10.5 C
Tirana
E shtunë, 2 Mars, 2024

Mbeshtet RadiandRadi

spot_img

Eshtë gjithmonë Mamaja ime! Rrëfim nga e përditshmja e Edmond Hasanit

on

|

views

and

comments

Mondi - kërkues thesaresh
Mondi – dhe Mamaja e Tij

Eshtë gjithmonë Mamaja ime!

Rrëfim nga e përditshmja e Edmond Hasanit

-Mondi, ma ndiz një cigare, ta pimë bashkë si dikur!
-Po, mama, -i them dhe vras mendjen të kujtoj se kur ka bëra vaki të pi cigare ajo, e aq më tepër me mua!
Në shtëpinë time “No Smoking” duhani gjendet po aq lehtë sa uji në Sahara… Gjej një cigare te komshia dhe ja fus mamasë mes gishtash, por ajo papritur refuzon me britma e më akuzon se cigaren e kam lyer me mut, megjithse unë zakonisht cigaret nuk i lyej kurrë me mut, pavarësisht urrejtjes për to! Ndërsa rrekem t’i shpjegoj me durim se cigarja është e pastër sa vetë ajo, gjyshja ime e mirë 103 vjeçare: Mamaja si një rapsode e verbër homerike, o si ndonjë bard skocez mesjete fillon të këndojë të dashurën e saj muzikore: Vajzën e Valëve! Më mbushen sytë me lot sepse e di që pas mbarimit të këngës do më thërrasë në emër të gjyshit e do më kërkojë llogari pse e harrova, pse e braktisa, pseeee…..!
Shikoj me vëmendje diku pranë hundës së saj të thepisur si shkrep Dukati dhe habitem se një shenjë si plagë qenka shëruar e më kujton një ditë kur ajo me tha: “Mondi, më qëllo pak në kokë se mbase më vjen shikimi e rregullohem si ato radiot Iliria që shpesh i rregullonim më të qëlluara…!”
Tashmë kënga ka mbaruar, koka i është varur anash mbi jastëqet e shumtë, buzët seç i përpëliten në gërhitje pothuajse dhe një pordhëz e vockël çlirohet nga fundi i shtratit! Ngrihem dhe bëj të dal nga dhoma kur ajo hap sytë e verbër e më thotë: “Dhe shiko, rrogën dorëzoje në shtëpi e mos e prish me kurvat, se kështu më tha dhe Fatmira!” Fatmira e shkretë, nëna e Lamit ka shumë vite që ka vdekur, por ja që vjen e takohet me mamanë time si dikur e gjithë jetën!
-Dhe mos ik nga dhoma, se veç ty të kam o i ziu me bojë, se edhe unë si ti jetime jam, fillikat…!
Tani që shkruaj, më kujtohet se kur isha i vogël përgjoja tek vrima e çelsit të banjës Mamanë kur lahej sepse kisha dyshime në ishte grua a burrë… aq e fortë, aq e rreptë, aq e egër dhe vitale ishte ajo grua… por gjithmonë ishte e është mamaja ime e shtrenjtë!

(Marrë nga Muri i fb i Mond Hasanit 4 Qershor, 2015)

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.