15.5 C
Tirana
E premte, 1 Mars, 2024

Mbeshtet RadiandRadi

spot_img

Pasi kalova kufirin… – nga Bilal Xhaferri

on

|

views

and

comments

Bilal Xhaferri me kunatin Selfo Hoxha dale në Greqi pas arratisjes  (1969)
Bilal Xhaferri me kunatin Selfo Hoxha dale në Greqi pas arratisjes (1969)
Me 20 gusht të vitit 1969, Bilal Xhaferri shkoi në fshatin Ninat dhe pas 3 ditësh,
me datë 23 gusht ditën e shtunë 1969, ai u largua jashtë dëshirës së tij nga atdheu.
U largua me rastin e Festës së Hoxhës, (Festa e Bogazit) një festë e madhe
që bëhej dikur në vendin që sot quhet Livadhia.
Ai u largua drejt kufirit nga shtëpia e së motrës së tij, Antikas.
Ky që paraqesim është një dorëshkrim i tij në momentin kur ai kaloi kufirin.
Këtë muaj u mbushën 50 vite që prej shkrimit të kësaj flete.
.

Pasi kalova kufirin…

nga Bilal Xhaferri

Ishte fundi i prillit, një ditë e bukur me atë diellin pranveror, ku çdo gjë duket e qeshur e lulëzuar, përveç zemrave dhe fytyrave të atij populli të varfër dhe të rraskapitur. Tamam në atë dite të bukur pranverore mora rrugën e arratisë. Mbas kaq mundimesh dhe vuajtjesh në kufi me patrullën ushtarake e kalova kufirin dhe ja tani i dorëzohemi një shteti që e urrenim më tepër se çdo gjë tjetër për çfarosjen e racës çame. Kështu e sjell koha që t’i thuash derrit dajo.
Pasi u futa në tokën greke, duke rendur e duke vrapuar nga frika e patrullës ushtarake se mos më gjurmonin nga mbrapa, u pengova dhe u rrëzova buzë një përroi duke u shtrirë sa gjatë gjerë para 2 shkurreve të cilat u tundën nga rrënja. I shtrirë aty pa pikën e fuqisë rri e mendohem.. Deri tani çdo gjë më shkoi së prapmi, sa më tepër që qetësohesha aty aq më tepër i ndjeja dhimbjet e trupit që isha goditur e gërvishur dhe sa më tepër ftohesha e qetësohesha aq më tepër më dhimbnin gjymtyrët. (fq. 1)
Këto janë të mirat që ka sjellë partia dhe pushteti me xhaxha Enverin në krye. Këtyre të mirave e virtyteve u thërrasin urra, urraa oburra të ndërtojmë socializmin me forcat tona! Cilin socializëm? Me çfarë force? Të pangrënë e të paveshur.. Me çfarë force? kush kishte mbetur jashtë listave e apeleve të kampeve të përqëndrimit, burgjeve dhe punës së detyruar. Si ndërtohet socializmi kur polici me ushtarin të rrinë me automatik mbi kokë.
Tani e di fare mirë që tani jam i lirë, larg duarve të partisë e duke e parë veten time nga ana tjetër e telit me gjemba kam mjaft kohë të rri e të mendohem.
Kjo ishte liria që ju premtua popullit në kohën e luftës kur unë ende nuk kisha lindur. Kjo ishte barazia që do sillte partia duke ja marrë tokën atij fshatarit dhe duke i folur kulak, gjakpirës, bajazit. etj etj. Çfarë ndodhi në këtë moment? Erdh vëllavrasja, filloi urrejtja te njeri-tjetri se ju dha toka atij fukarasë, dembelit, atij që s’dinte t’i vente zgjedhën kaut apo kalit, dhe që u gjend i ngarkuar me toga të rënda. (fq. 2)
Dhe prap kthehemi te vuajtjet e jetës në komunizëm. Duke më kaluar në mendje brohoritjet dhe duartrokitjet “Rroftë partia”, “Rroftë Enveri”. Pse vallë? Çfarë bëri Enveri me Partinë? Kush ishte Partia? Me se u krijua kjo Parti? Kush ishte Enveri? A nuk ishte Enveri me parti që vret e pret dhe rron me gjakun e njerëzve të pafajshëm, e bëri popullin shqiptar rob të partisë së tij. E torturuan e munduan, e shtypi e shkretoi, i kalli tmerrin në zemër edhe fëmijës së djepit. Prishi virtytet shqiptare e kombëtare duke e bërë vendin një varr me kufoma të gjalla. E bëri spiunllëkun si punë të ndershme. Ka varrosur dhe vazhdon të varrosi sot e kësaj dite burra, gra, fëmijë në kampet e përqëndrimeve, në moçalet dhe kënetat e Myzeqesë. E bëri popullin rob në vendin e vet, në vatrën e tij. Shkatërroi traditat shekullore të burrërisë, prishi fenë, familjet, besën dhe nderin duke i zëvendësuar ato me ateizëm, me frikë, me spiunllëk, me tradhëti me turp, etj. Ky ishte përparimi që bëri komunizmi në vendin tonë. (fq. 3)
.
Bilal Xhaferri (Hoxha) (1935-1986)
Bilal Xhaferri (Hoxha) (1935-1986)
Vallë a ka mundësi që historia të tregojë se në Shqipëri toka polli vezë, lesh, mish, djath, etj?
Ku mund t’i gjente fshatari ato qoftë i pasur qoftë i varfër.
E më vonë o burra në kooperativa bujqësore, çdo gjë është falas, bashkohuni në kooperativë. E populli i mërzitur ja dërgoi menjëherë duke menduar se do të gjente një sistem më të mirë. Atëhere e panë dhe po e shohin me sytë e tyre të zinjtë e ullirit duke u bërë robër në pronën e tyre. Duke mos ditur se ishte ditë e djelë apo ditë e hënë, ditëve të pushimit nuk u dëgjohej emri gjakundi. Ky ishte komunizmi, kjo ishte partia mbi të gjitha, që na vuri zjarrin e që na kalli tmerrin. Ju trembëm vëllait, nënës, babait, shokëve e miqve se mos na jepnin te Partia.
Këto ishin proverbat e Marksit-Engelsit puno brenda mundësive, paguhu brenda nevojës.
Dhe tani rri i shtrirë këtu në pyllin e Çamërisë që është zaptuar me forcë nga greku. I dërmuar, i frikësuar e i vetmuar mendoi të ardhmen si? Ku? Çfarë do bëj? Si do më përfundoj jeta të gjorit?
E mblodha veten e u ngrita…
Ndihem i vetmuar larg gjirit të Atdheut. (fq. 4)
.
Marrë nga muri i Fb i Bilal Xhaferrit https://www.facebook.com/bilal.xhaferri.12/posts/716590842086543

 

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.