12.5 C
Tirana
E premte, 1 Mars, 2024

Mbeshtet RadiandRadi

spot_img

Agim Gashi – Letër Birit tim Ninel Gashit vrarë me 21 Janar

on

|

views

and

comments

Agim e Azalea Gashi
Agim e Azalea Gashi

Agim Gashi – Letër Birit tim Ninel Gashit

të vrarë më 21 Janar 1994

Agim Gashi, asht i lindun i paepun…
ku me ide e ku me penë, ku me kangë e ku me sharki, ku me biseda e ku me shkrime, ai nuk rresht së punuemi, e së derdhuni dashni për tokën dhe vendin e vet…
Agim Gashi ka vite që lufton me sëmundjen në trupin e vet, ka vite që duket sikur prek fundin, po prap ngrihet në kambë e rrok sharkinë dhe ja nis kangës heroike… Kjo asht ajo që më ban ta admiroj dhe ta vlersoj mjaft Agimin…
Sot lexova diçka sa të trishtë edhe aq njerzore nga ai… Nji letër, për të birin e tij Ninelin që ia vranë serbët në moshën 17 vjeçare… Kanë kaluar 20 vite prej asaj vrasje, po letra e këtij prindi për fëmijën e tij të humbun nga dhuna e verbër e shtetit asht e nji dhimbje e papërmasë… Kisha besue se dhimbja e nanës asht ajo ma e madhja, ma e epërmja, pse ajo asht krijuesja e ripërtritse e jetës, por mbasi e lexova letrën e Agimit për të birin e kam ndje se edhe dhimbja e nji babe ka nji përmasë dashnie pakufi për djalin e vet…
Sot, Agimi ndjehet i lodhun nga kjo luftë e pafund me dhimbjen e me sëmundjen… para nji viti ai pati nji transplantim mëlçie të dikujt në trupin e tij… tash kanga e tij nuk asht vetëm e tija, dhe Agimi e din kët gja…
S’më mbetet tjetër veç me i urue jetë të gjatë Agimit, Azalesë dhe krejt familjes së tij… dhe kurrë mos e lshoftë sharkinë prej dore… j.r.
21 janar 2014

I dashur biri im, Ninel!
Ti e di që të kam shkruar poezi, të kam shkruar këngë, të kam përkujtuar çdo vit, por letër, o biri im s’të kam shkruar dot. S’të kam shkruar se gjithëherë të kam pasë në kujtimet e mia ashtu si ke qenë, i buzëqeshur gjithmonë, pak i lazdruar, gjithmonë faqekuq dhe disi si me marre…
Kjo është hera e dytë që të drejtohem me letër!
Të shkruajta më 21 janar të vitit 2012, me shpresën se do të shkruaj edhe më 21 janar të vitit 2013, por ja që nuk munda, sepse akoma isha në shtratin e shërimit. Atëherë një mik i panjohur më kishte dhuruar mëlçinë e Tij e që mjekët në krye me prof, Naumannin ma dhanë mua…
Tash kur të shkruaj, të shkruaj me një trup e dy shpirtëra, sepse edhe ai që nuk e njof, gjysma zuri vend në trupin tim e në shpirtin tim, e gjysma i gjendet atje ku je ti. Ndoshta edhe jeni takuar, por këto unë s’kam si i di. Këtu ku e ka pjesën tjetër, po më duket se më shumë po ma dirigjon jetën ai se sa unë, për çka shpesh më vjen inati.
Të mbaj mend edhe kur ishe shumë i vogël, e kur bërtitje: “Unë jamë sciptal”. Kështu thoshe se akoma nuk mundje ta shqiptoje mirë fjalën shqiptar. Atëherë unë nuk e dija se ty do ta merrte jetën mu kjo fjalë, e cila kishte zënë vend në kokën tënde.

