Kur trafikantët e drogës dhe krimit të organizuar bëhen pjesë e qeverisjes së një vendi… – nga Ervina Toptani

0
7
Ervina Toptani 2022
Ervina Toptani 2022
Ervina Toptani 2022
Ervina Toptani 2022

Kur trafikantët e drogës dhe krimit të organizuar

bëhen pjesë e qeverisjes së një vendi…

nga Ervina Toptani

Krimi i organizuar që përmban në vetvete dhe trafikimin e drogës si pjesë organike të tij, është një koncept dhe jo një objekt, siç e shoh të arsyetuar në shumicën e shkrimeve të sotme. Mua më kall datën kjo që shoh të shprehur masivisht, qeshim se nuk qajmë dot! Madje mendoj se nuk është as thjesht krim ajo çka këta individë në mënyrë shumë të organizuar (shpeshherë edhe më shumë sesa vetë funksionimi i shtetit) kryejnë. Është arritje ndaj synimit të përhershëm të tyre e “politikave” që ata ndjekin. Ata synojnë të jenë shteti! E blejnë dhe e venë shtetin në funksion të tyre!
Sa heronj dëshmorë numëron Shqipëria sot, të rënë në krye të detyrës në mbrojtje të sigurisë së shoqërisë nga kriminelë të tillë? Janë me qindra!
Si e nderojmë ne veprën e tyre madhore? Duke i dhënë një pension fëmijëve apo duke i ofruar një vend pune familjarëve, kjo është çka ndodh rëndom në Shqipëri. Në fakt ky është detyrimi minimal që shteti ka ndaj tyre! Nderimi real që shoqëria duhet të bëjë për veprën e tyre madhore është minimalisht të zgjedhë në krye të shtetit njerëz që nuk promovojnë krimin, që nuk vënë në detyra e poste publike kriminelë, që shiten a blihen prej këtyre të fundit sipas dëshirës, natën e ditën. Detyra jonë, si shoqëri, që këto qeveri i mbajmë e i ushqejmë e ata heronj i harrojmë shumë shpejt, është të rebelohemi kundër tyre, kundër të gjithë kriminelëve që promovojnë veç të keqen e që nuk lodhen në asnjë kohë duke i përligjur vjedhjet e krimet e tyre e duke si shitur si arritje të shkëlqyera demokratike. Kujt i ndodh kjo gjë tjetër përveçse ne shqiptarëve?
Çfarë ndodh kur një shtet promovon kriminelë?
Ndodh që qytetarët e atij vendi shpesh janë bashkëfajtorë, me neglizhencën e tyre, me miopinë e tyre, me përtacinë, pesimizmin e padëshirën e tyre për të protestuar deri sa të jetë e nevojshme, edhe një vit rresht, çdo ditë të vitit. Ndodh që këta qytetarë të përdorur, të keqtrajtuar, që nuk u bën më përshtypje as pengmarrja që u ka bërë qeveria nëpërmjet shantazheve të vazhdueshme me bukën e gojës, duke i hequr nga puna, duke i vënë taksa e çmime të papërballueshme, duke mos u kujdesur aspak për të drejtat e tyre më minimale, duke i ofruar një sistem drejtësie kryekëput të blerë prej tyre me para të pista krimi, duke i vënë para 1001 dilemave sesi të zgjidhin vetë gjithçka kur shteti nuk ekziston, përfshirë këtu edhe gjyqsinë ndaj padrejtësive të pësuara. Vjedhjet e tyre të përditshme prej taksave të qytetarëve kamuflohen nën slogane bajate si: “punë e palodhur shtetërore në dobi të qytetarit”. E shqiptarët përballë gjithë kësaj tabloje që u merr shpirtin prej dekadash tashmë, vazhdojnë të rrisin me vullnet të lirë e vendosmëri të pashembullt si askush tjetër në botë, fëmijët për t’i nisur të jetojnë atje ku ka shtet, ku ka siguri e ku ka drejtësi. Çfarë lloj paradoksi është ky?
Ne jemi mashtruar, rrahur, torturuar, vjedhur, vrarë e mbi të gjitha më e dhimbshmja për mua, na kanë shkelur dinjitetin me dekada! Nëse nuk dhemb shkelja e vetes me këmbë nga qenie që as fjalën “njerëzore” nuk e meritojnë, atëherë çfarë mund të na dhembë tjetër?
Ervina Toptani, 23 qershor, 2022

Related Images:

Artikulli paraprakLiqeni i Luciferit – nga Muç Xhepa
Artikulli tjetërDomosdoshmëria e një force të re politike për Shqipërinë nga Ervina Toptani
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.