“Historia e 33 kryeministrave të Shqipërisë” nga Roland Qafoku – Mehdi Frashëri

0
24
Roland Qafoku - “Historia e 33 kryeministrave të Shqipërisë
Roland Qafoku - “Historia e 33 kryeministrave të Shqipërisë"
Roland Qafoku - “Historia e 33 kryeministrave të Shqipërisë"
Roland Qafoku – “Historia e 33 kryeministrave të Shqipërisë”

“Historia e 33 kryeministrave të Shqipërisë”

nga Roland Qafoku

Ka dalë libri i gazetarit Roland Qafoku “Historia e 33 kryeministrave të Shqipërisë, nga Ismail Qemali tek Edi Rama”, i cili u promovua pasditen e së mërkurës në hollin e Muzeut Historik Kombëtar, në Tiranë.
Libri u botua nga shtëpia botuese “Onufri” me parathënie të studiuesit të njohur Profesor Doktor Shaban Sinani, dhe vjen pas 11 vitesh punë dhe kërkime në arkiva e në botime të rralla.
Për herë të parë në Shqipëri vjen një renditje kronologjike e të gjithë kryeministrave të shtetit shqiptar, duke e shoqëruar me të dhëna dhe dëshmi ekskluzive, detaje, dokumente, shifra, fotografi dhe gjithçka që ka ndodhur dhe ata kanë bërë gjatë kohës që ishin në detyrë.
Vetë autori i librit Roland Qafoku u shpreh se vendosi ta shkruante këtë libër, pasi u përpoq të gjente një libër që fliste për kryeministrat e Shqipërisë dhe nuk e gjeti.
“Tashmë që kanë kaluar 11 vjet nga vendimi që mora për ta shkruar këtë libër them se i njoh mirë të 33 kryeministrat e shtetit shqiptar.
Libri do t’u shërbejë më së shumti nxënësve e studentëve, por njëherësh do të nxisë interesa e vëmendje për anë të panjohura të personalitetit të 33 kryeministrave shqiptarë, thekson Sinani.
Marrë me shkurtime nga http://koha.net 

Kryeministri Mehdi Frasheri
Kryeministri Mehdi Frasheri

Pak rreshta kush ishte Mehdi Frashëri

Asnjë kryeministër tjetër nuk ka ushtruar kaq shumë detyra shtetërore sa Mehdi Frashëri. Madje kaq shumë as në dy shtete. Shtetin shqiptar dhe atë të Perandorisë Osmane. Por Krueministri i 14-të në historinë e shtetit shqiptar nuk ka zotëruar vetëm aftësinë e mbahtjesë së ofiqeve. Doktor i shkencave politike dhe ekonomike, autor i rreth 10 librave shkencorë dhe me kujtime, ai është njëherësh shtetari dhe intelektuali i një kalibri të lartë që ka mbajtur ndonjëherë një shqiptar si shef i qeverisë…

CV rekord e një Kryeministri

Mes 33 kryeministrave të shtetit shqiptar nuk ka një të dytë që të ketë një curriculum si ai i Mehdi Frashërit.
-Dy herë Kryeministër,
-Kryetar i Këshillit të Shtetit,
-Kryetar i Këshillit të Regjencës
-Deputet,
-Ministër i Brendëshëm,
-Ministër i Punëve Botore,
-Ministër i Bujqësisë
-Ambasador në Lidhjen e Kombeve,
-Komisioner i Lartë në Komisionin Ndërkombëtar për caktimin e Kufijve.

Prisni! Këto ishin detyrat e larta në shtëtin Shqiptar, këtu nuk janë përmendur ofiqet që ka mbajtur gjatë Perandorisë Osmane:
-Guvernator i Jeruzalemit dhe Palestinës,
-Nënkomisar i Turqisë në Egjipt
-Prefekt në Maqedoni dhe Novi Pazar
-Atashe pranë qeverisë osmane në Ishujt e Arkipelagut
-Nënprefekt i Peqinit dhe Ohrit në Shqipëri,
Krahasimet në këtë rast vlejnë vetëm me Turhan Pashë Përmetin dhe Ismail Qemal Vlorën. Vetëm ata ia kalojnë në këtë drejtim…
(marrë nga libri “Historia e 33 kryeministrave Shqiptarë” – Roland Qafoku)

CV e Mehdi Frasherit
CV e Mehdi Frasherit

Related Images:

Artikulli paraprakMe 11 Nandor 1990, Don Simon Jubani 25 Vjet përpara, na tregoi si shëmbet Komunizmi nga Fritz Radovani: Pjesa e II.
Artikulli tjetërGrotesk si në gërmimet e Tares nga Kolec Traboini – rreth letrës që Bilal Xhaferri i ka shkruar Enver Hoxhës
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.