back to top
11.5 C
Tirana
E enjte, 28 Mars, 2024

Ky është Turp! – nga John Vasili

Gazeta

John Vasili
John Vasili

Ky është Turp

nga John Vasili

Për ata që nuk e njohin turpin, ua tregoj unë. Ja, ky është turp!
Të mblidhen pesë a gjashtë zëdhënës burokratë, që i lidh me ne vetëm interesi i qeverive të tyre të korruptuara, të ulen në mes të shtëpisë, e të bëjnë “Trupin Gjykues” për të zgjedhur ata se kush duhet ta marrë drejtimin e një partie politike, dhe të vendosin ata se çfarë drejtimi duhet të marrë, e kujt duhet t’i thonë po e kujt duhet t’i thonë jo, kur duhet të mbyllin gojën e kur duhet të ulin brekët… Ky është turp!
Imagjinoni këtë trupë gjykuese në një sallë gjyqi ku mbahet krahu i atij që puth dorën e tyre ndërsa dënohet ai që nuk i rri varur si bisht nga prapa atyre?! Dhe për më tepër, janë këta që na tregojnë vlerat që duhet të ndjekin edhe gjyqtarët dhe prokurorët e reformës se tyre, meqë janë “investuesit” e asaj reforme, që këta gabimisht ose qëllimisht e trumpetojnë si Drejtësi!
Por kjo nuk është e drejtë.
Nuk e di për ju, por unë si shqiptar ndihem i ofenduar dhe i turpëruar. I ofenduar nga ata, dhe i turpëruar me veten dhe me bashkëkombasit e mi (pa dallim përkatësie partiake).
Si arritëm deri në këte pikë? A nuk ju vjen pak turp edhe ju?!

Ambasadorët e Botës dhe Krerët e PD-së
Ambasadorët e Botës dhe Krerët e PD-së

Më gjeni ju një vend nga fundi i botës, nga fundi i Afrikës apo mesi i Amazonias, mbi tokë ose nën tokë, në majë të malit apo në fund të oqeanit, ku kjo mund të lejohet sot e të pranohet të ndodhë si pa të keq… veçse në Shqipëri.
A ndjeheni krenar ju për këtë?! Se unë nuk ndjehem aspak krenar. Përkundrazi ndjehem i turpëruar, i poshtëruar, i pushtuar dhe i përdhunuar në shtëpinë time.
Por fajin ma kanë të mitë. Ata të pacipë, të pa dinë e iman, të cilëve u besova shtëpinë, por që ma kthyhen në hale publike që vjen era turp, ku mund të vijë të na shurrojë e të na shkërdhejë çdo kalimtar që mban në dorë një flamur dhe një çantë jeshile.
Dhe ky është turp! Turpi i atyre që vetëm turpin nuk e njohin.
Po helbete, janë ata që janë mësuar të dalin në publik edhe pa brekë dhe nuk kanë turp. Prandaj na i kanë zgjedhur. Dhe brekët e tyre na i kanë vënë në mbi kokë.
Turp!
.
Marrë nga Muri i Fb i Elona Casllit, me shënimin, Gurë në stomak… 15 dhjetor 2021

.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.