Për Nënën time! nga Nevila Jaupaj


0
19
Familja Jaupaj sot...
Familja Jaupaj sot...
Nevila Jaupaj
Nevila Jaupaj

Për Nënën time!

nga Nevila Jaupaj


Ajo sot është në vend të parë në zemrën time… Deri dje kam pasë babin… pse dihet tashmë që lidhjet vajzë-baba janë më të fortat shpirtërore, dhe mund të them se babi më ka dhënë shumë dashuri, ndjehem e sigurt se jam drita e syve të tij të bukur. Ai është i vuajtur deri në palcë, dhe ka gjithmonë humor….
Ndërsa mami është tjetër krijesë e rrallë…

Familja Jaupaj në rini...
Familja Jaupaj në rini… 

Bijë e një ballisti dhe mbesë e një agai, ajo mbetet jetime 6 muajshe, mbasi babanë ia vranë në moshën 33 vjeçare. Iu konfiskuan të gjitha pasuritë në Trevllazër dhe u dëbuan familjarisht nga fshati, një fshat që siç më treguan në furgonin Vlorë-Trevllazër, kur shkova të gjeja varrin e gjyshit… e kishin krijuar tre vëllezër nga fisi i paraardhësve të mi… me mbiemër Lamaj… Ata qenë vendosur në këtë tokë të begatë dhe kishin mbjellë ullinj e vreshta, duke i dhënë vendit edhe emrin e Fshatit asaj bashkësie vëllezërish. Stërgjyshi im, Tahir Lamaj, ish agai fshatit… kish qenë një burrë që ma treguan me shumë fisnikëri… çdo çifti që martohej ai u falte disa rrënjë ullinj dhe një pjesë toke dhe u thoshte gjithmonë se: “Kush është i zoti ta shtron sofrën edhe me një kokërr ulli… po kush s’është i hajrit ta mbyll shtëpinë…!
Në vitin 1945, duke ngelur baba i dy djemve dhe me një djalë të vrarë, thosh gjithmonë nëpër fshat: “Më vranë më të mirin, e me lanë dy kllufjet… sepse gjyshi im ishte shkolluar në Itali, dhe ishte nga të parët që kish sjellë në fshat makineri vaji, makinë autoveturë, dhe çdoherë që kthehej nga studimet me pushime iu dhuronte gjithë njerëzisë në fshat dhurata.
Shtëpia e tyre u konfiskua dhe u kthye në shkollë fshati, të gjitha pasuritë i kaluan pushtetit popullor dhe i lanë edhe pa triska fronti si familje… Mamin tim e rritën gjyshërit dhe xhaxhai… dhe posa mbushi 17 vjeçe e martuan. Punoi 33 vite në bujqësi, në fermë me kazmë dhe lopatë… S’e dinte çdo të thosh e dielë, pushim apo ditë raporti mjekësor, dhe nëse ndonjë ditë e vendosnin në ndonjë punë të lehtë, hidheshin të preferuarat e brigadierit: “Pse atë ballisten çon ti?!” Gjithë jetën nuk e zuri kurrë në gojë babanë, shumë rrallë i shikoja një foto të tijën që e mbante gjithmonë me vete…

Familja Jaupaj sot...
Familja Jaupaj sot…

Kur erdhën vitet e demokracisë dhe pse ish pronare legjitime e gati një fshati të tërë, thosh kur s’gëzova babë e nënë nuk kam ç’e dua mall e gjënë… Le ta gëzojnë fshatarët e vuajtur.
Ka 24 vite dhe pse doli në pension të parakohshëm në Shqipëri, sepse i kish plotësuar vitet e punës, ka punuar për të jetuar edhe këtu kur i mora afër meje, por që kanë jetuar gjithmonë në shtëpinë e tyre, dhe sot që është 72 vjeçe nuk të pranon një kafe, por thotë: “Asnjëherë sa të kem këmbë, dorë e mendje s’do më kesh peshë, por ndihmë, moj bijë!”.
Prandaj them gjithnji se: Babai më ka dhënë shumë dashuri… mami Vlera!

 

Related Images:

Artikulli paraprak“Vrasësit janë midis nesh!” nga Reshat Kripa
Artikulli tjetërEleanor Roosevelt (1884-1962) Mendjet Njerzore
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.