Për Njeriun dhe Artistin Bujar Asqeriu, në një ditë të rrebelimit të tij… nga Jozef Radi

0
12
Bujar Asqeriu 2018
Bujar Asqeriu 2018

Për Njeriun dhe Artistin Bujar Asqeriu,

në një ditë të rrebelimit të tij… nga Jozef Radi

Fjalën e Bujar Asqeriut të një viti e kusur më parë e dëgjoj edhe sot me shumë kënaqësi, bile mund të them se ditët e fundit e kam ridëgjuar dhe e vlerësoj si ndër më të bukurat shpërthime që mund të bëjë një qytetar ndaj një padrejtësie, e cila cënonte publiken dhe kujtesën kolektive… Bujar Asqeriu, në atë shpërthim të tijin s’ka asgjë prej artisti po ka gjithçka prej Njeriu që befas mund të quhet art. Prej Njeriu që ndjen, që vuan, që vuan e ndjen njëherësh shpërthen në një ligjërim të rrallë, si një “këngë mjelme”, të cilën kohrat s’do të munden ta harrojnë kurrë… Unë do të dëshiroja të vazhdonin ta dëgjonin me mijra, sepse s’ka të vërtetë më të thellë, më grruese, më të sinqertë, me heroike, më sfiduese, më të gjëmuar me shpirt, pa asnjë libret të përgatitur, pa asnjë shtysë demagogjike, ashtu gurgulluese që të bën të rrëqethet shpirti, me kumtin e saj thellësisht human…

Aktori Bujar Asqeriu shperthen...
Aktori Bujar Asqeriu shperthen…

Por, (gjithnjë gjendet një por) ndokush prej jush mund të thotë se: Bujar Asqeriu kaherë e ka braktisur këtë që ka shprehur me ashk të shpirtit… Unë ju them: Jo kurrë! Bujar Asqeriu s’e ka braktisur kurrë atë që ka thënë shlirtë në një ditë grafulluese e të sinqertë të jetës së tij, ai s’mund ta braktisë kurrë një ligjëratë në të cilën është shpirti i tij, pasioni i tij prej Njeriu… dhe nëse e ka braktisur atë ligjëratë, e ka braktisur vetëm artisti Bujar Asqeriu, ajo pjesa realsoce që i ngulfoi diktatura ndër shpirtrat e artistëve, që ua diktoi recitativën, atë të pasinqertën, që e presonte dhe e blente artistin, që e lartonte dhe e gremiste sa herë që asaj i duhej… kurse Njeriun Bujar Asqeriu, ligjëratën e tij të pashoqe e kemi pjesë të shpirtit dhe eshtrave, pjesë të dhimbjes dhe revoltës… pjesë të historisë sone të dhimbshme.. Ajo ligjërate nuk është thjesht e njeriut Bujar Asqeriu, po e çdonjerit prej nesh, që të jetuarit në këtë vend, na është një betejë e ndërgjegjes me mbijetesën si krijesa por mbi të gjitha si qytetarë… Ndaj e dëgjoj Bujar Asqeriun në revoltën e tij, dhe nuk meriton në jetë të jetëve të braktiset ai gulsh i sinqertë i Bujar Asqeriut, ajo pjesa e vjedhur është raporti ende i paçliruar i Artistit me Pushtetin, vogëlsia e tij dhe e çdonjërit prej nesh, por jo ai ligjërimi i sinqertë, më i guximshmi i jetës së tij… për të cilën çdonjëri prej nesh është pjesë e tij…
korrik 2019

Related Images:

Artikulli paraprakLufta e Klasave – Kanceri i Politikës Shqiptare – nga Thanas L. Gjika
Artikulli tjetërShembull i një individi – nga Eduart Kaca
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.