Vdiq Dr. Pjetër Pepa – nga Fritz Radovani

3
14
Dr. Pjetër Pepa (1942-2014)
Dr. Pjetër Pepa (1942-2014)
Dr. Pjetër Pepa (1942-2014)
Dr. Pjetër Pepa (1942-2014)

Vdiq Dr. Pjetër Pepa – nga Fritz Radovani

Lajmi i vdekjes së Dr. Pjetër Ndoc Pepës u hap si një rrufe në gjithë Botën shqiptare.
Ishte prej një familjes së vjeter qytetare, që banonte tek Arra e Madhe në Shkoder. Pjetri ka le me 18 Dhjetor 1942 në Shkodër, ku mori edhe mësimet e para të shoqnueme me tingujt e kumbonëve të asaj kishe Françeskane pranë shtëpisë.
Në vitet 1960-1965, kreu Fakultetin e Mjekësisë, dega Stomatologji, si student i dalluem. U emnue në Shkodër në vitin 1965. Ishte i prirun për studime.
Botimet e para shkencore i ka fillue në vitin 1966 në revistat periodike “Shëndeti” “Shëndetësia Popullore”, “Buletini Shkencave Mjeksore”, “Buletini Stomatologjik”, në organet e shtypit periodik, ku ka botue edhe artikuj të karakterit historik dhe kulturor.

Dosja e Diktatures
Dosja e Diktatures

Në vitet 1969-70 ka shërbye në Lokalitetin e Dukagjinit, ku ka vazhdue me mbledhë materiale studimore nga ajo krahinë. Në vitin 1972 ka krye kursin 3 mujor në Universitetin Shtetëror Tiranë, dhe ka dhanë disa provime në Fakultetin e Histori-Filologjisë mbasuniversitare edhe për gjuhët italisht, frëngjisht dhe gjermanisht.
Në vitin 1974, asht specializue pranë Katedres së Stomatologjisë për Ortodonti.
Gati dhjetë vjet, ka drejtue repartin e Shërbimit të fëmijëve në qytetin e Shkodrës.
Në periudhën 1990-1996 asht angazhue në proceset demokratike, asht zgjedhë Deputet i Kuvendit Popullor për dy Legjislatura rradhazi. Ka krye edhe detyrën e Ambasadorit të Shqipnisë pranë Selisë së Shenjtë – Vatikan, gjatë vitit 1997.
Në vitin 1998, asht kthye në profesion të lirë si pedagog i jashtëm pranë Fakultetit të Mjekësisë. Ai mbante detyren e Shefit të Shërbimit të Pedodontisë pranë Albanian-University dhe Shefi Sektorit Shkencor të Departamentit të Stomatologjisë pranë Universitetit. Ishte Anëtar i Komisionit Historik për Kanonizimin e Martirëve Shqiptarë për Vatikanin. Asht i dekoruem nga Presidenti i Republikës me “Medaljen e Trimërisë”, dhe ishte i zgjedhun nga Kuvendi Popullor me detyren e Anëtarit të Bordit drejtues të “Institutit Studimor për Krimet e Komunizmit në Shqipni”.

Papa Gjon Pali i II dhe Pjetër Pepa
Papa Gjon Pali i II dhe Pjetër Pepa

Përveç botimeve shkencore, kulturore dhe politike, ku përfshihet edhe libri “Dosja e Diktaturës” Tiranë 1995, botimet ma të randsishme mbeten ata historiko-fetare të vitit 2007, me titull “Tragjedia dhe lavdia e Kishës Katolike Shqiptare” ndër dy vllime, dhe “Familje Martire për Fe e Atdhe”.
Qyteti i Shkodrës me vdekjen e Dr. Pjetër Pepës, ka humbë një intelektual të vetin të nderuem dhe të përkushtuem për nxjerrjen në pah të Gjenocidit të kryem në atë Qytet Martir, nga diktatura komuniste.
Në shenjë respekti këta pak rreshta nga Autori.
Melbourne, 24 Mars 2014.

Related Images:

Artikulli paraprakEric Fromm (1900 – 1980) – Arti i dashnisë
Artikulli tjetërBota e zajeve… si refleksion në pikturën e Pashk Përvathit
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

3 KOMENTET

  1. Ilir Mileti-Mulleti
    Dritë i baftë shpirti e qoftë i Parrizit. r.i.p.
    Ngushëllimet ma të sinqerta familjes Pepa. Dr. Pjetri ishte nji njeri i mrekullushëm, e kam taku vetëm nji herë në Shkodër, në Teatrin “Migjeni” në promovimin e librit të sapobotuar “Dosja e Diktaturës” ku merrte pjesë edhe Padre Gardini i ardhur nga Italia për të vdekur në tokën shqiptare në moshën 90 vjeçare. Fjala e Dr. Pjetrit bani që shumica e të pranishmëve në sallë të përloten. Shumica ishin njerëz që e kishin ndi’ në kurrizin e tyne tmerrin komunist. Me vdekjen e tij, qyteti i Shkodrës humb nji nga djemtë e tij, pjesë e zotnive të ketij qyteti famëmadh…
    Marrë nga Muri i fb 24 mars 2014

  2. Me dhimbje mësuam lajmin e ndarjes nga jeta të dr. Pjetër Pepës; personalitet i shquar jo vetëm i fushës së mjekësisë stomatologjike, por edhe i lamit të kulturës në përgjithsi, bir i denjë i Shkodërloces. Kontribues i shquar në fushën politike e diplomatike në periudhën e tranzicionit. La pas të botuar vepra me shumë vlera.
    Ngushllimet ma të sinqerta familjes, miqve, shokëve e bashkëpunëtorëve të tij…

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.