Ogur – Desiderata – prej Max Ehrmann

0
11
Max Ehrmann (1872-1945)
Max Ehrmann (1872-1945)

Ogur

Desiderata prej Max Ehrmann

Kalo qetsisht mes zhurmës e ngutit,
e venia mendjen sa shum paqe mundet me pasë heshtja.
Për aq sa të mundesh pa e ulë vedin,
ji në marrdhanie të mira me të tanë njerzit.
Thueje të vërtetën paqsisht e me kjartësi;
e ndigjoji të tjerët, edhe të mërzitshmit e injorantët;
edhe ata kanë nji histori me kallzu.
Shmangi harbutët e të egrit; ata ta ndrydhin shpirtin.
Po u krahasove me t’tjerët, rrezikon me rritë te vedi mburrjen dhe inatin,
se ka me pasë gjithmonë njerz ma poshtë e ma nalt se ti.
Gzoju me rezultatet e me projektet e tua.
Rueje interesin për punën tande, sado e përvujtun kjoftë ajo;
veç njatë ke primend në dorë për me e ndrru shortin e kohës.
Ji i matun në shkëmbimet e tua, ngase bota asht mbushë me kurthe.
Por kjo mos t’ta verbojë aftësinë tande me e dallue virtytin;
shum njerz luftojnë për idealet e veta, e kudo jeta asht e mbushun me heroizëm.
Ji vetja jote.
Kryesorja mos u shtir në ndjenja e mos ji cinik kundrejt dashnisë:
se pavarsisht bjerrjes dhe zhgënjimit ajo asht e pamort si bari.
Pranoje mirsisht shpirtzbutjen që vjen me moshë,
duke i lanë me buzqeshje të paqtueme gjanat e rinisë.
Kalite forcën e shpirtit që t’i bajsh ballë fatkeqësisë së papritun.
Por mos e torturo vedin tue hamendësue.
Shum frikna lindin prej lodhjes e prej vetmisë.
Përtej nji disipline morale, ji në paqë me vedin.
Ti je nji bir i universit, jo ma pak se pemët e se yjet;
ti ke të drejtën me qenë ktu. Dhe pavarsisht në e ke a jo të kjartë,
nuk ka dyshim se universi asht tue ta hapë rrugën si duhet.
Prandej ji në paqë me Zotin, sidoqë ta mendojsh,
e cilatdo kjoshin betejat e aspiratat tua,
rueje paqën e shpirtit tand edhe në rrëmujën e potershme të jetës.
Me tana mashtrimet, me punët pa mirënjohje e andrrat e grisuna,
kjo prapseprap asht nji botë e mahnitshme.
Mos harro. Mundoju me kenë i lumtun.

Desiderata - Poem by Max Ehrmann
Desiderata – Poem by Max Ehrmann

Marrë nga muri i Fb i Astrit Canit, 28 dhjetor 2021

.

Related Images:

Artikulli paraprakNjë përkujtimore kushtuar klerikëve Gazullorë gjatë shekujve – nga Frank Shkreli
Artikulli tjetërPoetika e “45 Mercy Street” e Anne Sexton – nga Desantila Qerimaj C
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.