Ndërron jetë shkrimtari dhe përkthyesi, Amik Kasoruho

0
12
Amik Kasoruho... në nji botim të tij
Amik Kasoruho... në nji botim të tij
Amik Kasoruho (1932-2014)
Amik Kasoruho (1932-2014)

Ndërron jetë shkrimtari dhe përkthyesi,

Amik Kasoruho

Ndërron jetë shkrimtari dhe përkthyesi Amik Kasoruho. 82-vjeçari, Kasoruho ka ndërruar jetë në Tiranë, për shkak të një sëmundjeje të mushkërive, nga e cila vuante prej kohësh.
Amik Kasoruho ka lindur në vitin 20 nëntor të vitit 1932, në Tiranë. Në vitin e tretë të shkollës së mesme, arrestohet si kundërshtar i regjimit dhe vuan shtatë vjet në burgun e Burrelit. Babai i tij pushkatohet pa gjyq. I përjashtuar përgjithmonë nga të gjitha shkollat e Shqipërisë, Kasoruho u dëbua për 27 vjet së bashku me familjen në fshatin Gosë të Kavajës. Në vitet 1990-2009 jetoi si emigrant në Itali.
Gjatë gjithë jetës është marrë me publicistikë, përkthime, studime dhe shkrime librash, të cilat u botuan vetëm pas vitit 1990.
Është njohës i disa gjuhëve të huaja. Krijimtaria e tij më e madhe është në fushën e përkthimit dhe të publicistikës. Në Itali ka botuar librat: “Një ankth gjysmëshekullor”, “Çmimi i një ëndrre”, “Mes Burgut dhe Zotit”, “Fluturimi i gjatë i një ore”.
Në Prishtinë ka botuar romanin “Ikje nga trilli i perëndive”. Ka përkthyer dhe botuar në Itali më shumë se 10 vepra, prozë dhe poezi, të autorëve shqiptarë dhe në shqip mbi 60 përkthime nga Pirandello, Allende, Robbins, Rowling, Brontè, Hawthorne, etj.
Kasoruho ishte këshilltar për çështjet kulturore pranë presidentit Nishani.
Marrë nga gazeta “Dita” 5 maj 2014

Nishani dekoron Amik Kasoruhon
Nishani dekoron Amik Kasoruhon

Amik Kasoruho (1932-2014)

Këshilltar për Çështjet e Kulturës
pranë Presidencës së Republikës së Shqipërisë

Amik Kasoruho është lindur më 20 nëntor të vitit 1932 në Tiranë. Në vitin 1949, në vitin e tretë të shkollës së mesme teknike, arrestohet dhe dënohet për agjitacion e propagandë kundër pushtetit.
Në shkurt të vitit 1951, babai i tij pushkatohet pa gjyq, së bashku me 22 intelektualë të tjerë, nw ngjarjen e Bombws nw Konsullatwn sovjetike.
I përjashtuar përgjithmonë nga të gjitha shkollat e Shqipërisë, mbasi doli nga burgu jetoi në Kavajë në periudhën 1956-1962. Më tej, u dëbua familjarisht në Gosë të Kavajës në vitet 1962-1990.

Nga 1956-1960 punoi si punëtor krahu në Elbasan, Lushnjë, Kavajë. Në vitet 1960-1980 punoi si gjeometër në fermën e Gosës. Në vitet 1980-1981 si punëtor ndërtimi në Gosë, në vitet 1981-1990 si teknik ndërtimi në “NSHN” Durrës. Prej vitit 1990- 2009, jetoi si emigrant në Itali. Në këtë periudhë u mor me publicistikë, përkthime, studime dhe shkrime librash duke vazhduar punën e nisur në Shqipëri, që nuk kishte parë asnjëherë dritën e botimit.
Është njohës i disa gjuhëve të huaja. Krijimtaria e tij më e madhe është në fushën e përkthimit dhe të publicistikës. Njihen botime të katër librave të tij në Itali dhe në Shqipëri. Ka sjellë në shqip mbi 60 vepra të autorëve të huaj. Ka përkthyer mbi 10 autorë shqiptarë në gjuhë të huaj.
Prej vitit 2009 jeton në Tiranë.
Marrë nga http://www.president.al

Amik Kasoruho... në nji botim të tij
Amik Kasoruho… në nji botim të tij

Komente mbi autorin Kasoruho

“Ata që kanë patur fatin e mirë të mos kenë përjetuar Shqipërinë midis viteve 1945-1990, kur të lexojnë këtë kronikë të ngjeshur, por tejet të saktë të asaj periudhe gati gjysmëshekullore, ka të ngjarë të mbledhin buzët e të thonë: “Bah, ç’përralla po na treguaka ky!”, kurse ata që e kanë përjetuar në kurrisin e tyre do të thonë: “S’paska rrëfyer as çerekun e atyre që kanë ndodhur në të vërtetë!”
Ndoshta kështu do të thonë…”
Robert Shvarc

“Amik Kasoruho depërton me pjekuri dhe kthjelltësi që hera-herës të bën shumë përshtypje në ngjarje të koklavitura të viteve të para të kësaj historie, kur bizantinizmi i veprimeve të partisë së Enver Hoxhës mbillte gënjeshtra e vdekje rreth e qark për të çarë rrugën drejt rrëmbimit të pushtetit, pa marrë parasysh se ku shkelte…”
Gjergj Zheji

“Një libër që bie si një gur në pellgun e historiografisë, thyen heshtjen fajtore të së kaluarës dhe të së sotmes, hulumton në natën e diktaturës dhe sinjalizon horizonte të reja kërkimi.”
Prof. Elio Miracco, Universiteti La Sapienza, Romë

Related Images:

Artikulli paraprak“Shqipëria më do shumë dhe unë i shpreh shumë mirënjohje asaj…”
Artikulli tjetërWinston Churchill – (1874-1965) – Socializmi
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.