15.5 C
Tirana
E premte, 1 Mars, 2024

Mbeshtet RadiandRadi

spot_img

Iluzionet e humbura të Dhjetorit ’90… Ilir Seci

on

|

views

and

comments

Ilir Seci 2013
Ilir Seci 2013

Iluzionet e humbura të Dhjetorit ’90…

nga Ilir Seci

Me 8 Dhjetor 1990, studentët shqiptarë mundën frikën duke u revoltuar… Ishte një dritëz qiriri naimian, një regëtime guximi, një farëz shprese, thuajse e panjohur për dheun e shkelur aq përdhunshem gjate 47 viteve diktaturë…
Studentë me një ëndërr të vagullt në gji, që me latat e zhubrosura ndër xhepa braktisën rradhat e mensave dhe dolën në shesh! Endeshin parreshtur ato ditë nëpër Qytetin Studenti, duke duke shkelur shojet e të vetmeve palë këpucë që kishin… i gdhinin netët nëpër godina duke ushqyer një ëndërr që u bë edhe moto e asaj Lëvizjeje: “E duam Shqipërinë si krejt Europa!”…
Një përfaqësi studentësh u prit nga Ramiz Alia, i përzgjedhuri i diktatorit Hoxha… Studentët i kërkuan pluralizem politik, Ramizi u tha: “Pluralizëm mendimi dhe idesh! Partia e Punës mund të bëjë pluralizëm “politik” duke shpallur si kundërshtarë politikë Frontin Demokratik, Organizatën e Gruas, Organizatën e Rinisë, Organizatën e Veteranëve, etj!”…
Studentët ngulmuan “Pluralizëm politik…” Trashgimtari i diktatorit bëri sikur u thye dhe plot solemnitet deklaroi: “Epo mirë pluralizëm politik!” …Eh Rini, Rini sa kollaj gënjehesh!Mbas atij takimi Qytetin Studenti e mësynë emisarët e Ramizit me mision uzurpimin e asaj Lëvizjeje! Mision i plotësuar më së miri!

Qyteti Studenti - Dhjetor 1990
Qyteti Studenti – Dhjetor 1990

Sot mbas 23 vitesh, me 8 Dhjetor 2013, Shqipëria prap s’ka pluralizëm! Kemi një diktaturë të kamufluar kartonash ku 84 kartone kryejnë punë më mirë se çdo praktikë totalitariste!!!
Sot me 8 Dhjetor 2013, e shohim të realizuar plotsisht largpamësinë e Ramiz Katovicës… kur tha se Partia e Punës mund të bëjë pluralizëm me levat e veta politike!…
Dhe ja ku jemi sot… Partia e Punës është PS e Rames, Fronti Demokratik është PD e Berishes, Organizata e Gruas është LSI e Metes, Organizata e Rinise është G99 e Erion Veliajt, Organizata e Veteranëe është PSD e Gjinushit, etj… Ata që erdhën si emisarë në Partinë e sapodalë nga Levizja e Dhjetorit, kanë meritën historike të lënies së vendit pa opozitë… tëpkë sipas mësimeve të Katovicës!
Sot Kryeministri i vendit del dhe thotë: “Sërish në Dhjetor… duke pritur BE-në” …s’di pse më duket sarkastike përmendja e “BE-se” nga një klasë politike që thoshte se: “Bar do hamë e parimet nuk i shkelim…!”
…BE premtohet nga një kryeministër që thotë se do kishte marrë pjesë në Lëvizjen e Dhjetorit, po të mos kishte qenë në Korfuz duke ekspozuar pikturat e veta!? …Rama në Korfuz me ekspozitë vetjake pikërisht në vitin 1999, pikërisht në atë kohë kur ata që tentonin të shkonin në atë ishull vriteshin nga rojet e Kufirit ose mbyteshin në ujërat e Jonit tek arratiseshin!?
“Fitimtarët – fitimtarë, të humburit – të humbur!-ashtu tha Ramizi dhe ashtu u bë!
Në Dhjetor 1990, studentët u ngritën kundër Byrosë dhe kërkuan Europën… Sot i biri i Byroistit Sulejman Bushati emëron ambasador në Zvicër të birin e Byroistit Xhelil Gjoni!
E bukur Demokraci!!!
Më kujtohet se në atë kohë shumë nga ne studentët e atij brezi identifikoheshim me këngën e madhe të John Lennon “Imagine”…
“Ju mund te thoni se jam një ëndërrimtar/
Por unë nuk jam i vetmi!”
“You may say I’m a dreamer/
But I’m not the only one!”
Unë prap ëndërroj për ditë më të mira për Shqipërinë, prap preferoj këngën “Imagine” edhe pse më ngjan jo fort koincidencial fakti që John Lennon është vrare pikërisht në një datë të tillë… me 8 Dhjetor 1980…
Marrë nga Muri i Fb i Ilir Secit 8 dhjetor 2013

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.