O Kapiten! Kapiteni Im! – nga Walt Whitman – kushtuar Abraham Lincoln

0
16
4 Presidentet ne Mount Rushmore Xheferso- Lincoln - Roosevelt - Washington
4 Presidentet ne Mount Rushmore Xheferso- Lincoln - Roosevelt - Washington
Statuja e Abraham Lincoln
Statuja e Abraham Lincoln
“Heroizmave” të llumit amerikan ditët e fundit,
përveç grabitjes dhe shkatërrimit të pronës vetiake
u shtohet edhe përdhosja e përmendores së Presidentit të 16,
Abraham Linkoln, atij që luftoi kundër skllavërisë së zezakëve amerikanë,
një nga Katër Kokat e malit Rushmore.
Është ngritur llumi që nuk njeh as historinë e vendit ku jeton.
Pas vrasjes së Tij, i madhi Walt Whitman, si homazh për Linkolnin e vrarë në atentat,
shkroi këtë poemë që e bëri të famshëm në mbarë SHBA:
nga Maks Rakipaj
Walt Whitman (1819-1892) rreth te Pesedhjetave
Walt Whitman (1819-1892) rreth te Pesedhjetave

O Kapiten! Kapiteni Im!

nga Walt Whitman – kushtuar Abraham Lincoln

O Kapiteni im! I frikshëm qe, mbaroi ky lundrim,
Anija mposhti çdo shtërngatë, arriti çdo synim.
Porti këtu pranë, dëgjohet çdo këmbanë, njerëzia ngazëllen,
Anija trime hijerëndë, ja, më në fund po vjen.
 
Por oh! Zemër medet!
Po këto pika gjaku?
Mbi kuvertë kapiteni bie,
Pa jetë, i ftohtë akull.
 
O Kapiteni im! Ngrehu, këmbanat s’i dëgjon?
Bririt po i fryjnë, flamujt për ty valojnë,
Tufa me lule, kurora, të presin njerëzit në breg,
Për ty brohorasin, emrin tënd thërrasin, populli të pret.
 
Prit Kapiten! O at i dashur!
Ja veri kryet këtu te krahu,
E gjitha kjo një ëndërr qoftë,
Ti shtrirë dhe pa jetë, i ftohtë.
 
Por Kapiteni nuk përgjigjet, shtrirë buzëzbehtë,
O at! Dorën s’ma ndjen, nuk le as amanet,
Anija lëshon spirancën, mbaroi udhëtimi,
Nga lundrim i frikshëm vijmë, u arrit qëllimi.
.
©shqipëroi Maksim Rakipaj

 

Related Images:

Artikulli paraprakSi u njoha me legjendën Bekim Fehmiu? – nga Avni Abazi*
Artikulli tjetërTregime të dala prej përjetimesh dramatike – Lekë Tasi mbi Librin “Në sirtar” të Muç Xhepës
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.