back to top
22.5 C
Tirana
E enjte, 13 Qershor, 2024

Torba e minjve nga Elmaz Fida

Gazeta

Minjte ne thes...
Minjte ne thes…

Torba e minjve

nga Elmaz Fida

Një agronom që punonte në një fshat të thellë të Egjiptit, tregon përvojën e tij me një fshatar.
Kisha hipur në tren dhe isha nisur drejt Kajros. Përbri meje ishte ulur një bujk i moshuar, me një torbë të mbushur përgjysmë mes këmbëve. Gjatë gjithë rrugës, bujku e trazonte torbën, e përmbyste dhe e përziente mallin që kishte brenda. Kjo, pothuajse çdo çerek ore. Këtë gjë e bëri gjatë gjithë rrugës me tren.
Agronomi u çudit nga kjo sjellje dhe në një moment, ndërhyri dhe e pyeti
“Përse e përmbysni dhe e përzieni mallin që ka kjo torba?! Kam vënë re që këtë e bëni çdo çerek ore.”
Bujku egjiptian iu përgjigj: “Unë gjuaj minj e brejtës dhe ia shes qendrës kombëtare të studimeve në Kajro. Ata i përdorin për eksperimente, në laboratorët e tyre.”
Agronomi e pyeti: “Mirë, por a s’më thua, përse i përmbys dhe i trazon ashtu?!”
Bujku u përgjigj: “Këta janë minj e brejtës të zënë në fusha e male dhe nëse i lë për më shumë se çerek ore pa i trazuar dhe pa i përmbysur, ata fillojnë e qetësohen dhe u largohet ankthi. Nuk do të kalojë shumë dhe secili prej tyre do të fillojë ta brejë torbën time për t’ia mbathur më pas. Duke i trazuar herë pas here, unë i mbaj në gjendje ankthi të vazhdueshme dhe ata s’e kanë mendjen ta brejnë torbën. Ja përse i trazoj dhe i përmbys, për t’u rritur nivelin e ankthit, sa të mbërrij në qendrën e kërkimeve në Kajro.
E di çfarë o bir?! Ne u bëjmë minjve e brejtësve, pikërisht atë që na bëjnë politikanët tanë ne vendeve lindore dhe të pazhvilluara.
Për të na mbajtur të nënshtruar, të varfër, të pazhvilluar dhe të përulur, herë pas here, ata e tundin “torbën” e tyre. Herë na flasin për komplotet botërore që thuren kundër nesh, herë shkaktojnë kriza ekonomike, herë të tjera shkaktojnë trazira e kriza politike …
E gjitha kjo, me qëllim që të na mbajnë gjatë gjithë kohës në gjendje paniku e frike, me qëllim që të mos ua çjerrim “torbën” dhe të qëndrojmë të nënshtruar brenda diktatit të tyre.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.