Agimi mori dhenë Skicë nga Lazër Radi (1939)

1
14
Lazër Radi 1940
Lazër Radi 1940
Lazër Radi 1940
Lazër Radi 1940

Agimi mori dhenë Skicë nga Lazër Radi

Syni nuk m’shijoi nji qiell ma t’kulluet, zemra nuk pati nji dëshirë ma të madhe, dhe nji kangë ma e lumtun nuk më gufoi prej shpirtit!
Mbramë, qielli më vërente me njimijë sy të hareshëm. Sytë inxhi të qiellit vërshuen mbi mua. Ajo inondatë drite më çmeriti…
Desha të ikja. Çudi me natën! Ajo më ndoqi hap mbas hapi e gjurmë mbas gjurme. E ndjej mirë hijeshinë e natës, por më pëlqen vetëm agimi.
Ah! Nata s’më la të qetë. E ndjeshme, megjithatë ia vuna krahun dhe si dy dashnorë, si dy miq të dashtun u vumë në shëtitje lulishtave qiellore!
Nata m’kaloi asaj fushe Elizè.
Nëpër selvitë e blerta përshkohej nji frymë kumbuese! Nëpër ajër përhapeshin do zana të çuditshëm e nata dukej sikur qeshte…
Unë dhe nata haheshim në heshtje!
Fusha Elizè s’kish të sosun! Dhe nata më tha: “Thueja nji kange o kangëtar!” Kange? Por, oh, kanga s’më doli!
“Këndo”, më tha nata.
Por kanga sì del prej shpirtit s’asht ma kangë. Prandaj heshta. Koha kalonte. Nata më kqyrte me përbuzje.
Më kqyri dhe iku…
S’më erdhi keq për natën…
Prej së largu dukej agimi. Ishte i mrekullueshëm. Flokët e praruem i derdheshin mbi shpatulla. Mbi kokë ndriçonte nji kunorë. Atëherë, nji dëshirë e çuditshme flakëroi tek unë. Nji forcë e mistershme më shtynte t’ia hiqja njat kunorë lavdie… Dhe me t’vërtetë desha ta hiqja. Ia pata zili agimit! Shtriva dorën dhe desha me ia marrë njat kunorë t’artë… dhe t’ia vija vetes mbi krye…
Por agimi mori dhenë!
(Shtypi, shkurt 1939)

 

Related Images:

Artikulli paraprakScrittori Italiani in Albania degli anni ‘30 Dr. Lazër Radi
Artikulli tjetërEdmund Burke – Falja
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

1 Koment

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.