Ahmet Zogu (8 tetor 1895 – 8 tetor 2020) – Nji shënim dhe nji album i veçantë fotosh nga Jozef Radi

0
11
Ahmet Zogu (1895-1961)
Ahmet Zogu (1895-1961)

Ahmet Zogu 8 tetor 1895 – 8 tetor 2020

Nji shënim dhe nji album i veçantë fotosh

nga Jozef Radi

125 Vjetori i Lindjes së nji Figure Nyje Historike

Ahmet Zogu, sot ka nji Përvjetor të rëndësishëm të tijin, 125 Vjetorit të Lindjes…
Simbas pikpamjes sime gjithë lufta, gjithë përpjekjet dhe sakrificat e tij, gjithë kokfortësia dhe dipllomacia për t’i dhënë këtij vendi që jetonte në kufijtë e çoroditjes totale – formën dinjitoze të nji shteti europian, meriton jo vetëm të përkujtohet, por duhej që ai të gëzonte të gjitha atributet e nji Burrështetasi që bëri aq sa mundi, e simbas meje edhe më shumë se mundi…
Ekziston sot e kësaj dite nji mirnjohje e heshtur asaj periudhe që të gjithë e përmendin si periudha e artë e Viteve ’30, kur Shqipëria edhe mbas 500 viteve sundim osman, përpiqesh të shfaqesh dinjitoze dhe krenare me gjithë vështërsitë e saj…
Gjej 1000 arsye ta përkujtoj kët përvjetor, jashtë çdo sentimentalizmi dhe gjykimi emotiv. Sepse jam i sigurt se kam distancën e mjaftueshme historike, dhe gjykimin tejet të ftohtë për ta kqyrur kët figurë historike, me të gjitha vështërsitë, ndërdyshjet, kundërshtitë pse jo edhe gabimet… po edhe të gjej te Ai jo vetëm luftëtarin që fitoi mjaft beteja në terren, po edhe personalitetin që në të përpjetën drejt pushtetit e ka më të pastrën, më të lavdishmen dhe juridikisht më të përligjurën… Mendoj se ne do të bëhemi komb dinjitoz, kur të marrim distancën e duhur nga emocionet dhe ta vëzhgojmë kuadrin e historisë ashtu siç ajo meriton të shihet… e ku figura nga djaloshi Ahmet Zogu e deri te Mbret Zogu i I – Mbret i Shqiptarëve që vdiq në ezil, t’i jepen gjithë meritat që i takojnë, e që s’mund të kenë asnji lidhje as me shtrembërimet, as paragjykimet, as poshtërimet sistematike, prej gjithë atyre që historinë e kanë të mbushur përplot emocione dashurore dhe urrejtjesh…
Kët përkujtimore timen të 125 Vjetorit të Lindjes së këtij Burrshtetasi, unë do përpiqem ta përcjell vetëm përmes pak fotove… dhe  për këtë kam përzgjedhur foto të tija me gratë e shumta të jetës së tij…
Mund të them pa ndërdyshje, se nuk kam njohur ndonji udhëheqës të kësaj bote të jetë kaq shumë i rrethuar me gra sa Ahmet Zogu, është pikërisht ky raport me Gratë, ndoshta edhe fytyra më e vërtetë e tij që pakkush është kujtuar ta verë në dukje… e që unë mendoj se ky është ndoshta më i rëndësishmi…
Ahmet Zogu kishte adhurim për Gratë duke filluar nga  Nëna Mbretëreshë që e adhuronte si askush, po ai i donte dhe i vleresonte edhe motrat e shumta të tij, ai e zgjodhi me kujdes e nderoi dhe e respektoi Geraldina Aponyi, si nji zonjë dhe nji grua të madhe… dhe ajo nuk e pa atë thjesht si burrë po si nji Shqiptar të vërtetë që i dha asaj shumë dashuri edhe për Shqipërinë… dashakeqët sigurisht do t’i kujtojnë edhe të dashurat… edhe unë po ia pranoj edhe ato, i sigurt se kjo nuk e zvoglon aspak vlerën e tij… përkundrazi e madhështon edhe më shumë…
Dhe mund të përfundoj se  ky Burrë shteti që i respekton Gratë si ka vepruar ai, meriton të jetë vërtet Burrështetas… sepse na ka dhënë të gjithëve nji model të papërsëritshmëm vlerësimi për ato që janë gjysma e kësaj bote…
Dhe këto foto janë dëshmi kokforte…

Familja e Ahmet Zogut
Familja e Ahmet Zogut
Familja e Ahmet Zogut
Familja e Ahmet Zogut
Ahmet Zogu me kater motrat
Ahmet Zogu me kater motrat
Ahmet Zogu dhe motrat ne divize ushtarake
Ahmet Zogu dhe motrat ne divize ushtarake
Ahmet Zogu dhe motrat ne kostume popullore
Ahmet Zogu dhe motrat ne kostume popullore
Ahmet Zogu dhe familja ne picknic
Ahmet Zogu dhe familja ne picknic
Ahmet Zogu dhe motrat ne divize ushtarake
Ahmet Zogu dhe motrat ne divize ushtarake
Dasma e Ahmet Zogu me Geraldina Apogny 1938
Dasma e Ahmet Zogu me Geraldina Apogny 1938
Dasma e Ahmet Zogu me Geraldina Apogny dhe motrat 1938
Dasma e Ahmet Zogu me Geraldina Apogny dhe motrat 1938
Dasma e Ahmet Zogu me Geraldina Apogny 1938
Dasma e Ahmet Zogu me Geraldina Apogny 1938
Dasma e Ahmet Zogu me Geraldina Apogny 1938
Dasma e Ahmet Zogu me Geraldina Apogny 1938
Dasma e Ahmet Zogu - Ceremonia e nenshkrimit 1938
Dasma e Ahmet Zogu – Ceremonia e nenshkrimit 1938
Dasma e Ahmet Zogu -  1938
Dasma e Ahmet Zogu – 1938

Related Images:

Artikulli paraprakNobeli” si një “ambulancë shpirtërore” e njeriut pacient… nga Rezart Palluqi
Artikulli tjetërSvetlana Alexievich – Nobelistja e Letërsisë 2015 – nga Klodi Stralla dhe Ilir Seci
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.