Teme Sejko – E vranë plot 5 herë! – nga Adriatik Riza Dosti

0
8
KundërAdmirali i Flotës Shqiptare Teme Sejko
KundërAdmirali i Flotës Shqiptare Teme Sejko
KundërAdmirali i Flotës Shqiptare Teme Sejko
KundërAdmirali i Flotës Shqiptare Teme Sejko

Teme Sejko – E vranë plot 5 herë!

nga Adriatik Riza Dosti

Eliminimi fizik i Kundër-Admiralit dhe Komandantit të Flotës Luftarake Detare Shqiptare, Teme Sejko – një nga krimet më barbare, me monstruoze, më sadiste e më makabre të regjimit komunist dhe diktaturës së kriminelit Enver Hoxha.
Në shenjë mirënjohje e respekti familjar si dhe në formë akuze të rëndë publike për gjithë çka ngjau me tragjedinë e tmerrëshme të familjes së Teme Sejkos, po postoj sot pa detaje të tepërta e pa historira që dihen e janë ripërsëritur disa herë, të vërteten e krimit makabër të 62 viteve më parë…
Teme Sejko ishte dhe mbetet njeri ndër bijtë fisnikë të Çamërisë… Ai kishte lindur në 25 gusht 1922, në Filat të krahinës së Konispolit, nga prindër atdhetare e familje patriotike e fisnike.
Qysh herët i bashkohet lëvizjes nacional-çlirimtare, madje është themeluesi i Çetës partizane Çamëria – duke besuar e luftuar në çlirimin e Shqipërisë prej okupatorit nazi-fashist, dhe për një Shqipëri të lirë e demokratike…
Në vitet ‘50 kryen Akademinë e famëshme ushtarake sovjetike Voroshillov, me rezultate të shkëlqyera…
Në 17 janar 1958, emërohet Kundër-Admiral dhe Komandant i Përgjithshëm i Flotës luftarake detare shqiptare…
Arrrestohet nga Sigurimi i Shtetit më 5 korrik 1960!
Akuza – si kryetar i një grupi puçist ushtarak në bashkëpunim me Flotën e 6 amerikane, me spiunazhin rus, italian, grek e jugosllav ke komplotuar për përmbysjen e pushtetit popullor dhe eliminimin fizik të Enver Hoxhës (spiun e bashkëpunëtor edhe i sovjetikëve. por edhe i amerikanëve… banalitet më të madh zor se gjen, sidomos për kohën në të cilën bëhet fjalë…)
E torturojnë egërsisht… ndërkohë që në të njejtën kohë me të janë arrestuar e akuzuar si pjesë e grupit komplotist: i vëllai i tij Taho Sejko, Tahir Demi dhe Liri Belishova…
Pushkatohet zyrtarisht së bashku me disa krerë të tjerë të lartë të ushtrisë shqiptare si T. Demi, A. Resuli e H. Mane – më 31 maj të 1961…
Veç kesaj… 2 vëllezër ia vranë, të birin Sokolin ja pushkatuan në fillim vitet ‘70 nën akuzen për terror e sabotim të pushtetit popullor… njëri vëlla Suloja dhe bashkëshortja Shpresa u vetëvranë… ndërsa djalin tjetër Rajmondin ja arrestuan dhe e dënuan me 10 vjet burg për agjitacion e propagandë… ndërkohë krejt familjen e farëefisin ja internuan…
Po çfarë e bën makabër e sadist vrasjen e pushkatimin “zyrtar” ndaj njerit prej krerëve më të lartë ushtarakë të ushtrisë shqiptare?
…Pikërisht fakti qe rrëfyer publikisht prej torturuesve, hetuesve, prokuroreve, ekzekutuesve dhe vrasësve të tij është i përbindshëm deri në extrem… I pa shembullt e tepër i rrallë edhe në historinë e regjimeve të tjera gjakatare komuniste, por edhe i diktaturave e diktatorëve kanibale… në mbarë botën!

Arben Shira - Pushkatimi
Arben Shira – Pushkatimi

Pasi e rrahëm me dy hunj të trashë për disa ore rresht… unë [Nevzat Haznedari] dhe Rexhep Kolli… vume re që Temja pothuajse ishte tashmë i vdekur komplet… ngado e në çdo pjesë të trupit të fryra e të përçudnuara i rridhte gjaku vu… ndaj dhe nuk e goditëm më… duke menduar se në mëngjesin e ditës që do pasonte do ta gjenin të vdekur në qeli…
Sipas vendimit të Gjykatës… të nesërmen kur çuditërisht ai kish gdhirë i gjallë… e morëm për ta pushkatuar…
E hipëm në Gaz… dhe e vumë në mes [tregon njeri nga ekzekutuesit e tij me mbiemrin Birçe]… ndërkohë që me ndihmën e kolegut tim me mbiemrin Gjondeda… i hodhëm një litar në qafë, duke e tërhequr litarin ai djathtas e unë majtas… derisa Temes ju var koka e na mbeti në dorë… duket se tashmë e kishim mbytur, pasi as merrte frymë e as jepte më asnjë shenjë jete… ndaj vetëm formalisht po e çonim për ta pushkatuar e hedhur në gropën që i kishim hapur një ditë më parë…
Përpara se ta hidhnim në gropë… erdhi Prokurori që sipas ligjit të atëhershëm e pas pushkatimit e qëlloi me pistoletë në kokë për t’u bindur plotësisht për vdekjen e ekzekutimin e tij, për të cilën i duhej edhe të firmoste zyrtarisht!
Unë… mora një kazëm që ishte aty pranë e që kishte shërbyer për hapjen e varrit të Temes, dhe e qëllova disa herë me të në kokë derisa ja prisha kafkën fare…!!!
Në fund fare… para se të iknim, na erdhi urdhëri nga Shefi i madh, Kadri Hazbiu… qe Temen dhe trupin e tij, – armikun e tmerrshëm të pushtetit popullor e të Enver Hoxhës, duhej ta asgjesonim komplet… e ta zhduknim pa nam e pa nishan…
Atëhere, e morëm një bidon plastik që kishte brenda acid… dhe e spërkatëm krejt trupin e tij të vdekur që tashme ndodhej në gropë… pra e dogjëm të tërin!!!
Janë këto rrëfimet sadiste e makabre të ekzekutorëve të Teme Sejkos, të cilat ndodhen në Dosjen e tij të ekzekutimit, pushkatimit dhe eliminimit fizik të Kundër/Admiralit dhe Komandantit të Flotës Luftarake Detare të Shqipërisë… ne 31 maj të vitit 1961…
Pra, e vranë 5 herë rresht!
Aq e përbindëshme ishte egërsia e tyre dhe aq çnjerëzor kanibalizmi i tyre…
Absolutisht një nga krimet më makabre e më barbare të regjimit komunist shqiptar të atyre viteve dhe një nga sadizmat më rrënqethëse të diktaturës dhe diktatorit që dirigjonte këto krime… për të cilat dikush sot duhet të përgjigjej… Them kështu se dy-tre prej ekzekutorëve të tij me sa di unë janë ende gjallë dhe kurrë gjatë këtyre viteve të kësaj lesh – demokracie., as u ka hyrë e as ka ndërmend t’u hyjë asnjë lloj Gjëmbi në këmbë…
Ndaj edhe jemi këtu ku jemi!!
A.R.D

Related Images:

Artikulli paraprakTurri i parahistorianëve për ta shkruar historinë dhe për ta rifallisfikuar atë – nga Nue Oroshi
Artikulli tjetërBotimi i Veprës “Andrra e Pretâshit” i At Anton Harapit – nga Ardian Ndreca
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.