Ballina Testata Gazeta Vila e turpit ose si po projektohet ruajtja e historisë komuniste –...

Vila e turpit ose si po projektohet ruajtja e historisë komuniste – nga Alba Kepi

0
21
Vila e Diktatorit Hoxha
Vila e Diktatorit Hoxha
Vila e Diktatorit Hoxha
Vila e Diktatorit Hoxha

Vila e turpit ose si po projektohet ruajtja e historisë komuniste

nga Alba Kepi

Pasivë, pa shpirt e emocion, lexojmë këtë vendim fat, ku të huajt janë veç lajmësit e një autorësie të vjetër.
E tha “i huaji”, sipas “të huajve”, specialisti “i huaj”, kompania “e huaj”, diplomatët “e huaj”, media “e huaj”, po shërbehen si alibia perfekte e një të vërtete absolute për çdo hall shqiptar.
“I huaji” i Kamysë, është alegoria e përkryer e një mentaliteti pa ndjenja e emocion ku çdo pergjigje, o vendim, nuk ka asnjë rëndësi e shkon drejt fatit pa asnjë interes, në heshtje, pa kundërshtuar o pa u penduar.
E në këtë ditë Korriku 2021, mes variantesh virusi, flakësh të nxehti, aksidente tragjike e rrëmuja sociale no Vax e no Pass, po nga “i huaji” vjen vendimi, i shërbyer përmes një medie të “huaj”, që publikon një projekt “të huaj”, realizuar nga një arkitekte “e huaj”, për Shqipërinë.
E po në gjuhë të huaj e boton i vetëm, një portal shqiptar.
Rrethi mediatik u kopsit perfekt për veshjen serioze të një lajmi “bombë”.
Një media e huaj interviston një profesioniste të huaj e publikohet në një media shqiptare që shkruan shumë në gjuhë të huaj përmes “misionarëve” të saj shqiptarë.
.
Alba Kepi
Alba Kepi
Kjo lojë fjalësh lodhëse, është vetëm prologu i një tjetër skandali turpi me të cilin po përpiqen ta veshin Tiranën, kryeqytetin e Shqipërisë.
Qytetin më antikomunist në Shqipëri, me patriotë, mendimtarë, luftëtarë, pronarë e tregtarë autoktonë, që iu dedikuan zhvillimit e lirisë së territorit të tyre, po e ç’përfytyrojnë me njollat e turpit të një historie që nuk i përket.
Pas Muzeut të gjetheve, bunkerëve e tuneleve të diktaturës, Piramidës e rrugëve me emra pa histori, një tjetër muze komunist po i shtohet Tiranës.
Është Vila e ish-diktatorit.
Në pronësi të Drejtorisë së Shërbimeve Qeveritare Shqiptare, “të huajt” na informojnë se së shpejti do të jetë një muze i vizitueshëm, mbi historikun e jetesës së diktatorit.
E me ftohtësinë e asaj çka përcjell shprehja tironse “si në gjo të huj”, arkitektja britanike përmes një media po britanike, shprehet entuziaste për projektin e saj në pabesueshmërinë e autopromovimit.
Njerëz me mjekërr do t’i bien trombës”, thotë ajo, kur muzika më e bukur e kopshteve tona është klarineta e orkestrës e saksi i çunave të Liqenit.
Por ky projekt vjetërsisht i ri, na kujton kohën e qeverisë Nano, kur Vila e Turpit u propozua për të qënë Muze-hotel me një çmim nate 10 euro, në monedhën e sapo hyrë në qarkullim. Qe “largpamësia e ish-kryeministrit të asaj kohe o motive të tjera”, që kërkesa e ish-ministrit të Kulturës, E. Rama të hidhej poshtë.
E njëjta kërkesë “e re”, e vjetër, u ripërsërit në qeverinë Majko, e mbeti po pa përgjigje.
E sot shumë më i plakur Projekti Muze, Hotel-Vila Muze e Turpit na vjen nga Britania.
Pasivë, menefregistë, pa shpirt e emocion lexojmë këtë vendim fat, ku të huajt janë veç lajmësit e një autorësie të vjetër.
Si “n’gjonë e huj” do thoshin tironsit e si “n’gjonë e huj” po projektohet ruajtja e historisë komuniste, me të njëjta metoda e manipulime si të idhullit të saj Enver Hoxha.
.

Vila e Diktatorit - Tirane
Vila e Diktatorit – Tirane
Në qytetin në të cilin po zhduken rrënjët e historiografisë së lindjes e formimit të tij, ku po shkatërrohet çdo dëshmi e gjurmë e identitetit autokton, ku po shembet çdo objekt i arkitekturës urbane, në qytetin e lënë qëllimisht pa muze e pa institucion të kulturës tradicionale, në qytetin ku banorët autoktonë nuk bënë kurrë kompromis me diktaturën, komunizmi nuk është zhdukur.
Më i egër se baballarët e tij, shfryhet kundër qytetit e banorëve frikësisht më diabolik se dje.
Të kapin ç’të mundin, e pa investuar asgjë, hartojnë dosjen projektuale për të përfituar fondet e huaja për ta ristrukturuar.
Vila e Turpit është shembulli perfekt i qytetit e i banorëve të saj, viktima të vjedhjes, dhimbjes, vrasjes, dënimit, burgut, torturës së njerëzve të pafajshëm, burgimit e persekutimit të pronarëve të ligjshëm e profesionistëve të aftë, ekzekutimit të patriotëve, për kapriçot e pabesitë antishqiptare të kapos së kapove të komunizmit shqiptar Enver Hoxha.
E për ironi të fjalëve që luajnë me atë ç’ka shkruaj, kjo vilë ka në historikun e saj, pronarët e huaj.
Prej qershorit të 1942, kjo vilë është në pronësi të shtetases italiane nga qyteti i Genovas, Velleda Lucia Costa, e cila ia bleu truallin sipërmarrësit italian Vittorio Ercole Belloti. Ky sipërmarrës prej vitit 1940 ia kishte marrë me qera për 99 vite, pronarit Hamit Myftiu. Me një akt-shitje më 2 Qershor 1942, shtetasja italiane u bë pronare e truallit dhe e shtëpisë.
Enver Hoxha e zaptoi paligjshmërisht këtë Vilë për gati gjysmë shekulli duke marrë bashkë me të dhe vilën në krah, të pronarit Qemal Biçakçiu.
Ish-pronarët e vilave patën të njëjtin fat si pronarët e të gjithave vilave të Tiranës.
Hamit Myftiu u dënua me vdekje më 1948, ndërsa Qemal Biçakçiu bëri 14 vite burg e u persekutua deri sa ndërroj jetë.
Më 1973, familja diktatoriale ndërtoi shtesën e re me arkitekturë socialiste, e njohur sot si bar-lokal i frekuentuar nga të rinjtë.
Thuhet se në këtë lokal, ashtu dhe në vilën e turpit, hyn e del si i shtëpisë, sot si dikur, i preferuari i Vejushës së Zezë.
Si “n’gjonë e huj” jep e merr me turistët e klientët që vijnë për ta vizituar.
Por në Tiranë nuk ka shtëpi pa zot, e në pronën e të tjerëve si dje dhe sot je veç i HUAJ.
©Alba Kepi
.

Related Images:

Artikulli paraprakAkademiku shqiptaro-britanik, Gëzim Alpion nderohet me medaljen “Nënë Tereza” – nga Frank Shkreli
Artikulli tjetërJam komunist, pa partinë do isha krijues mediokër… – Ismail Kadare i shkruan Nexhmije Hoxhës
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

S'KA KOMENTE

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.