Sipas… – nga Agim Morina

0
9
Michelangelo... cappella sistina
Michelangelo... cappella sistina
Agim Morina
Agim Morina

Sipas…

nga Agim Morina

Sipas edukatës, arsimtari do të duhej me i eduku fëmijët – në Kosovë i dhunon.
Sipas ligjit, polici duhet me i mbrojtë fëmijët – në Kosovë i ridhunon.
Sipas betimit të Hipokratit, mjeku do të duhej me i shëru pacientët – në Kosovë i qun majmunë, idiotë – derisa janë tue gjëmu prej dhembjesh – dhe i ban me dështu fëmijën e nxanun fill prej dhunimesh.
Sipas një fiqiri elementar njerëzor, kleriku do të duhej me i ndihmu më nevojtarët e shoqnisë – në Kosovë i detyron me shitë viç për me kry një varrim!
Sipas Kushtetutës, kryetari duhet me e rujtë sovranitetin – në Kosovë hyn në negociata për kufijtë.
Sipas moralit qytetar, deputetët dhe qeveria duhet me u kujdesë për mirëqenien e të gjithë qytetarëve – ata ia rritin rrogat vetes.
Sipas një logjike të qeverisjes, kryeministri do të duhej me dijtë se çfarë ndodh në shtetin e tij – në Kosovë aterrojnë aeroplanë banditësh dhe kidnapojnë qytetarët pa dijeninë e tij.
Sipas funkcionit, Shërbimi Sekret do të duhej me punu për sigurinë e shtetit të vet – në Kosovë Shërbimi Sekret asht në shërbim të shteteve të hueja diktatoriale.
Sipas mendjes së shëndoshë, analfabetët do të duhej me qenë tue sharru dru – në Kosovë mbajnë poste të nalta politike dhe, sidomos, tituj doktoratash.
Sipas thirrjes që ka televizoni shtetnor, do të duhej me qenë në shërbim të shtetit – në Kosovë asht në shërbim të ndonjë partie.
Sipas gjithë asaj që dihet në historinë e përbotshme njerëzore, agresori asht aj që dënohet – në Kosovë ata që e kanë mbrojtë veten dhe familjet e tyne gjykohen…
Prandaj, nuk bahet fjalë për botën e çudinave të Lizës,
Por për shtetin e përmbysun – shtetin e gjizës.
.
Michelangelo... cappella sistina
Michelangelo… cappella sistina
Mefail Maliqi
Agim, në vargun e parë të kësaj poeme tragjike ke prekur kompaninë time në të cilën punoj që 25 vite. Kjo e keqe ka egzistuar në çdo kohë e në çdo vend. Sot për ta parë këtë të keqe nuk është vështirë. Sa mësimdhënës nxënësen e vet e ka marrë për grua? Në Gjilan, një mësimdhënës në vitet e ’60-ta e merr për grua nxënësen e tij, i gjithë kolektivi distancohen nga ky mësimdhënës dhe pas pak vitesh kishte vdekur. Në varrim të tij marrin pjesë pak njerëz, asnjë nga kolektivi. Varroset jo si mësues po si qen. Me këtë dukuri nuk e di kah jemi kah shkojmë!!! Nxënësja është vetëm nxënëse përjetë edhe kur i jep mësim edhe kur del nga shkolla, edhe kur bëhet kolege në pune, edhe… edhe… edhe… ajo është nxënëse.
.
Marrë nga Muri i Fb, 7 shkurt 2019

 

Related Images:

Artikulli paraprak“U mbars mali… dhe polli një mi!” – nga Ilir Demalia
Artikulli tjetër“Shqipëria ç’ka qenë, ç’është e ç’do të bëhete” – nga Genci Hoti
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.