9.5 C
Tirana
E shtunë, 2 Mars, 2024

Mbeshtet RadiandRadi

spot_img

Te Erika & Martin Camaj – Na jena rranja që nuk thahet kurrë nga Gjergj Jozef Kola

on

|

views

and

comments

Te vorri i Camajt per 25 Vjetor
Te vorri i Camajt per 25 Vjetor

Te Erika & Martin Camaj –

Na jena rranja që nuk thahet kurrë.

nga Gjergj Jozef Kola

Hyrja në shtëpinë e Martin Camaj,
prekja e objekteve tek të cilat ai ulte sytë dikur,
takimi me zonjën Camaj, një grua të fortë, fisnike dhe bujare,
dorëzimi i çmimit në studion e poetit të papërkulshëm,
vizita e dhomës “sekrete” me motive origjinale shqiptare
në katin e poshtëm të shtëpisë në të cilën Camaj
grumbulloi krejt mallin për vendlindjen,
bashkëbisedimi me njerëz të së bukurës
që deri dje i njihja vetëm virtualisht,
leximi i poezive në sallonin plot dritë,
knaqësia e shkëmbimit të librave, humorit
dhe dashnisë për artin me miq të rrallë
e banen udhëtimin tem në Lenggries të Gjermanisë,
një pasuni shpirtnore pa kohë.
ada halilaj, 22 mars 2017
.
Erika Camaj, Ada Halili e Gjergj J. Kola, Lenggries 2017
Erika Camaj, Ada Halili e Gjergj J. Kola, Lenggries 2017
Që nga momenti kur u pamë e deri sa u ndamë, zonja Erika Camaj na kujtoi pa ndërpremje se “Ju jeni të Martinit!”.
Kështu edhe në studjon e Poetit ma modern të letrave shqipe, sytë e znj. Camaj shndrinin prej gzimi kur na i propozuem që ajo të bahej Kryetare Nderi e Çmimit “Penda e Kristaltë”.
Asnjiherë ma parë në ktë studio të poetit nuk ishin nda çmime poetike dhe dy fitueset që kishin marrë rrugën e gjatë me mijra kilometra me ardhë, Arjola Zadrima dhe Suada Halili u mbushën me gëzim të dyfishtë.
Lindi kështu së bashku me nji ritual te ri të letrave shqipe edhe shqetësimi jonë i natyrshëm për të ardhen e këtij tempulli të letrave shqipe. Znj. Camaj na siguroi se asht e re dhe e fortë dhe nana e saj asht ba 100 vjeçe e nuk kishim pse me u shqetësue për të ardhmen e kullës Camaj në Lenggries.
Idenë tonë për me ndërtue nji rezidencë autorësh, ajo e priti plot gzim e dashuni.
.
"Ju jeni te Martinit!"
“Ju jeni te Martinit!”

“Kështu, – tha, – Martini ka me u ndje gjithmonë i lumtun në mes miqësh, poetë dhe artistë…”

Na mori përdore e na drejtoi ne dhomën që Martini kishte pase ma për zemër e ku kishin lanë gjurmët e tyne, dy piktorë të mrekullueshëm shqiptarë në botë: Lin Delija dhe Ibrahim Kodra.
Mbasdite u ulëm në Dhomën e Ndejes dhe aty lexuem poezitë origjinale nën tingullin origjinal të gegnishtes tonë dhe zonja Camaj, kësaj gjermane të pamposhtun që përkujdeset tash 25 vjet për kujtimin e bashkëshortit të saj, poetit të kombit shqiptar, ju mbushën sytë me lot gëzimi.
Na i propozuem asaj në emnin e Jurisë së Pendës së Kristaltë Çmimin e nderit me motivacion: “Për vetmohimin dhe përkujdesje të trashëgimnisë së poetit modern të kombit shqiptar: Martin Camaj” çmim të cilin ajo e priti plot mirënjoftje.
Kur morëm me ikë, nuk desht me na lanë, ajo, zonja Camaj, ma shumë malësore shqiptare në kullë se sa gjermane në vilë.
Vetëm poezia mundet me e shpjegue se kush asht Erika dhe Martina Camaj në Lenggries të Gjermanisë.
.
Për vetmohimin dhe përkujdesje ndaj poetit Martin Camaj”
“Për vetmohimin dhe përkujdesje ndaj poetit Martin Camaj”

Perkushtim

Erika Camajt

Poeti i vizatuem në shpirtin e nji grueje
lëviz aty nëpër vijat e kohës,
hin e del si në shpinë e Atit me njimijë zane
e fjalë stinësh të ndryshme bahen poezi.
“Ah moj grue, edhe 40 vjet mbas mejet
kanë me ardhë zogj shtegtues e ndonjani
ka me ra në oborr plot ujë e etje
afër Drandes, anash luleve që kena rritë bashkë.
Nëpër birat e gardhit kanë me hi tash e parë
xhuxhmaxhuxha të kuq me sy beduinësh
po ti pastroje kopshtin tonë dhe mbjell aty
gshtaja e lisa të naltë të bjeshkve të mija.
gjk
Lenggries 2017
.
Penda e Kristalte - Erika Camajt
Penda e Kristalte – Erika Camajt

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.