Do të mposhtesh njerëzisht, Rama! – nga Elona Caslli

0
7
Elona Caslli
Elona Caslli
Elona Caslli
Elona Caslli

Do të mposhtesh njerëzisht, Rama!

nga Elona Caslli

Njerëzorja do të të mposhtë Rama; veçse njerëzorja.
Do të mposhtesh njerëzisht, nga vajza 15 vjeçare, e cila, ditën e mbledhjes së fondeve për rivendosjen e gërmave (që u vodhën nga Kryetari yt i Bashkisë), e theu arkën e saj të kursimeve, për të dhënë kontributin e saj, për rivendosjen e gërmave.
Do të mposhtesh njerëzisht nga ish-studenti i viteve ’90 emigruar, tashmë në Shtetet e Bashkuara, i cili për së largu thotë: “Jam me ju çdo ditë!” Në pamundësi për të ardhur vetë do të dërgoj një mikun tim, që do të sjellë një porosi në emrin tim, për Aleancën e Mbrojtjes së Teatrit.
Do të mposhtesh njerëzisht, nga trupa italiane e cila për të mbështetur protestën, ngjitet mbi skenën e Teatrit Kombëtar dhe thërret fort: “Il teatro è vita! Viva il Teatro!”
Do të mposhtesh njerëzisht nga aktori kosovar që pas shfaqjes në mbështetje të protestës, ruan marrëzinë tënde gjatë natës për të prekur agun mbi sheshin e Teatrit Kombëtar.
Do të mposhtesh njerëzisht, nga Maestro që rikthehet në atdhe për të rrëfyer luftën tënde me artin dhe artistët shqiptarë prej 20 vitesh.
Do të mposhtesh njerëzisht nga vepra e një njeriu që nuk jeton më, por që rikthehet kurdoherë me mendjen e tij, pasi njerëzit duan ta lexojnë dhe ta njohin. Dhe ai rikthehet mbi skenën e Teatrit Kombëtar për të dhënë mesazhin se: “Njeriu është më i fortë së diktatura!”
Njerëzisht do të mposhtesh, Rama! Veçse njerëzisht.
.
Post Scriptum – Ndonëse pesha e njerëzores ty të duket krejt e papërfillshme, unë jam e bindur se dikur apo diku, ti do mposhtesh njerëzisht.
.

Related Images:

Artikulli paraprakPersekucioni i egër 45-vjeçar mbi Vermoshin nga regjimi komunist – nga Nikoll Pjetër Hysaj
Artikulli tjetërLetra e Mark Shllakut para pushkatimit – dhe dy nënvizime nga Stefan Çapaliku & Albert Vataj
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.