilin ngeli shumë e kënaqur, pas tri takimesh pune. 
Më kishte treguar se punonte mësuese dhe ishte poete.
-Do ju ftoj si zyrë të pimë një gotë verë – më tha, – sepse gjeta tek ju, jo vetëm çfarë doja në zgjidhjen më të bukur të mundëshme, por edhe një person, që më vjen keq pse nuk e kam mik – dhe po më shihte “paturpësisht” në sy.
-Ok, – i thashë shumë zyrtarisht.
Por do ju lutesha, – vijoi, – të kem mirkuptimin tuaj, se unë edhe mund të dehem dhe flas budallalliqe, prandaj mos m’i merni për bazë – dhe buzëqeshi fëmijërisht.
Pasi mbaroi, në pak çaste kryqëzuam shikimet, ku nuk i rezistova dot, duke marrë pa arsye një stilolaps në tavolinë, kohë që më mjaftoi të përmblidhja veten dhe i fola.
Njëjtë edhe unë me një ndryshim të vogël nga ty, që… dehem përpara teje – dhe buzëqesha me një tundje të lehtë koke shumë miqësisht, me një lloj triumfi sikur të kisha hedhur dorezën para saj si në duelin e famshëm francez.
Qeshi me të madhe dhe mbyturazi nga e qeshura me ndërprerje, për një çast më tha – mos ki merak se je në duar të sigurta, ta premtoj për këtë.
Ajo vazhdonte të qeshte si fëmijë me një brishtësi të kristaltë, ku po kuptoja se ishte një grua që sinqeritetin dhe mirësinë i kishte të shkallës sipërore, ndërsa edhe një mike kampione, të cilën e respektoja pafundësisht si më parë, për sjelljen elegante shumë njerëzore të saj dhe pse akoma nuk po i shpëtoja dot gjendjes së turbullt, kur kupton se Bota ka njerëz, të cilëve mund t’iu besosh miqësisht veten, pa pasur probleme “kalimi kufijsh në mënyrë të paligjshme!”
Ajo vazhdonte akoma të qeshte, se nuk e kishte pritur atë reagim, më fëminor se sa vet kërkesa e saj ndaj meje.
 
* * *
Tani mendon se po të njoh? Ti vuan shumë, se ke shpirt aventure të bukur në praninë e një mashkulli, të cilit do t’i besosh shumë, madje jetën, nëse e gjen ashtu si e koncepton darkave pasi mbulon kokën me mbulesë, sepse nuk ke gjumë.
Ti nuk jeton dot pa “shpella stalaktitesh” në mendjen tënde, ku vetëm ai do jetë pranishëm dhe ti një “Liza në botën e çudirave” duke i shtuar edhe dashuri shpirti asaj atmosfere romantike dhe aventureske.
 
* * * 
Eh, është shpirti i aventurës, hipur në kuvertën e asaj valëzës gazmore shkumbardhë, që drejtimin ia lë me dëshirë velave kryeneçe të padëmshme asnjëherë me atë kryeneçësi, pasi ngado që të drejtohet ajo, lundron në universin e dashurisë.
 
* * *
Raporti fizik, është gjëja e fundit që mendon një grua e zgjuar, ndërkohë gjithmonë kërkon “ta zgjidhë dhe ta lejojë” shpirtin e saj të “harbojë” si një kalë i hazdisur, në lëndina të pashkelura më parë.
Ajo është një aventuriere e bukur, në një botë pa njerëz në praninë e saj përveç atij që i ka dhuruar zemrën, duke ja dhënë këtë të drejtë ekskluzive në mënyrë të pakthyeshme, përsa kohë ekziston besimi i ndërsjelltë absolut në mes tyre.
 .

Charles Bukowski (1920-1994)
Charles Bukowski (1920-1994)
* * *
Edhe të dashur të kisha, nuk do të shkruaja kohë pa kohë dhe akoma më pak, për raportin që kemi.
Ruaje një grua, që kërkon shtigje të bukura të jetës, pa rënë në sy publikisht.
Ajo është krijesa më e dlirë, më e mirë, më e brishtë, më e çiltër, e sinqertë dhe që e do Lirinë e saj mbi çdo gjë edhe në kushtet e një pushteti absolut mbi të.
Ajo është një grua, që nuk kërkon asgjë tjetër, veç miqësisë së pastër. 
Kujdesu me shumë elegancë dhe respekt për atë.
Ajo të çmon shumë në këtë mënyrë sjelljeje ndaj saj, sepse është një fisnike dhe nuk ndodhet aty për asnjë lloj raporti tjetër.
 
* * *
Poeti fle me retë, për dyshek ka tokën dhe mbulesë ka qiellin.
 
* * *
Unë i njoh aq mirë neuronet dhe edhe qelizat e tua, sa e di se çfarë kanë ato në bërthamën e tyre.
 
* * *
Për të arritur tek Ty, do ta filloja nga gota e verës, sepse nuk do arrije të më kuptoje çfarë do të thoja, pa kaluar më parë nga ajo gotë vere.
 
* * *
Të kalosh kufirin do pasaportë, por ka kufij që duan shumë shpirt për t’i kaluar, pasi pasaporta nuk hyn fare në punë në to.
 
* * *
Unë vdes, që Ti të arratisesh në mendjen tënde me… mua.
 
* * *
Ndonjëherë nuk duam të shtyhemi thellë, për të ruajtur veten nga fluturimet pindarike, kur na mungon objekti i mbërritjes.
 
* * *
Njerëzit mendojnë shpesh se koha është vlerë kalendarike. Sa gabim e kanë, sepse në fakt koha është shpirt dhe nuk rrjedh thjesht si ndërrim numrash, nëse raportet njerëzore janë edhe ato shpirt, në një lidhje.
 
* * *
Më indukton aq shumë gjëra të bukura në shpirtin tim, sa nuk po arrij dot t’i sistemoj në kokën time.
 
* * *
Nëse kërkon t’i shpëtosh skllavërimit të saj, bën mirë të dyllosësh veshët dhe të mbyllësh sytë. Asgjë tjetër nuk të mbron dot nga Ajo. Edhe Zoti është i pafuqishëm të jetë në anën tuaj.
 
* * *
Ju mund të bëni çfarë të doni për t’u integruar në ditën tuaj, dikush e fillon me kafe, dikush me tjetër gjë, ndërsa unë do mendoj për Atë, duke parë foton e saj, për ta filluar ditën me adrenalinën e rritur, sikur të kem pirë kafen e gjithë Botës.
 
* * *
Çdo ishte bota pa gratë? 
E mendoni dot Tokën tonë pa Diellin, po tastierën e pianos pa tingujt magjikë të saj, apo kinemanë pa shfaqjen e një filmi të bukur me ngjyra? Të gjitha këto nuk janë asgjë para një Bote pa gra. Lartësojeni figurën e saj dhe shikoni sesa bukur do jetoni në një Botë, ku idiotësia jonë është pengesa më e madhe për bukurinë e saj.
 
* * *
Të flasësh me gra të bukura dhe të ëmbla është e frikshme, po nëse këto janë aristokrate dhe shumë inteligjente??
Lutuni mos ta keni këtë mundësi, nëse Zoti do t’iu donte Ju, pasi paqja në shpirtin tuaj, do të ishte hedhur në erë në mënyrë të pakthyeshme.
.
Përzgjodhi dhe përktheu Kastriot Fetahu
Chicago, Shkurt 2021
.
Marrë nga Muri i Fb i Kastriot Fetahut, 7 Maj 2021 
.

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.