back to top
25.5 C
Tirana
E premte, 24 Maj, 2024

Meave de Burgh agjentja britanike që admironte shqiptarët – nga Ndrek Gjini

Gazeta

“Kompania e 300-ve” në Maltë
“Kompania e 300-ve” në Maltë

Meave de Burgh, agjentja britanike që admironte shqiptarët

nga Ndrek Gjini

Meave de Burgh jeton vitet e saj të pleqërisë në ëexford të Irlandës. Ajo është ndofta e vetmja grua, ende gjallë, që ka punuar si agjente në shërbimin e fshehtë anglez, gjatë kohës që ky shërbim stërviste të rinj nacionalistë shqiptarë në mërgim, me qëllimin për t’i dërguar me mision në Shqipëri për rrëzimin e regjimit komunist.
Në rrëfimin e saj për kanalin më prestigjioz publik të Irlandës, RTE1, Meave de Burgh tregoi rreth jetës së saj në Maltë, ku kishte punuar si shifrante në shërbimin e fshehtë anglez, ndërkohë që burri i saj Kolonel Charles Davison dhe kolegët e tij, stërvisnin të rinj nga mërgata shqiptare për t’i dërguar me mision në Shqipëri. Në këtë intervistë, ajo flet me mjaft respekt e simpati për këta të rinj, flet për ndjenjat e larta nacionaliste të tyre, për inteligjencën dhe përkushtimin në përmbushjen e detyrave të ngarkuara, etj. Por sytë e saj mbushen me lot kur ajo sjell në memorie një natë tragjike ku humbën jetën gati 300 prej tyre, në një aksion që dështoi, për shkak të rrjedhjes së informacionit përmes agjentit të dyfishtë Kim Philby.
Meave u intervistua nga ky televizion për llogari të një emisioni mjaft të shikuar në Irlandë, të titulluar “Who Do You Think You Are?”, emision që ka për qëllim të shpalosë para publikut irlandez rrënjët gjenealogjike të njerëzve të shquar. Ajo u intervistua si gjyshja e Rosana Davison, e cila pasi ka fituar Miss Bota disa vite më parë, tani është top-modelja më e bukur irlandeze.
.
Meave de Burgh dhe i shoqi Charles Davison,
Meave de Burgh dhe i shoqi Charles Davison,
Meave është e ëma e këngëtarit mjaft të mirënjohur të viteve ’80-’90, Chris de Burgh. Ajo jeton vitet e pleqërisë së saj në këtë qytet të bukur turistik në lindje të Irlandës. Intervista e saj u konsiderua si një zbulim interesant përsa i përket jetës së saj në këtë mision të shërbimit sekret anglez si dhe simpatisë së lartë që ajo shprehu për këta të rinj shqiptarë.
Shtypi irlandez i kushtoi vëmendje për disa ditë radhazi deklaratave të saj rreth përpjekjeve të shërbimeve angleze dhe amerikane për rrëzimin e regjimit komunist në Shqipëri si dhe tragjedisë njerëzore që shkaktoi roli i dubël-agjentit Kim Philby.
.
Meave de Burgh me të bijën Rosana Davison e të birin Chris de Burgh,
Meave de Burgh me te bijen Rosana Davison e të birin Chris de Burgh,
Një ditë pasi u dha ky program në RTE1, i cili përmbante dhe intervistën e saj, si gjyshe e Rosana Davison, një kolegu im profesor i gjenealogjisë, më takon dhe më dhuron një DVD. Ai e kishte regjistruar këtë emision. Ai më tha se këtë DVD ua kishte vënë në një orë leksioni ta shikonin edhe studentëve të tij dhe se kishin diskutuar gati dhjetë minuta rreth historisë së kësaj agjenteje dhe simpatisë së saj për Shqipërinë dhe shqiptarët. U ndjeva mirë, por disi konfuz. Kur shkova në shtëpi e vura atë DVD dhe e pashë sërish emisionin. Të nesërmen e futa në një zarf dhe ia dërgova një kanali televiziv në Tiranë, por nuk mora përgjigje.
Gjithsesi para disa muajsh u interesova prapë për fatin e Meave de Burgh. Mësova se ajo është ende gjallë.
.
Top modelja Rosanna Davison dhe vëllai i saj këngëtari Chris de Burgh
Top modelja Rosanna Davison dhe vëllai i saj këngëtari Chris de Burgh

 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.