Ninel Gashi dhe lajmi i vdekjes
Ninel Gashi dhe lajmi i vdekjes

Ninel i dashur!
Ti e di, të kam treguar, se data e çdo 21 janari, në mua ka shumë ngarkime. Pikrisht më 21 janar 1994, të kishin vra Ty, policia serbe. Një vit më vonë më 21 janar 1995, lindi Azaleja, tre muaj para kohe, me operacion, por Zoti dashti që një vit më vonë kur ti ke dhënë shpirt, të rilindet shpirti yt në Azalenë. Kjo për mua tregon shumë, sepse nuk mundem ta quaj rastësi.
Ti, shumë shpejt lëshove shtat. Kur ika në kurbetin e zi, ti nuk ishe rritur akoma, por si për inatin tim, sapo u largova, ti lëshove shtat, thua se doje ta prekje qiellin ose të zgjateshe aq shumë për të më parë se ku gjendem, sa larg gjendem dhe se a do mundesh të më mbërrish.
Thoshin njerëzia: Si gufoi ky kështu, ore? Mos është kob?!
Po të shkruaj, o biri im, me dhimbje të madhe shpirti, që po të mos ishe vrarë pafajësisht, sot do t‘i kishe 37 pranvera, do të ishe njeri i pjekur e me familje të formuar. Nusja jote do të ishte shumë e bukur, e mençur dhe e sjellshme. Do të kishit disa fëmijë, të cilët do t’i edukonit njerëzisht, kombëtarisht, e që të rriteshin të drejtë e të ndershëm. Sa do të kisha pasë dëshirë të rrija e të luaja me fëmijët e tu. Do të isha ndje gjysh e shkuar gjyshit. Por të vranë, o biri im i shtrenjtë, nuk të lanë t’ia arrish asaj dite.
Të vranë për një fjalë goje, të vranë pafajësisht, të vranë e të shanë ty e mua. Por mua, o bir, s‘më vranë, por duke të vrarë ty, më vranë edhe mua. Ta morën kufomën dhe u frikësuan nga kufoma jote, nga kufoma e një fëmije me rrezatim drite, me rrezatim Kosove, me rrezatim lirie… Dhe babai yt i mjerë, as varrin nuk ta di.
Por ti mos u mërzit, biri im Ninel, sepse babai shumë shpejt do ta marrë rrugën e amshimit, atje ku je ti me shumë engjëj të pafajshëm, engjëj, që para kohe ikën nga kjo botë për t‘i dhënë asaj tjetre bukurinë që ka. Të kam gënjyer kur të pata thënë më herët se do të vij… e nuk erdha. Nuk mundesh me ardhë kur të duash ti, e kur të teket ty. Vetë Zoti e di edhe pse shenjat tani kan filluar kjart se po nisem. Atje unë patjetër do ta gjej çerdhen tënde.
Deri atëherë s’më ka mbetur edhe shumë të këndoj këngë për Ty, të ta shkruaj ndonjë poezi apo edhe ndonjë përkujtim…
Bëhu burrë si je e më prit se do të vij!
Babai yt Agimi nga kurbeti i Zi!

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

2 KOMENTET

  1. Përshëndetje Familja Gashi…
    Më erdhi shumë keq kur e lexova kët shkrim për djalin Tuaj, apo vllnav tonë të pa harruar Ninel Gashi që lindi në vitin 1977, ndërsa ka ndrruar jetë në vitin 1994, ne do ta ndajmë këtë dhimbje së bashku për të nderuarin dhe të paharruarin Ninel Gashi…
    Shpirti i pushoftë në paqe e lule e dritë ju baft vendi ku pushon trupi i djalit tuaj Ninel Gashi. Kam ndëgjur për familjen Gashi, kam ndëgjuar në radio rapsodin shumë të mirë edhe vuajtjet e të nderuarit Agim Gashi se si ka folë e si asht rritur e çka ka përjetu dhe si ka dalë në gyrbet…
    Përshendetje nga Agron Dushi.

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.