Mbasi lexova librin e një miku të vjetër – nga Natasha Pustina

0
10
22 Martiret e 26 Shkurtit 1951 - Osman Kaceli
22 Martiret e 26 Shkurtit 1951 - Osman Kaceli
22 Martiret e 26 Shkurtit 1951 - Osman Kaceli
22 Martiret e 26 Shkurtit 1951 – Osman Kaceli

Mbasi lexova librin e një miku të vjetër

nga Natasha Pustina

Osman Kacelin, e kam njohur në vitet ’70, kur rasti e solli të punonim të dy në uzinën e Porcelanit.
Atëhere unë, sapo kisha filluar punë në atë uzinë dhe me kish tërhequr vëmendjen, gatishmëria e këtij djali të ri, për eleminimin e difekteve elektrike që në atë kohë, në Porcelan nuk ishin të pakta.
Ai vazhdimisht, shumë i sjellshëm, ishte i gatshëm të ndihmonte në eleminimin e çdo avarie!
Më vonë, mora vesh se ishte i biri i Jonuz Kacelit, e sidomos kalvarin e vuajtjeve që kishin kaluar në fëmijërinë dhe rininë e tyre gjithë pjestarët e familjes së Jonuzit, me sa vështirësi, nëna e tij kish rritur 7 jetime, e vetme, në internim.
Mbas viteve ’90, Osmani u largua drejt Italisë, sëbashku me familjen, për një jetë më të mirë.
Jeton, midis Milanos dhe Shqipërisë, ku është ende aktiv në jetën politike të vendit, megjithëse në moshë të avancuar.
Kontributi i tij në diskretitimin e figurave kriminale të komunizmit dhe në njohjen e viktimave të tij mbetet shumë frytdhënës, siç thotë dhe vetë: “Dua që brezi i ri të njohë, të keqen dhe krimet e komunizmit…”
Një prej veprave të tij të padiskutueshme është edhe libri i 22 martirëve të 26 shkurtit 1951.
Jam shumë e gëzuar dhe e nderuar, që Moni, siç e thërresim ne, në familje, arriti ta përmblidhte dhe të shkruante një libër për martirët e nderuar, që u goditën në absurdin fatal të “vendosjes së bombës në legatën sovjetike…”

Shenimi me autograf i Osman Kacelit
Shenimi me autograf i Osman Kacelit

“Tek “Ngjarja e bombës” asht i koncentruem krejt mercenarizmi i nji politike integrale antishqiptare, që nuk u lodh tue i kënaqë armiqtë e këtij vendi…” do të shkruajë Jozef Radi, i cili shkroi parathënien dhe redaktimin i librit të Osman Kacelit!
Për bombën në legatën sovjetike është shkruar edhe më parë, por detajimi jetësor për çdo personazh, të dënuar me vdekje, momentet e fundit të tyre para pushkatimit, ka arritur t’i bashkojë me një gjuhë të thjesht dhe me vërtetësi, Osmani, me bindjen e fortë se ç’janë në gjendje të bëjnë monstrat komunistë për qëllimet e tyre, pa ngurruar të rrënojnë jetët dhe familjet e intelektualëve të pafajshëm dhe të njerëzve të thjeshtë, pa iu dridhur qerpiku…
Zotin Osman Kaceli, si miq të vjetër e falenderojmë për këtë libër me shumë vlera për brezat që vijnë.
Me respekt Natasha dhe Astrit Pustina…

Related Images:

Artikulli paraprakAntihistorikja si ligjërim letrar – nga Behar Gjoka – romani “Mekami” i Kasëm Trebeshinës
Artikulli tjetërKritikë letrare, apo post-truth – nga Artan Kafexhiu
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.