12.5 C
Tirana
E premte, 1 Mars, 2024

Mbeshtet RadiandRadi

spot_img

Ibrahim Farka, në gjurmë të jetës së tij… – nga Marsida T. Najdeni

on

|

views

and

comments

Ibrahim Farka
Ibrahim Farka

Ibrahim Farka, në gjurmë të jetës së tij…

nga Marsida T. Najdeni

Djali i madh i familjes Farka, z. Ibrahim Farka, lindi më 13 mars 1907, në Tiranë, në një familje ku mbizotëronte harmonia dhe dashuria. Dashuria ndaj atdheut tënd fillon pikërisht aty tek skalitja e dashurisë për familjen, pastaj mëhallën, qytetin dhe vjen duke u zgjeruar kjo frymë dashamirëse gjithpërfshirëse për kombin dhe gjakun tënd. Ibrahimi i donte të gjithë. E rrezatonte dashurinë për të tjerët tek e qeshura plot jetë. Mbesës, Zenitës, për xhaxhanë i kanë treguar shumë, sepse për një njëri si Ibrahimi ke çfarë të flasësh. Edukimin fillor do ta kryente në qytetin e lindjes, ndërsa gjimnazin do ta ndiqte në Itali pranë Collegio Internazionale di Monte Mario. Mbas Italisë do të rikthehej në Shqipëri, ku më 1926, kreu shkollën ushtarake të artilerisë në Tiranë, për ta vazhduar studimin në Akademinë Ushtarake të Romës.
Ibrahim Farka do të bëhej Nëntoger i artilerisë shqiptare. Ai mban urdhërin “Kalorës i Urdhërit të Skënderbeut.” Ai qe një figurë e spikatur në vitet ’30-’40, jo vetëm në Tiranë, po edhe më gjerë. Atë e kujtojnë si njeri gojëmbël, tepër i matur në sjelljen dhe vendimet e tij dhe me një vullnet të jashtzakonshëm. Në kujtimet që ka lënë ai vetë, e që i vërtetojnë edhe bashkëmoshatarë të tij, del se kishte qenë mik i ngushtë me vëllanë e Nënë Terezës, z. Lazër Bojaxhiun. Vite më vonë familja Farka do të kujdesej për nënën e Gonxhe Bojaxhiut. Kur Nënë Tereza erdhi në Tiranë, mbas rënies së komunizmit, u takua si mike me z. Hamdi Farka (nipi Ibrahimit), i cili i dhuroi Nënë Terezës foto nga familja e saj.
.
Xhemal Farka
Xhemal Farka
Le t’i kthehemi rregullit kohorë. Ibrahimi luftoi kundra pushtimit nazist dhe fashist. Me vendosjen e komunizmit në Shqipëri z. Ibrahim Farka do të luftonte nëpër malet shqiptare kundra sistemit që po vendosoj përmes dhunës, e që Enveri i quante diversantë.
Ibrahim Farka do të arratisej për t’i shpëtuar kthetrave të vëllavrasjes që sollën çlirimtarët të urdhëruar nga Beogradi. Me arratisjen nga Italia dokumentat që kam gjetur vetë nga CIA, e venë Ibrahimin me titull Kapiten në bazën ushtarake amerikane të Gjermanisë, ku trajnonte dhe rekrutonte shqiptarë për të rrëzuar sistemin enverist. Në Itali, Ibrahimi u martua me një vajzë nga Ferrara dhe bashkarisht emigruan në New York, ku ende sot jeton i biri Xhemal (Jim) Farka. I vuri emrin e vëllait të pushkatuar, gazetarit Xhemal Farka.
Ibrahimi spikati dhe në diasporën përtej oqeanit si një figurë jo vetëm anti-komuniste; po edhe si njeri me dije dhe ndjenja të larta për kombin e vet. Ai do të angazhohej me jetën kulturore të diasporës deri momentet e fundit të jetës. Këtë gjë e dëshmon libri që ai ka shkruar në New York “Historija e Dibrës dhe luftrat heroike të dibranëve 1872-1921”
Ky libër ka për koperetinë legjendarin Elez Isuf Ndreun, dhe ishte pikërisht nipi i tij dhe miku im z. Cesar Ndreu që ma ka kallxuar këtë libër. Një material tjetër po nga z. Cesar Ndreu është edhe botimi në gazetë për 3 vjetorin e vdekjes së Ibrahimit. Fakt që tregon se nuk ishte harruar figura e tij dhe se është nderuar e dashtë edhe nga bashkombasit.
Ibrahim Farka, ka nevojë për një studim më të detajuar, të cilit unë i kam dedikuar shumë kohë dhe mund. Uroj dhe lutem të vijë sa më shpejt ajo ditë ku të zbulojmë ende më shumë nga veprimtaria intelektuale që kreu përgjatë gjithë jetës.
Ndërkohë kërkimet vazhdojnë…
.
Marre nga muri i fb. i Marsida T. Najdenit, 24 mars 2020

 

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.