back to top
16.5 C
Tirana
E enjte, 28 Mars, 2024

Dom Mikel Beltoja – nga Kastriot Dervishi

Gazeta

Dom Mikel Beltoja (1935-1974)
Dom Mikel Beltoja (1935-1974)

Dom Mikel Beltoja

nga Kastriot Dervishi

Dom Mikel Beltoja lindi në Beltojë më 09.05.1935. 
Në kulm të regjimit komunist, meqë Seminari Papnor Shqiptar ishte mbyllur, ai u përgatit për meshtar në mënyrë private prej Arqipeshkvit Imzot Ernest Çobës, i cili e shuguroi meshtar më 08.12.1961, sëbashku me Dom Marin Shkurtin. Ishte famullitar i Dajçit të Bregut të Bunës e më pas i Barbullushit. U arrestua në Beltojë dhe u burgos në Shkodër më 19.04.1973. U dënua me 7 vjet burg më 15.08.1973, dhe me vdekje më 04.09.1973. U pushkatua në Shkodër më 10.02.1974.
Marre nga https://kishakatolikeshkoder.com/dom-mikel-beltoja/

Sende të Mikel Beltojës që Sigurimi ia ekspozoi para popullit
Sende të Mikel Beltojës që Sigurimi ia ekspozoi para popullit

Hilë Gjergj Gjoni, lindur në vitin 1935, në Beltojë të Shkodrës, i njohur ndryshe si Dom Mikel Beltoja është kleriku i fundit i ekzekutuar me vdekje me vendim gjykate. Regjimi e bëri shembull, sepse ai ushtronte fenë edhe pse ajo ishte ndaluar. Madje sendet e tij, ia ekspozoi popullit. Është fiksuar kjo foto teksa fëmijëve dhe kooperativistëve iu tregoheshin orenditë që përdorte kleriku.
Mikel Beltoja u arrestua më 19.04.1973. U akuzua në bazë të neneve 64 (tradhtia ndaj atdheut) në kombinim me nenin 10 (përgatitja dhe tentativa), nenit 73/1 (agjitacioni dhe propaganda), nenit 239/2 (kundërshtimi përfaqësuesit të pushtetit) dhe nenit 185 (mashtrimi, d.m.th. feja konsiderohej “mashtrim”). Gjykata e Rrethit Shkodër, me vendimin nr. 229, datë 04.09.1973, e deklaroi fajtor dhe e dënoi me vdekje, pushkatim. U la në fuqi me vendimin nr. 1775, datë 06.12.1973 të Kolegjit Penal të Gjykatës së Lartë. Nuk pranoi të nënshkruajë kërkesë për faljen e jetës. Presidiumi i Kuvendit Popullor në mbledhjen e datës 30.01.1974 refuzoi t’i falë jetën. Në mungesë të dokumenteve të tjera plotësuese, d.m.th. praktikës së ekzekutimin, e cila nuk është gjendur, besohet se vrasja të jetë bërë më 01.02.1974. 
Te rasti i Hilë Gjonit, spikat qëndrimi i qartë antikomunist, i demonstruar në sallën e gjyqit dhe botërisht. Ai ishte i akuzuar, por akuzoi publikisht klikën e Enver Hoxhës dhe regjimin e tij antikombëtar. Në vendimin e Gjykatës së Lartë, ndër të tjera thuhet: “Ai është shprehur haptazi kundër sistemit kooperativist, në mbrojtje të armiqve të popullit, kriminelëve të luftës, etj., udhëheqësit e partisë dhe të shtetit i ka quajtur servilë dhe të shitur në vendet e tjera. Haptazi gjithashtu, ka deklaruar ndër persona të ndryshëm se nëqoftëse do të ndryshojë gjendja politike e vendit “nuk kam çka të bëj tjetër, vetë se këto komunistët dhe me i pa jo të pushkatuar, por me i gri copa me brisk rroje”. 
Bile edhe gjatë hetimit si dhe gjykimit të çështjes, i gjykuari ka mbajtur të njëjtin qëndrim armiqësor, gjë që vërteton se ai është i vendosur në rrugën e tij prej armiku të betuar të pushtetit popullor”.
.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.