back to top
19.5 C
Tirana
E diel, 19 Maj, 2024

“T’i shqyejmë dhe zhdukim sabotatorët e Maliqit” – nga Kastriot Dervishi

Gazeta

Gjyqi i Sabotatorëve te Maliqit 6 -22 nëntor 1946)
Gjyqi i Sabotatorëve te Maliqit 6 -22 nëntor 1946)

“T’i shqyejmë dhe zhdukim sabotatorët e Maliqit”

nga Kastriot Dervishi

Në përfundim të procesit të Maliqit, tre u ekzekutuan me pushkatim dhe dy me varje në litar (inxhinierët drejtues të punimeve). Propaganda komuniste u kujdes që ta injektonte në popull idenë se të dënuarit me vdekje, i kishin mohuar popullit të mira materiale të paimagjinueshme. Në fakt po gjykohej dija nga injoranca që ishte tashmë pushteti dhe koka e çdo ligësie.
Dosja hetimore-gjyqësore dhe dy dosjet formulare për dy persona, nuk hedhin asnjë lloj drite në këtë ngjarje. Të referosh këto dosje apo t’i marrësh qorrazi ato, do të thotë t’i shërbesh manipulimit të kësaj çështjeje. Po ashtu nuk është mbajtur procesverbal ekzekutimi.
.
Njoftimi i Gazetës Bashkimi... dhe Ekzekutimi i Inxhinjerëve të Maliqit
Njoftimi i Gazetës Bashkimi… dhe Ekzekutimi i Inxhinjerëve të Maliqit
Vendi i krimit u zgjodh Maliqi. Kameramanët jugosllavë udhëtuan nga Beogradi, për të xhiruar skenat e vetme të historisë së Shqipërisë të një ekzekutimi barbar mesjetar. Ishin përgatitur dy trekëmbësha për varjen e Abdyl Sharrës dhe Kujtim Beqirit. Ndërkohë para 6 pushkatarëve u rreshtuan të lidhur me zinxhir ndër duar e të kthyer prapa, sipas kësaj radhe: Zorika Mano, Vasil Mano, Eugenio Scaturo. Ishte 22 nëntori i vitit 1946. Shtypi i kohës shkruan se punëtorët donin “t’i shqyenin me duart e tyre”. Në rolin e prokurorit të popullit është vënë një punëtor, i cili mbajti një fjalim bolshevik duke vënë në dukje “tradhtinë” e të shkolluarve, bashkë me dëshirën e punëtorëve që “zhdukja e sabotatorëve” të shihej me sytë e tyre. “Kujt t’i pëlqejë le të bëjë si këta!”-mbylli fjalimin punëtori nën brohoritjet për “drejtësinë popullore” e një populli të varfër të eksituar për gjatë.
Vite më vonë gjatë ndërtimit të një objekti në Maliq, dyshohet se janë nxjerrë dhe hedhur eshtrat e 5 personave të ekzekutuar.
21 Nentor 2020
.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.