15.5 C
Tirana
E premte, 1 Mars, 2024

Mbeshtet RadiandRadi

spot_img

Dy poezi të fillimeve të Et’hem Haxhiademit – Kalendari Kombiar – 1928

on

|

views

and

comments

Et'hem Haxhiademi i Ri
Et’hem Haxhiademi i Ri

Dy poezi të fillimeve të Et’hem Haxhiademit

Kalendari Kombiar – 1928

Në një letër që Et’hem Haxhiademi i dërgonte Mid’hat Frashërit, në 20 shtator 1927, poeti i ri elbasanas bënte kërkesë që disa poezi të tij të përfshiheshin në botimet që mundësonte Mid’hati dhe patriotë të tjerë.
Haxhiademi thotë se meqë “Diturija”, revista që botonte Mid’hat Frashëri ishte jo shumë voluminoze, të shihej mundësia e botimit tek “Kalendari Kombiar” që botonte Kristo Luarasi, por në të cilën kontribuonte edhe Mid’hati. Po sjellim këtu dy nga poezitë e Haxhiademit të botuara më në 1928.
Njëra poezia titullohet “Sofis”. Kurse tjetra Vivat Academia!
Lexim të këndshëm!
.
Kalendari Kombiar -1928 - e Lumo Skendos
Kalendari Kombiar -1928 – e Lumo Skendos
Et'hem Haxhiademi - Sofis 1928
Et’hem Haxhiademi – Sofis 1928

Sofíe

Sofí, në ç’lodra t’bukra ti stërvite
Me shoqet t’uja kûr kalón
Nëpër blerím të parkût mbas mesdite
Dhe djemt e rinj përreth shikón?
Kûr m’ecni jû me hapa të gjithnjishme
Ti kûndrejt meje kthen ahere kryt
E më përvlón me të vështruëmen n’syt
Prej gojës tyke derdhûn t’qeshme t’shishme
Gjithë bota ty të kqyr me gas, Sofí,
Se dûke si nji hanzë
Dhe porsi nji fëllanzë
Flûtrón ndër shqoba t’parkut për bukri
E save djelmve t’rij
U mbiell në zemër lulen e dashunís
Dhe i ban tá kenë në vend të Perëndís
Moj nymfë vieneze, nûk shikón nji herë
Si gjûrmat t’ûja ûn për ditë
I ndjek kûr del ti me shëtitë
Ndër vende qi kënaqin syn në verë?
.
Et'hem Haxhiademi - Sofis 1927
Et’hem Haxhiademi – Sofis 1927

.

E picërr ende jé
Si nji bûrbûqe e ré.
Se dyqind hana jan rrotllûë me rrallë
Qëkurse n’drit’n e botës ti ke ardhë;
E lûlet jan zbërthyë tûë û çelë
Në ngjyr’n e faqes tande t’bardhë
Veç gjashtmdhet vera për me t’përgëdhelë
Oh, sá më kishte anda bashkë me ty
Të rinja ndër kopshtina kryë mbë kryë
Edhé pàstaj t’filloshim
Në librin tand t’këndoshim
Ca vjersha dashunije
Në kohën t’onë mërzije!
Sá më kënaqet syni mûë, Sofí,
Kûr perkû i shtatit ty të dridhet
Prej erës ambël dhe të hidhet
Përmbi fëtyrën flokû yt i zi!
Lûm ai djalosh qi fatin ka t’banojë
Në gaz’n e zemrës tande përgjithmonë
Ai mûndet nga kjo bot’ të shijojë
Tûe mos e ndimun breng’n e shpirtit t’onë.
Ai mûndet krah për krahû drejt nga parku
Ndër dit të bukra t’eci plot haré
Me ty, moj vashë, qi porsi ëngjëll jé;
Dhe ûn, ûn duë t’shikoj jô për së largu!
Veç Venusit, ah, s’mûnt të matet t’jetër.
Me ty, Sofí,
Për bûkûri,
Se dej me atá sy të rij e t’vjetër,
Dhe përshëndet me nji mënyrë,
Qi m’shtie rrëqethe në fëtyrë!
 
Et’hem Haxhiademi
Wien, 1927
 .
Et'hem Haxhiademi - Vivat Academia 1928
Et’hem Haxhiademi – Vivat Academia 1928

Vivat academia!

Mûë qasni, shokë, të gjithë jû pranë
Edhé me zell’n e djalërís
M’a ngrini atë t’amblin zanë
Me kndûmun kang’n e akademís:
Vivat academia!
 
Lûm kûsh gëzôn sá asht i rí
Këtë koh’n e bûkur të dëfrimit,
Me mall kûjtón ai n’pleqëni
Të blertën moshë të tij t’mësimit
 
Prandáj ûn sot po kam dëshirë
Gazmendin sá mâ shûmë t’a ndezim,
Kûrse po kemi kohë të lirë
Me nj’zân nashti prá të thërresim:
Vivat academia!
 
Lûm kûsh mësón dhe Perëndija
Me mendje t’zgjûtë e ka krijûë;
Mjer ai qi vuën nga përtacija
Dhe mendjen s’don me e shdrivilluë.
 
E sot qi gazin pa kufî
Un kam, o shokë, ju pse s’afrohi
Përqark truezës për me pí,
Por rrini lark e më mendohi?
 
Muë më pëlqente shumë me jû
T’shijoje lang’n e rrûshit sot,
Të ngrije gotat pa pûshûë
Dhe t’brohorisje me zân plot:
Vivat academia!

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.