Përceptimi i moralit të diktaturës komuniste përmes çfaqjes në TV të filmave shqiptarë të prodhuem para vitit 1990 – nga Filip Guraziu

0
7
Filip Guraziu
Filip Guraziu

Perceptimi i moralit të diktaturës komuniste përmes

çfaqjes në TV të filmave shqiptarë të prodhuem para vitit 1990.

nga Filip Guraziu

“Njeriu” përban elementin ma të randësishëm të platformës së zhvillimit të nji shoqnie. Mundesh me investue shuma të mëdhaja për zhvillimin e nji vendi, por çdo gja mbrapa nuk ka me funksionue si duhet nëqoftëse “njeriu” që i shfrytëzon dhe i përdoron ato vepra nuk do të jetë i edukuem si duhet, kjo, jo vetem në aspektin tekniko-profesional, por kryesisht në aspektin moral dhe human.
Nuk asht rastësi që diktaturat kudo në botë vëmendjen ma të madhe të propagandës së tyne ia patën kushtuare edukimit të brezit të ri. Me vëmendje të veçantë, trajtohet edhe sot sektori edukimit në shtetet demokratike të botës. Eksperiencat në kët drejtim na bëjnë me kuptue se shoqnia shqiptare nuk mundet me qenë e shëndetshme dhe e sigurt në zhvillimin e përparimin e saj, nëqoftëse ‘sektori i edukimit’ me fushë veprimi edukimin e brezit të ri nuk ka si udhërrëfyes nji strategji të mirëmendueme që bazohet në normat morale bashkëkohore të kushtëzueme prej së ardhmes europiane të Shqipnisë.
Shqiptarët e “përmbysën komunizmin” së bashku me propogandën imorale të asaj diktature, atë të “luftës së klasave” që ushqente urrejtjen klasore për këdo që mendonte ndryshe. Sot në demokraci, edhe mbas 25 vjetëve, në shumë media televizive çfaqen ditë e natë filma të prodhuem para vitit 1990, ku të rijtë e lemë në demokraci, shohin e mësojnë, pra edukohen me urrejtjen për “imoralitetin e antishqiptarizmin e klerikëve, tradhëtinë e intelektualëve nacionalistë e poshtërsinë e klasës borgjeze si dhe për këdo që mendonte ndryshe…”
Propagandë tipike e moralit të diktaturës komuniste gja që çorienton formimin e brezit të ri tue i goditë qelizën vitale të karakterit, ndërgjegjen.
.
Kinostudio "Shqipëria e Re"
Kinostudio “Shqipëria e Re”
Personalisht vlerësoj punën artistike (pavarësisht moralit politik të asaj kohe) që ka ba në vite “Kinostudio “Shqipëria e re”, por e çoj zanin për me ba thirrje që institucionet përgjegjëse të edukimit e ato të kontrollit të mediave vizive në nivel shtetnor të reagojnë për me kontrollue situatën tue ba seleksionimin e filmave që transmetohen. Për krahasim, a mund të ndodhë që të çfaqen sot në Tv. gjermane ose italiane filma që propagandojnë moralin e diktaturave naziste apo fashiste? No comment!
Me keqardhje duhet me pranue se organizimi e drejtimi institucional- shtetnor shqiptar i sektorit të edukimit ende paraqitet tepër i mangët, pa strategji veprimi, për mos me thanë që asht inegzistent. Indiferenca shtetnore për strategjinë e edukimit të brezit të ri vështirëson deri në pengesë rrugën e shqiptarve drejt Europës.
.
Marrë nga Muri i Fb i Filip Guraziut, 6 prill 2020

 

Related Images:

Artikulli paraprakKristina Markagjoni – Një jetë rrugëve të mundimit
Artikulli tjetërMozarti, “Miserer” dhe Memoria e Gjeniut – 250 vjet më parë – nga Lutfi Alia
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.