![Flamur Hoxha & Bedri Blloshmi](https://www.radiandradi.com/wp-content/uploads/2022/07/292755022_420275196701237_6291903427026529991_n-193x300.jpg)
Ende jeton plumbi që pushkatoi
Vilson Blloshmin e Genc Lekën…
nga Flamur Hoxha
Kur shihja plumbin që ka përshkruar Vilson Blloshmin e Genc Lekën, pra një nga plumbat e pushkatimit të tyre, 45 vjet më parë, të cilin e mbante në dorë Bedri Blloshmi, vëllai i përkushtuar i Vilsonit, për të zbardhur të vërtetën e Vilsonit e Gencit, (i dënuar edhe ai vetë me pushkatim në të njëjtin gjyq) ndjeva një trishtim të thellë.
E pashë atë plumb në ekspozitën kushtuar dy poetëve martirë, në 45 vjetorin e pushkatimit te tyre.
E pra ende jeton plumbi që pushkatoi Vilsonin e Gencin, ende jeton ai plumb që i pushkatoi ata dhe na vrau të gjithëve ne, lirinë.
Ende ai plumb vret të ardhmen tonë, sigurinë tonë!
Ky plumb, së bashku me disa foto edhe dokumente të ndryshme u paraqitën në ekspozitën e organizuar në mjediset e Institutit te studimit te krimeve të komunizmit, ku mora pjesë i edhe unë i ftuar si vizitor.
Jam përpjekur ta mbështes sa kam mundur veprimtarinë e Klubit të Poezisë, për njohjen e Vilsonit dhe Gencit. Kam mbështetur botimin e disa librave të tyre, po edhe disa aktivitete shkrimtarësh në nderim të dy poetëve martirë që ka organizuar herë mbas here “Klubi i Poezisë”. Dhe nuk mund të mungoja kurrsesi në çeljen e kësaj ekspozite të veçantë në të 45 përvjetor të pushkatimit të dy poetëve librazhdas të kapur me pranga dorë për dore…
13 korrik 2022
![Vilson Blloshmi - Vepra - "Klubi i Poezise"](https://www.radiandradi.com/wp-content/uploads/2022/07/293570185_423134743164840_1898104863108727592_n-300x197.jpg)
![Genc Leka - Vepra - "Klubi i Poezise"](https://www.radiandradi.com/wp-content/uploads/2022/07/293572945_2149744495197874_2221882411957776621_n-300x197.jpg)
![Aktivitet Letrar te Shtëpia e Blloshmëve në Bërzeshtë](https://www.radiandradi.com/wp-content/uploads/2022/07/292898171_791875068510077_6504870699459718822_n-300x172.jpg)
![Poetët Martirë: Vilson Blloshmi & Genc Leka - Klubi i Poezisë](https://www.radiandradi.com/wp-content/uploads/2022/07/292870339_747597456480629_5073412262211993381_n-201x300.jpg)