16.5 C
Tirana
E diel, 3 Mars, 2024

Mbeshtet RadiandRadi

spot_img

Akti i Dytë i Historisë së Riaces, Thesari i bronzit 2300 që u shfaq në San Casciano – nga Teresa Scarale

on

|

views

and

comments

 I Bronzi di San Casciano
I Bronzi di San Casciano

Akti i Dytë i Historisë së Riaces,

Thesari i bronzit 2300 që u shfaq në San Casciano

nga Teresa Scarale

Ky është zbulimi më i madh
që nga koha e mrekullisë së bronzeve kalabreze:
Nga balta e ujërave termale të San Casciano de ‘Bagni,
ka dalë në dritë një vend i shenjtë plot me statuja dhe monedha bronzi.
Ato datojne 2300 vjet më parë. Kjo ngjarje “do ta rishkruajë historinë…”

 I Bronzi di San Casciano
I Bronzi di San Casciano

I kanë ruajtur balta dhe uji i vluar. Ato të vaskave të San Casciano de ‘Bagni, në provincën e Sienës: kështu janë shfaqur rreth tridhjetë statuja të shkëlqyera bronzi dhe mijëra monedha pas 2300 vjetësh, falë punës së palodhur të një ekipi arkeologësh. Një zbulim që “do të rishkruajë historinë”, kështu tha arkeologu Jacopo Tabolli, studiues i Etruskologjisë dhe Antikitetit Italik në Universitetin për të Huajtë në Siena. Kjo është “depozita më e madhe e statujave në Italinë e lashtë dhe gjithsesi e vetmja për të cilën kemi mundësi të rindërtojmë plotësisht kontekstin”, komentoi arkeologu.

Banjot Termale te San Casciano
Banjot Termale te San Casciano

Zbulimi më i madh arkeologjik që nga koha e Riaces

Për Massimo Osanna-n, drejtor i përgjithshëm i Muzeve Shtetërore, ky është zbulimi më i madh që nga ai i Bronzeve të Riaces kalabreze.
Santuari kishte qenë aktiv për disa shekuj para lindjes së Krishtit; vazhdoi veprimtarinë e saj ndoshta deri në shekullin e pestë. Sëbashku me gjetjet prej bronzi ka mbishkrime si në gjuhën etruske edhe atë latine.
Në fakt, zona ishte nga ato në të cilat gjuha etruske është folur më gjatë, edhe pas pushtimeve romake, duke e bërë atë një vend të jashtëzakonshëm për të studiuar shtresëzimin e kulturave që gjatë mijëvjeçarëve çuan në formimin e qytetërimit italian.

 I Bronzi di San Casciano
I Bronzi di San Casciano

Një vend i shenjtë i këndshëm

Për momentin, mund të imagjinohet vetëm se si ishte santuari: një vend kulti me tarraca të pjerrëta, shatërvane, pellgje, altarë të dekoruar me begati statujash të hyjnive, matrona, vajza, burra aristokratë, elementë përkushtimi ndaj familjeve më të pasura të zonës dhe jo vetëm.
Në fazën e tanishme të punimeve, pesë statuja duket se janë më shumë se një metër të larta.

 I Bronzi di San Casciano
I Bronzi di San Casciano

Gërmimet që çuan në zbulimin janë të një natyre novatore dhe kanë përfshirë profesionistë të ndryshëm që lidhen me arkeologjinë si: arkitektë, gjeologë, numizmatistë, ekspertë të epigrafisë, arkeologë. Nga siti arkeologjik ka dalë se sakrificat ndaj perëndive kanë qenë edhe të natyrës bimore.
Kushtet e vështira të dimrit në nëntor i kanëe ndërprerë gërmimet, të cilat do të rinisin në pranverë.
Gjatë dimrit do t’i kushtohet vetëm studimit!
60 ekspertë tashmë të ardhur nga e gjithë bota – po merren me studimin e thellë, dhe katalogimin.
8.11.2022 – Pershtati Jozef Radi

 I Bronzi di San Casciano
I Bronzi di San Casciano
 I Bronzi di San Casciano
I Bronzi di San Casciano

Marre nga https://www.we-wealth.com/news/pleasure-assets/monete-francobolli/la-favola-di-riace-atto-ii-il-tesoro-bronzeo-emerso-a-san-casciano

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.