back to top
26.5 C
Tirana
E hënë, 15 Prill, 2024

Pjetër Arbnori u ridënua në prag të lirimit nga burgu – nga Kastriot Dervishi

Gazeta

Pjeter Arbnori i ri...
Pjeter Arbnori i ri…

Pjetër Arbnori u ridënua në prag të lirimit nga burgu.

nga Kastriot Dervishi

Në politikën penale të organeve të diktaturës komuniste, kur një i dënuar ishte në prag të lirimit nga burgu, i përdorej si mjet frikësimi, rekrutimi me material shtrëngues. Kur i dënuari refuzonte, në pjesën më të madhe, ai ridënohej. Si dokumente fillestare për këtë shërbenin dosja formulare, si dhe disa kallëzime nga të burgosur me moral të ulët. Procesi i ridënimit zhvillohej nga një konsultim paraprak midis me Degës së 8-të, të Drejtorisë së Parë të Sigurimit të Shtetit, organit të hetuesisë dhe Degës së Punëve të Brendshme ku i dënuari vuante dënimin. Praktika dilte nga karakteri i fshehtë agjenturial-operativ në atë ligjor hetimor-gjyqësor, kur futej në lojë Prokuroria.

Përgaditja për Ridënimin e Pjetër Arbnorit
Përgaditja për Ridënimin e Pjetër Arbnorit

Deri në gusht 1978, dosja formulare e përpunimin aktiv e Pjetër Arbnorit, (i cili vuante dënimin nga viti 1961) përbëhej nga 269 fletë. Ai ndiqej për agjitacion e propagandë, nisur me akuzën fillestare se kishte formuar parti në burg. Në drejtim të tij kishin raportuar një sërë bashkëpunëtorësh si: “Trëndafili”, “Bindja”, “Dardha”, “Radohima”, “Stugara”, “Shtogu”, “Tota”, etj. Pak kohë para se ai të lirohej, organet dilnin në këtë konkluzion:
“Pjetër Arbnori, megjithëse është dënuar me 25 vjet privim lirije, ka bërë një pjesë të madhe të dënimit në kampet e riedukimit dhe gjatë punës ka përfituar ulje nga masa e dënimit dhe së shpejti lirohet nga burgu. Kohët e fundit, me qëllim që t’i shpëtojë ridënimit, ai ka ndërprerë bisedat me karakter armiqësor dhe qëllimisht nuk futet në biseda me të dënuar të tjerë. Megjithëse këtë, siç vihet në dukje edhe gjatë kohës së dënimit, ai ka zhvilluar aktivitet të mprehtë armiqësor me tendencë organizimi, nga e cila nuk ka hequr dorë, se paraqet rrezikshmëri të theksuar shoqërore e për këtë propozojmë rimarrjen e tij në përgjegjësi penale. 
Të këtij mendimi janë edhe shokët e hetuesisë”.
Pjetër Arbnori u arrestua më 30.01.1979, dhe u dënua me 12 vjet heqje lirie për agjitacion e propagandë. 
U lirua nga burgu më 03.08.1989.

Pjeter Arbnori dhe nana e tij Roza
Pjeter Arbnori dhe nana e tij Roza

Marre nga muri i Kastriot Dervishit, 19 dhjetor 2021

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.