Merrni mbrapsht dekoratën time zoti President, ky vend… nga Ilir Demaliaj

1
14
Ilir Demalia
Ilir Demalia
"Medalja e Artë e Shqiponjës" - Medalja e Ilir Demalisë
“Medalja e Artë e Shqiponjës” – Medalja e Ilir Demalisë

Merrni mbrapsht dekoratën time zoti President, ky vend…

nga Ilir Demaliaj

Shkëlqesisë së tij Ilir Meta
President i Republikës së Shqipërisë
Tiranë, Shqipëri
 
I nderuar Z. President!
Raporti me të vërtetën dhe modelet që krijohen në historinë e një populli tregojnë edhe shkallën e demokracisë, lirisë dhe rritjes së tij.
Gjithmonë e më shumë dhe në disa aspekte, si raport vlerash dhe vlerësimesh historike, si kulturë dhe zhvillim shoqëror, Shqipëria dhe shoqëria shqiptare po shkojnë banalisht edhe më tatëpjetë se në kohën e regjimit komunist. Vendi dhe shoqëria shqiptare po bëhen edhe më qesharake për ato gjëra për të cilat në vitin 1990 e bënë atë regjim kriminal objekt barcaletash.
Dekorimet e gjithë këtij postkomunizmi që nga “Flamuri Kombëtar”, më i larti, i dhënë njerëzve për çerek shekulli e vërtetojnë këtë. Duke ju dhënë këto dekorata më të lartat ish-komunistëve me kontribute në shërbim të regjimit diktatorial, të cilët, janë dekoruar në demokraci për “sjelljen e lirisë dhe demokracisë shqiptarëve dhe përmbysjen e regjimit komunist” tregon shumë se vendi nuk është ndarë nga mendësia komuniste dhe kultura e saj si pushtet. Me dekorimet pa fund të armatës së realizmit socialist, të artistëve dhe anonimëve pa asnjë kontribut në frymën e lirisë dhe ndërgjegjes qytetare por në të kundërt një trashëgimi e keqe e regjimit komunist, janë vlersuar si “Nderi i Kombit” me “Urdhërin e Skënderbeut”, “Nënë Tereza”, “Urdhëri Flamurit”, “Shqiponja e Artë”, e të tjera pikërisht shërbëtorëve të regjimit komunist që po shiten si modele të lirisë e demokracisë dhe vlerave kulturore në post-komunizëm.
.
Motivacioni i dekoratës
Motivacioni i dekoratës
Shqipëria është i vetmi vend që njeriu duhet të ndjehet më i vlerėsuar kur është i padekoruar nga institucionet e shtetit si vlerėsimi i mosvlerėsimit të pavlefshmërisë së vlerësimit.
Absurditeti tjetër që ndodh në Shqipëri, është se janë dekoruar në të njëjtën kohë edhe kriminelët dhe viktimat me të njëjtën dekoratë, persekutorėt dhe të persekutuarit, spiunët dhe të spiunuarit dhe gjatë ceremonisë së dekorimeve shtrëngojnë duart si bashkëvuajtës e bashkëfajtorë, por ndahen në demagogjinë e tribunave.
Vendi dhe shoqëria po udhëhiqen nga antivlerat si vlera kombëtare të kulturës së manipulim-simulimit që ka sjellë inflacionin e vlerësimeve të modeleve të idhujve pa krena. Si shkak i kësaj shoqëria ka humbur besimin duke arritur në gjëndje tragji-komike ku pjesë e saj jeni edhe ju me kontributin tuaj dhe të gjithë klasës politike që solli dhjetori i vitit 1990, që qartas shikohet në gjëndjen e Shqipërisë sot.
Në këtë situatë ju kërkoj:

Të çfuqizoni vendimin e dt. 15.05.2012 me Nr. Dekreti 7470, të Presidentit të Shqipërisë, dhënien e Medaljes së Artë të Shqiponjës për qytetarin Ilir Demalia.

Bashkangjitur me letrën po ju dërgoj edhe urdhërin e dekorimit dhe dekoratën.
Duke shpresuar se do tė fillojë t’i jepet fund kësaj historie tė fallsifikuar, jo vetëm të këtyre 28 vjetëve të një post-diktature si trashëgimi komuniste, por në përgjithësi edhe historisë së fallsifikuar të Shqipërisë duke gėnjyer në raportin me të vërtetën për pëfitime politike interesash klanore. Shqipëria jeton në demo(n)kraturë si trashëgimi komuniste që zvarritet por nuk ka dhënë shpirt në formën e mafias poitike.
Historia e Shqipërisë duhet rishikuar dhe vlerësuar sipas modeleve qė kanė qenë dhe janë me vepra shembuj iluminimi dhe kulture, kontributi me figura të denja politike, morale, kulturore, sportive, shkencore, e kështu me radhë.
Shqipëria është e varfër në këtë drejtim që nga formimi i shtetit shqiptar, përndryshe nuk do të ishte në këtë gjëndje.
Shqiptarët kanë rrëzuar komunizmin si butafori monumetesh e bustesh për ti ngritur në formë butaforike demo(n)kratike, por jo si mentalitet dhe sistem vlerash që udhëheq politikën, kulturën dhe jetën në Shqipërinë post-komuniste nga të gjithë krahët dhe kategoritë shoqërore.
Me nderime, Ilir Demalia
Boston, Massachusetts – U.S.A

 

Related Images:

Artikulli paraprakDinjiteti i një vdekjeje! nga Mimoza Leskaj
Artikulli tjetërDy jetë të ndara… nga Erlet Shaqe
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

1 Koment

  1. Faleminderit Zoti Demalia, për nderin, për guximin, për mençurinë e shembullin e dinjitetit.
    Ju bëjne një përmendore poetëve të masakruar dhe nga ana tjetër, mban çmimi letrar shqiptar emrin, “Kadare”?? A nuk qe ky deputeti i PPSh, a nuk i ngriti përmendore vargjesh, ky “Göbelsi” shqiptar, partisë së diktaturës shqiptare?
    Apo diktatura, qe një strukturë, që u krye pa pjesmarrjen e njerëzve?
    Demokracia nuk mund ta arrijë Shqipërinë, përderisa kokat e propogandes komuniste, akoma jo vetëm, që nuk po kërkojnë falje, por po nderohen nga rregjimi drejtues… Shqipëria është një autokratike tipit rus… do ishte dinjitoze, që letrarët t’i kthenin çmimet me emrin e Göbelsit shqiptar…!

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.