Kronika e e rrëzimit të një Diktatori të Bronxtë…
nga Leka Ndoja
Kishin kalue 30 minuta nga rrëzimi i shtatores së bronxtë të Hoxhës. U dhashë lajmin studentëve të cilëve ua kishin ndërpre linjën e telefonit. Ata nuk besonin, mbas Suzukut tim erdhën dy djem me motorr Honda 250 c. Duke u hedhur mbi shalë pupthi. Tirana pa komunistë ishte si andërr. Ishim nji grup delirantësh: Frederik Ndoci me Ritën, të motrën dhe unë prisnim çdo ndodhte, ndërsa turma nga Sheshi “Skënderbe” u lëshua për në qytetin Studenti.
Turma po vinte me trofe. Koka e bronxtë u tërhoq zvarrë deri tek Pallati i Rinisë ku vijonte greva e studentëve. E lidhën me litarë për ta ngritur në sallën e grevës. Por koka ishte ma e madhe se dritarja. Dikush tha ta varrosnin para sheshit të studentëve. Pastaj erdhi nji djalë me qysqi dhe me nji pykë i hapi nji vrimë në sy.
Dikush e rrahu me tub sobe derisa tubi u ba si karton. Nji i ri i tha turmës “Hapni rrugën, se kësaj nane i ka vra burrin Enveri – të marrë hak!”
Djali ia kaloi tubin në dorë nanës që nisi ta godiste në hundën e rrjepun e synin e çamë.
-He m’u bëfsh kurban – o kriminel! – e rënkonte nën futën e zezë.
Gazetari Arjan Milonashi erdhi me Nager në sup – magnetofonin 20 kg të radios krahëqafë. Dukej i pacënueshëm nga ngjarja.
Më pas u dëgjue zhurma e nji veturë. Te pallati i rinisë u shfaq Fiati 123 i blertë i PD. Zbriti i pari Sali Berisha me dy gishta lart i gëzuem. Mbas tij Gramoz Pashko i bamë në fytyrë si jeshil me fjalët:
-Avash, avash me qetësi. Dhe u ngjitën lart te salla. Studentët që fillimisht ishin në panik mbasi kishin frikë se turma i kishte lanë vetëm nisën të festonin.
Në rrugën kryesore diagaçët u ngjitën në varrezën e dëshmorëve për ta mbrojtur. Oficeri qeshte mbi kapak dhe na përshëndeti.
Tani u banë të gjithë antikomunistë!!
Titulli i origjinal “Kronika e 31 viteve ma parë…”
Marrë nga muri e FB e Vrethee Lnika, 20 shkurt 2022