Çfarë ishte 21 janari 2011? – Opinione

0
14
Nderim... për ata që u vranëme 21 janar 2011
Nderim... për ata që u vranëme 21 janar 2011
Nderim... për ata që u vranëme 21 janar 2011
Nderim… për ata që u vranë me 21 janar 2011

Çfarë ishte 21 janari 2011? –

Opinione

Indrit Vokshi…

Ngjarja e 21 janarit u projektua sepse sponsorët ndërkombëtarë të Ramës e kuptuan se pas humbjes së zgjedhjeve të vitit 2009, lojtari i tyre për të cilin kishin sponsorizuar aq shumë, Edi Rama, ishte në pozita shumë të dobëta, gati për t’u shqyer nga armiqtë brenda partisë së tij, ndaj duhej vepruar shpejt kundër qeverisë. Madje 21 janari nuk ishte një ngjarje, por përfundimi i një serie ngjarjesh, që nisën me greva në bulevard, me bllokime rrugësh nacionale e me djegie gomash. Me qëllim të qartë e të pastër (të pistë): Nuk mund të pranojmë humbjen e zgjedhjeve dhe mbetjen në opozitë edhe për 4 vite. Prandaj nuk pranonin t’i drejtoheshin as Gjykatës Kushtetuese për ta pyetur nëse kanë apo jo të drejtë për t’i hapur kutitë e votimit, sepse qëllimi ishte tjetërkund.
Datën 21 janar e zgjodhën simbolikisht, duke dashur të imitojnë revolucionarët francezë të cilët me 21 janar 1793 ekzekutuan mbretin Luigji XVI – pra donin të ekzekutonin politikisht armikun, asgjë tjetër. Nga kjo kuptojmë se “parota” e Partisë Socialiste e kishte të qartë se çfarë do të bënte. Do të zbatonte atë që Edi Rama me gojën e tij por me mendjen e sponsorizuar shpalli me 20 janar në Top Story: “Saliu ose duhet të pranojë zgjidhjen tonë, ose i duhet të kalojë mbi të vdekur”. Të vetmit që nuk e kishin të qartë se çfarë do të ndodhte, ishin qytetarët e thjeshtë.
Më vjen keq për ata që u vranë, se shkuan padrejtësisht ngaqë nuk ishin ata fajtorët dhe, më vjen po keq, që familjet mafioze të Bllokut dhe financuesit e asaj ngjarjeje nuk morën përgjigjien që meritonin të merrnin.
(Pse u zgjodh pikërisht data 21 janar?)

Pamje nga 21 janari i 2011
Pamje nga 21 janari i 2011

***
Çelo Hoxha

21 janari tregon natyrën antishtet të socialistëve në dy kohë: një herë më atë ditë që sulmuan policinë dhe institucionin e kryeministrisë me gurë, shkopinj, makina, dhe bojë të kuqe, dhe hera tjetër pasi u morën pushtetin, kanë kaluar tre 21 janare dhe ende s’është hapur një hetim që ata betoheshin se do ta bënin kur ishin në opozitë. Mirë apo keq, në kohën e Berishës u hetua diçka. Dhe diçka është më shumë se hiç.
(status në Fb, 21 janar 2016)

Katrani me boje  dhe Policia e Shtetit
Katrani me boje… dhe Policia e Shtetit

***
Ferdinand Veliu

Sot është 21 janari.
Ditë e trishtë për çdo protestues të 21 janarit 2011. Janë të tradhëtuar, ishin të tradhëtuar. Aktorët e “rilindjes” ja dolën të prodhojnë dhe vënë në skenë tragjikomedinë më të madhe të luajtur nga politikanë. Gjakun e katër qytetarëve po e pinë me shëndete Edi Rama dhe Ilir Meta. Prestigj… çfarë ironie e tmerrshme, ç’hipokrizi. Kuje. Maskarenjtë dirigjojnë kohën, sot çdo gjë është e qartë, këta lloj monstrash pa principe dhe moral nuk kanë cak në babëzinë e tyre, edhe shpirtin e shqiptarëve po grabisin apo po japin me konçension.
(Koha është e maskarenjve!)

Evolucioni i Pikturës dhe Revolucioni i Bojës...
Evolucioni i Pikturës dhe Revolucioni i Bojës…

***
Artan Gjyzel Hasani

Në një vend normal demokratik ky Klloun, ky Palaço që shihni në fotografi, i lyer me bojë të kuqe, gjoja i përgjakur nga dhuna policore me 21 Janar 2011, duhej arrestuar kurdo që të kapej, pasi me veprimin e tij ka nxitur publikisht veprime të dhunshme antikushtetuese të turmës kundër institucioneve kushtetuese (Kryeministrisë), me pasoje vrasjen e 4 sivëllezërve të tij… Eshtë arrestuar vallë? Nuk besoj… Me siguri do të jetë shef a drejtor i Rilindjes diku, por edhe mund të jetë akoma një mi haleje, si çka qenë edhe para ardhjes në pushtet të ish PPSH-së.
A ka nënë, babë, grua, motra e vëllezër, fëmijë, nipa a mbesa ky mashtrues, ky fytyrëkuq faqezi? A ka shokë e miq ky fytyrëkuq faqezi? A ka krushq e farefis ky fytyrëkuq faqezi? A ka komshinj dhe të njohur ky fytyrekuq faqezi? Si ndjehet vallë para gjithë këtyre? I ka nderuar apo turpëruar? Apo aq i bën se edhe ata, në hamendjen time më të keqe, mund të jenë njësoj faqezinj si ai? Apo aq i bën se qëllimi u arrit: Edi Rama erdhi në pushtet… Po mirë nëse ata qenkan të gjithë faqezinj, po para atyre 4 viktimave nëse supozojmë se ishin të pafajshme, por u bënë të fajshme dhe viktima njëkohesisht pas lyerjes me bojë të kuqë të surratit nga ana e faqeziut, pra si ndjehet para tyre kur kanë sjellë në pushtet edhe Ilir Metën për hajdutëritë e të cilit dhanë jetën ata të 4? Më saktë Ilir Meta i solli në pushtet Edi Ramen dhe faqeziun fytyrëkuq… Pra nuk qenka aq e thjeshtë… dhe nuk qenkan aq pak faqezinjtë… Pune Kurvash hesapi… Burrash kurva… Dhe nuk mendoj se është veç sport socialistësh e ish-komunistësh maskarada… Mendoj se është sport mbarëkombëtar dhe tani që e rimendoj them me vete ndoshta jam shumë naiv e po kërkoj shumë nga bijtë e shqipes… Na rrofshin shqiponja dhe dronet, se për të tjerat aha… Konica paska pasur shumë të drejtë!
(Pjesë nga komedia “Palaçot e 21 Janarit”)

Related Images:

Artikulli paraprakNji natë e jashtzakonshme Janari tregim nga Gjergj Kola
Artikulli tjetërHimni i Kongresit tё Lushnjёs nga Maksim Kulla
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.