Lef Nosi në gjyq – Shkurt 1946

0
14
Lef Nosi - në bankën e të akuzuarve
Lef Nosi - në bankën e të akuzuarve 1946
Lef Nosi - në bankën e të akuzuarve
Lef Nosi – në bankën e të akuzuarve

Lef Nosi në gjyq – Shkurt 1946

materiale nga Kastriot Dervishi

Lef Nosi në gjyq. Mjafton të shikosh portretet e ushtarëve të brigadës së Mbrojtjes së Popullit, në pamjet e të cilësve është e skalitur rëndë injoranca, për të kuptuar pa shumë mundim se çfarë ishte ky gjyq. Ndërkohë ne si shoqëri vazhdojmë në biblioteka e arkiva të lexojmë periodikët dhe dokumentet që na la Lefi, por paguajmë edhe sharës e shpifës me funksione kundër tij.

Lef Nosi, avokati Zoi Xoxa dhe një partizan në mes

Lef Nosi qëndronte i qetë në vendin e të akuzuarve. Në dorë mbante një kapele republike. Avokati i tij ish deputet dhe ish botues, mbante shënimet që do lexonte në gjyq. Avokat Xoxa, nisi të lexojë mbrojtjen, por nuk vazhdoi gjatë, sepse populli në sallën e Kinema “Kosova” nuk e la ta vijonte. Teksti i mbrojtjes u fut në dosjen hetimore, por më vonë nuk është gjetur në të. Në mes këtyre personaliteteve qëndron një fytyrë naive e një partizani, i cili kujtonte se Shqipëria do të bëhej kur të vriteshin burra si Lef Nosi

Lef Nosi - në bankën e të akuzuarve 1946
Lef Nosi – në bankën e të akuzuarve 1946

Kristo Coka Raporti i Misionit Britanik për këte gjyq:

“…Gjyqi u zhvillua, në 8 seanca, në një kinema të papastër në Tiranë, para një shtëpie ku ishin mbledhur anëtarë Partie, të cilët vazhdimisht ndërprisnin me tallje ndërsa tre gjyqtarë ushtarakë nga skena, lexonin akuzat me zë të lartë dhe abuzonin ndaj të pandehurve, bashkërisht ose veçmas… Të treve (Padër Anton Harapit, Lef Nosit dhe Maliq Bushatit) iu hodh përgjegjësia, përveç gjërave të tjera, për të gjitha dëmet e luftës në Shqipëri; “50.000 të vdekur, 47.000 shtëpi të djegura, internimi i 18.800 njerëzve, vjedhja e bagëtive, hedhjen në erë të urave, shkatërrimet, torturat, masakrat…”
Avokatët mbrojtës mbyteshin nga britmat si “fashistë” dhe nuk ndodhi asnjëherë që të dëgjoheshin nga Gjykata dhe salla.
Një grua e guximshme u ngrit në këmbë dhe thirri: “Liri popullit! A mund të flas?” Asaj iu tha se mund të fliste. Ajo iu drejtua më pas Padër Anton Harapit, Lef Nosit dhe Maliq Bushatit: “Ju jeni duke vrarë tre patriotët më të mëdhenj të mbetur…” Duke e larguar me nxitim, ajo u godit dhe u rrah me ashpërsi dhe më pas u lirua”. Dy ditë më pas, të tre të akuzuarit u ekzekutuan (sipas G. W. Sich, from Research Departament, Foreign Office, 3-rd May, 1946, PRO.FO.371.58484, R 6970/470/90)

Petro Marko (1913-1991)
Petro Marko (1913-1991)

Listat për likuidimin e inteligjencës shqiptare vinin nga Beogradi!

“Që nga Adriatiku e gjer te oqeani Paqësor më shumë se një miliard njerëz besuan te komunizmi dhe tani, nën regjimin e kuq, sa miliona vuajnë e vdesin si ne! Katastrofë! Vetëm Stalini, siç thonë, ka zhdukur me miliona.
Këtu te ne, në krahasim me popullatën, janë zhdukur e persekutuar edhe më shumë.
Ky sistem po zbatohet sipas direktivave të agjentëve sërbë, armiq shekullor të Shqipërisë, Rankoviq, Milladin, Dushan e të tjerë, të cilëve kështu u intereson ta shohin këtë vend.
U mbush bregu i lumit me kufoma të intelektualëve.
Listat për asgjësime dhe për arrestime vijnë nga Beogradi!”
(Petro Marko, “Intervistë me vetvetën”, faqe 488)

.

Related Images:

Artikulli paraprakMartin Luther King (15 janar 1928 – 5 prill 1968) Dhuna
Artikulli tjetër“Mbreti Zog dhe Fan Noli, në dosjet e Sigurimit të Shtetit” – libër i ri nga Hasan Bello
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.