Bianca Balliçi viktima e absurdit dhe e urrejtjes shtazore të komunistëve – nga Ervina Toptani

0
15
Ervina Toptani
Ervina Toptani

Bianca Balliçi viktima e absurdit

dhe e urrejtjes shtazore të komunistëve

nga Ervina Toptani

Në kujtim e nderim të gjithe Zonjave të huaja
që u dashuruan fhe u martuan me djem shqiptarë
e që jetuan ferrin komunist në Shqipëri, për hir të dashurisë…
Dedikim Bianca Balliçit

Kur u njoha për herë të parë me historinë e Bianca Balliçit pësova një tronditje të thellë shpirtërore e psikologjike. Kam njohur Zonja të jashtëzakonshme shqiptare që i bënë ballë tmerrit të kmerëve të kuq gjatë diktaturës e që mbeten të paharruara në kujtesën time e dashtë Zoti edhe të shumë të tjerëve. Por Bianca Balliçi, njësoj si Pauline Petrela etj, shtetase të huaja, provuan llavën e urrejtjes në lëkurë sepse kishin kryer një krim të tmerrshëm: kishin dashuruar me gjithë shpirt. Përpos kishin një botë të madhe, ishin intelektuale e jetonin me dinjitetin e punës e përkushtimin ndaj familjes, “krime” të mjaftueshme këto për t’u torturuar në mënyrë çnjerëzore nga shtazët e pashpirt veshur me veladonin e vdekjes, ilustruar me drapër e çekan në dorë.
Bianca Balliçi ishte gazetare italiane, piktore, artiste e cila vjen në Shqipëri gjatë Luftës së Dytë Botërore si korrespondente e gazetës ku punonte. Në Shqipëri dashurohet e martohet me Adem Balliçin, djalë fisnik nga një familje e mrekullueshme qytetare, nga Elbasani.
Në vitin ’46, fillon kalvari i llahtarës për Biancën, bashkëshortin e familjen e tyre. Ata arrestohen, torturohen e burgosen. Bianca nuk e takon më bashkëshortin si pasojë edhe dashuria e tyre përskuqet dhunshëm nga hekuri i zjarrit e torturës komuniste.

Bianca Balliçi
Bianca Balliçi

Bianca ishte ndër Zonjat e para që burgoset në Shqipëri, sëbashku me stërgjyshen tonë, Semiramis Vrionin, dhe për disa kohë ishin të dyja në të njëjten qeli.
Bianca ishte vërtet siç e kishte emrin, e bardhë në shpirt e lëkurë, artiste që e adhuronte të bukurën, i donte njerëzit, me një buzëqeshje plot jetë, me flokë bjondë e sy të mrekullueshëm kaltëroshë.
Pasi e torturuan në hetuesi për muaj të gjatë me akuzën si spiune e perëndimit, dëshira kafshërore e shtazëve komuniste arriti përtej të paimagjinueshmes edhe për mendjet më të sëmura. Biancën e mjerë e varin nga shpatullat, të lidhur në litarë, në një lloj mënyre torturuese (këtë torturë e kanë provuar shumë njerëz të tjerë në këtë periudhë) që pesha e trupit të rëndonte vetëm në një pikë aq shumë sa pjesa e shpatullave dhe e krahëve fillonin e shkëputeshin ngadalë nga pjesa tjetër e trupit, një lloj shqyerje e ngadaltë e gjymtyrëve.
Biancën e lidhën kështu, lakuriq, në mes të oborrit të burgut të burrave ku shumica e të burgosurve ishin miq të saj e të bashkëshortit. Ndër ta dhe gjyshi ynë Qemal Biçaku, i cili e kujtonte si një ndër torturat më të tmerrshme këtë pamje, pavarësisht se ç’tortura pat përjetuar ai vetë.
Bianca e bukur, aq e re, aq e pafajshme, që përveç bashkëshortit nuk kishte asnjëri tjetër të gjallë në Shqipëri, qëndroi me sy mbyllur në acarin e dimrit, me gjakun që kullonte nga trupi e që ngrinte në currila ngjyrë të errët prej të ftohtit. Të gjithë zotërinjtë që vuanin burgun komunist u detyruan prej drejtorit të burgut e gardianëve të dilnin ta shihnin një nga një si dënim këtë pamje, por askush nuk i ngriti sytë lart. Të gjithë qëndronin kokulur me lotët që u rridhnin faqeve. Si mund t’i kërkonin falje Biancës që nuk mund të bënin dot asgjë as për vete e as për të, e më dhimbshmërisht, as për Shqipërinë!

Bianka Balliçi, dinjitoze edhe në oborrin e burgut
Bianka Balliçi, dinjitoze edhe në oborrin e burgut

Shumëkush po atë ditë u torturua sepse guxuan të rebelohen për Biancën, e ndërsa muret e birucave përskuqeshin nga gjak intelektualësh si dënim për mos përlyerjen e tyre në krim, Bianca qëndronte heroikisht e varur, lakuriq, me flokët e shpupuritur që kishin ngrirë nga gjaku, e me sytë e mbyllur duke pritur vdekjen, që nuk vinte. Nuk pushon së rrahuri zemra kur njeriu dëshiron kaq shumë që ajo të mos rrahë më!
Bianca, gruaja me shpirtin e emrin e bardhë, është një ndër ikonat e kalvarit të vuajtjeve e dhimbjeve pa arsye, pa shkak, pa asnjë filozofi mbështetëse kuptimi. Bianca është viktima e absurdit dhe e urrejtjes shtazore të komunistëve antinjerëz ndaj Njeriut!
Në kujtim, nderim e respekt të saj e të shumë Zonjave si ajo që na mësuan me qëndresën e heroizmin e tyre se Njeriu është vepra më madhore e Zotit në tokë e se një Njeri nuk e mposhtin dot as dhjetra shtazë antinjerëzore që Shqipëria pati fatin e tmerrshëm t’i kishte me mijëra në gjirin e saj e që vazhdon t’i ketë ende sot.
Marrë nga muri i Fb i Ervina Toptani, Korrik 2021

Related Images:

Artikulli paraprakJargët e një pusullë mbi dritën e një Tragjediani – Dervishi – Haxhiademi – Radi
Artikulli tjetërPoetja Arbërore Luçia Albani (1534-1568) – nga Lutfi Alia
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.