Manovra e Kryeplakut – tregim izraelian

0
10
Dilemë... dhe dritëhije
Dilemë... dhe dritëhije
Dilemë... dhe dritëhije
Dilemë… dhe dritëhije

Manovra e Kryeplakut

tregim izraelian

përktheu Agim Hamiti

Kryeplaku i një fshati gëzonte shumë respekt prej bashkëfshatarëve të tij. Madje atë e kishin thirrur edhe në fshatrat fqinjë, për të ndihmuar në zgjidhjen e problemeve të ndryshme. Ky opinion admirues në rritje ndaj kryeplakut u bë shkak që një fshatar smirëzi të shpifte diçka të ulët për të. Bashkëfshatarët e tij u indinjuan nga një veprim i tillë dhe e detyruan shpifësin që t’i kërkonte falje kryeplakut.
Gjuhëgjati shkoi kokëvarur tek kryeplaku dhe i kërkoi ndjesë për fjalët e pahijshme që kishte thënë në adresë të tij.
-Të kisha ndonjë borxh unë ty, apo familjes tënde, që shpife për mua? – e pyeti kryeplaku.
-Jo, ju na keni ndihmuar në disa raste, – u përgjigj fajtori me një fije zëri.
-Atëherë, çfarë të detyroi ta bëje këtë veprim të ulët?
-Mendjelehtësia, – u përgjigj shpifësi.
-Ti të njëjtën mendje ke edhe sot; pse mendoke ndryshe tani?
-Ma sqaruan gabimin bashkëfshatarët.
-Po pasojat e gabimit t’i shpjeguan bashkëfshatarët?
-Jo, por unë tani e kuptoj që veprova keq, prandaj erdha t’ju kërkoj falje.
-Falja ime nuk ka asnjë kuptim e asnjë vlerë, pa u ndërgjegjësuar ti më parë rreth përmasave të së keqes që më ke bërë. Prandaj, pa i kuptuar ti si duhet pasojat e shpifjes tënde ndaj meje, unë nuk mundem të të fal.
-Jam gati t’ju paguaj çdo lloj gjobe që të më caktoni për atë që bëra, zotëri.
-Unë jam kryeplak dhe jo taksidar, e si kryeplak, nuk më intereson gjoba, por mësimi që duhet të nxjerrësh ti, si dhe çdo thashethemexhi i fshatit, për pasojat e këqija që u sjellin gjuhët tuaja të hidhura bashkëfshatarëve të ndershëm e të rregullt, që shikojnë punën dhe familjet e tyre.
-Po ç’duhet të bëj unë atëherë? – pyeti i dëshpëruar shpifësi, – Më ndihmoni, ju lutem!
-Ke ndonjë jastëk me pendë në shtëpi?
-Po, ia ktheu shpifësi, disi i hutuar nga kjo pyetje e çuditshme.
-Ec dhe sille këtu, – i tha kryeplaku.
-Siurdhëron! – u përgjigj gjuhëgjati entuziast, duke shpresuar se çështja po merrte rrugën e zgjidhjes.
Frynte erë, e cila e ndihmoi llafazanin e papërgjegjshëm të shkonte shpejt në shtëpi, dhe kur u rikthye tek kryeplaku, ai e urdhëroi:
-Shqyeje jastëkun dhe zbraze duke e shkundur fort!
Shpifësi e zbatoi urdhërin me zell.
-Tani fillo dhe mblidhi pendët – i tha kryeplaku – dhe pasi t’i kesh futur të gjitha pendët përsëri në jastëk, unë do ta komunikoj faljen time publikisht tek sheshi i fshatit.
-Ou, po ku mblidhen dot pendët! – ia ktheu shpifësi i dekurajuar, – Ato i shpërndau era në të katër anët e fshatit.
-Ndërsa gjuhët e liga, si e ajo e jotja, i kanë shpërndarë tashmë shpifjet e tua të pista jo vetëm në të katër anët e fshatit, por edhe në të gjithë krahinën – ia priti kryeplaku, duke i kthyer krahët.

Related Images:

Artikulli paraprakKatër opinione mbi deklaratën e “përdhunimit” të këngëtares Alida Hisku…
Artikulli tjetërBlushi, Nosi dhe gabimet e së shkuarës që fatkeqësisht nuk bëhen mësim nga Mërgim Korça
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.