Jam trishtuar… Përse nuk gëzoni? – nga Mark Simoni

0
10
Mark Simoni
Mark Simoni

Jam trishtuar… Përse nuk gëzoni?

nga Mark Simoni

Më ka trishtuar shumë një fakt.
Para ca ditësh, një djalë i ri 19 vjeçar ftoi në promovimin e librit të tij të parë shkrimtarët e qytetit ku banonte. Dhe askush nuk i mori pjesë në promovim.
1.Në mes qindra e qindra librave të bibliotekës sime, dora më përzgjodhi librin e Gertrud Shtaine. Francezja thotë në kujtimet e saj se “Pavarësisht sherreve e shamatave, mendimeve alternative, tendencave të ndryshme letrare, shkrimtarët mblidheshin në Paris, dhe të tërë bashkë financonin çdo libër të autorëve, pavarësisht mardhënieve!!”.
Sa fisnike atmosfera e shkrimtarëve francezë para një shekulli. Sot, tek lexoja Gertrud Shtaine, m’u kujtuan fisnikët e mi, poetët e mëdhenj…
 
2.Para 90 vjetësh Lasgushi dhe Asdreni udhëtuan 6 ditë të tëra për të mbrritur tek qelat e Fishtës dhe Mjedës. Poradeci dhe Asdreni e kishin kohën shumë të çmuar, por duke shkuar në veri, sajdisnin veten me veprat e Fishtës dhe Mjedës, ashtu si dhe respektonin, si fisnikë të mëdhenj, kolegët e famshëm të tyre. Asnjëri s’bëri si i pamundur e i sëmurë, asnjëri s’bëri sikur kishte ca punë të mëdha, apo do të flinte gjumin e zhegut. Por rrugëtuan gjashtë ditë për të mbërritur
.
Muzikë dhe poezi...
Muzikë dhe poezi…
3.Mbaj mend, kur isha adoleshent, që në Lezhë mbrrinte Bashkim Shehu, djali i Kryeministrit të atëhershëm. Dhe rrinte tre katër ditë tek shtëpia modeste e Ndoc Gjetjes në fshatin Shënkoll të Bregut të Matës. Ndoshta dëgjonte herë pas here poezitë e Ndocit dhe ndoshta fliste për tregimet e tij. Nga Blloku e në përdheset e një fshati të humbur, nga luksi i kryeministrit tek modestia e një punonjësi të vatrës së kulturës, me minderët e thjeshtë. Por shkonte nxënësi i dashur tek mjeshtri frymëzues, shkonte Bashkimi për ta sajdisur poetin e talentuar me vizitën e tij plot frymëzim
 
4.“Korbi”, emri letrar i njërit prej kolegëve dhe miqve të Migjenit në Shkodër, shkruan në kujtimet e tij, para se të vdiste se: “Deri në Vrakë, madje dhe në Pukën e largët, vinin shpesh njerëz që takonin e bisedonin me Milloshin, për tre katër ditë, rreth letërsisë e mendimeve të kohës. Disa qenë dhe të huaj, ballkanikë.”
Dhe patjetër që ata shkrimtarë që vinin, nuk kanë qenë të mbytur nga inati dhe mllefi se, atje në Shkodër të Shqipërisë është një poet i veçantë ndryshme tyre, por janë mrekulluar nga një fakt i tillë. Madje ata udhëtarë të ditur as nuk janë tunduar nga zijafetet dhe darkat në vendet e tyre, as nga gostitë e synetlleqeve dhe qofteritë tymuese, për ta ndalur rrugën e gjatë tek Migjeni ynë. S’janë mbërthyer as nga inate të vogla e të verbëra pipizanësh.
 
5.Bukovski thotë se “Unë jam shkrimtari më i mirë në botë. Por akoma më i mirë se unë është Xhon Fante…” Sa fisnikëri dhe koshiencë reale ka në këtë realitet të egos së Bukovskit.
 
Dhe ndodh që ndonjë shkrimtar ndahet nga jeta. Dhe bash ata që nuk e deshën kurrë, turren me vrap të bëjnë shkrime, (“me lot në sy”), për të treguar sa më parë se sa shumë e kanë dashur shkrimtarin që vdiq, (“e kanë dashur me gjithë shpirt”), atë që s’është më, dhe që s’mund të flasë për hipokritët që la mbi dhè.

 

Related Images:

Artikulli paraprakNjë monografi dinjitoze për Dioqezën e Pultit – nga Kastriot Marku
Artikulli tjetërSi e kujtoj Trifon Xhagjikën dhe nji poezi te tij – nga Kostandin Koliqi
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.