back to top
18.5 C
Tirana
E shtunë, 13 Prill, 2024

Legjenda: Shalë – Shosh edhe Mirdite – marre nga Erenestina Halili

Gazeta

Epika e maleve shqiptare...
Epika e maleve shqiptare…

Legjenda: Shalë – Shosh edhe Mirdite

Kjo legjendë, rriti brezni e brezni…
Shala, vëlla i parë, Shoshi i dyti, Mirdita – vëllai vogël…
Këto legjenda të trashëguara ishin, janë e mbeten
kodet tona të nderit e dashnisë për njani-tjetrin,
si dhe një minierë e artë për letërsinë… erenestina halili

Njëherë e një kohë, thonë se nji Dukë që zotëronte hapsira prej Lure e deri në Shkodër e kishte emrin Gjin. Duka Gjin pati tre pinjollë, (pra 3 trashigimtarë, meshkuj). Kishte edhe vajza. Të gjithë jetonin në një familje të madhe, derisa u bënë me nipër e mbesa, ndoshta dhe me stërnipër. Erdhi një kohë kur familja e madhe e Dukës Gjin do të ndahej. Thuhet se Duka Gjin, pra i ati i tre djemve tashma kishte vdekur.
Në bazë të së drejtës zakonore tre vëllezërit do të ndanin gjithçka kishte familja e madhe, në tre pjesë dhe kështu do të formoheshin tri  familjet e Dukagjinit.
Gjithnjë sipas “Zakonit”, djali i madh (i pari) ndan, ndërsa duke filluar nga më i vogli e në vazhdim zgjedhin pjesët e ndara (në rastin tonë hisja-pjesa) do të ndaheshin në tresh.
Përgjegjesia ishte e madhe…

Ismail Lulani - Epike legjendare
Ismail Lulani – Epike legjendare

E kështu i pari djalë i Dukagjinit e ndau pasurinë në:
Së pari: Një pjesë për një familje do të ishte pleqsia (e drejta për të dhënë drejtësi në gjithë territorin e Dukagjinit dhe më tej), e bashkë me të dhe Kali i Shalës.
Së dyti: Pjesë tjetër do të ishte mulliri i blojës, shosha, artizanati shtëpiak etj.
Dhe së fundi: Pjesa e tretë sipas vëllait të madh do të ishte toka bujqësore dhe kullotat. Mbasi u bënë të qarta ndarjet e pasurive dhe te drejtave, në tri pjesë: i vogli thonë – zgjodhi tokën. Kur ky vëlla (i vogli) zgjodhi tokën, vëllai i madh dhe vëllai i dytë njëzëri i thanë “Mirë dite!”. I dyti i tha vëllait të madh mbaje shalën e kalit (pra të drejtën për të pleqëruar e fituar prej saj); kurse mullirin, shoshën dhe artizanatin familjar e mbajti i dyti.
E kështu sipas kësaj legjende zona e Dukës Gjin, pra e Dukagjinit ishte e banuar nga tre familje të mëdha: Mirditë, Shosh dhe Shalë (vëllai i parë).
Si për ta vërtetuar këtë legjendë ka gojëdhëna që bëjnë fjalë se deri para 70-100 vjetësh këto familje nuk merrnin e jepnin vajzë (nuk bënin krushqi) njëra me tjetrën. Pra e thëne shkurt mirditasit nuk jepnin vajza dhe nuk merrnin në Shalë e Shosh. Kufiri natyror mes tyre (Mirditës e Dukagjinit) ka qenë lumi Drin.
(marrë nga faqja e fb e Erenestina Halilit, 20 korrik 2016)

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.