10.5 C
Tirana
E shtunë, 2 Mars, 2024

Mbeshtet RadiandRadi

spot_img

Kështjella e humbur në Cakran! Pse e shëmbi regjimi komunist?!

on

|

views

and

comments

Kulla e Familjes Cakrani
Kulla e Familjes Cakrani

Kështjella e humbur në Cakran! Pse e shëmbi regjimi komunist?!

Kështjella e stilit austriak, u ndërtua në vitin 1915

Kjo ndërtesë do të ishte ende në këmbë dhe ndoshta një destinacion i njohur turistik sot.
Nuk e shëmben tërmetet, as kushtet klimaterike, por dora e njeriut. Pasardhës të Bektash dhe Hajredin Cakranit tregojnë se për të zhdukur çdo gjurmë historike të kësaj familjeje patriote, kishte një zell ta paprecedent ndër njerëzit që morën apo ekzekutuan vendimet pas luftës. Kështu revanshi ndaj familjes Cakrani, u adresua deri edhe nga miqtë e ngushtë të saj, të cilët pas luftës arritën në poste të larta shtetërore. Ish kryeministri Mehmet Shehu në 1950, urdhëroi te zhdukeshin nga faqja e dheut të gjitha sarajet e familjes Cakrani, duke përfshirë edhe kështjellën e stilit austriak!
Sot ajo kështjellë do t’i shkonte për shtat natyrës dhe peisazhit të fshatit që mban emrin e bejlerëve të tij.
.
Vëllezërit Hajredin e Bektash Cakrani
Vëllezërit Hajredin e Bektash Cakrani
Në 1915, miqtë austriakë të familjes Cakrani, mbështetën ndërtimim e kështjellës duke ofruar asistencën teknike. Kështjella përfundoi pas një viti punimesh. U dekorua me stil dhe luks, ku nuk mungonin sixhadet persiane dhe shandanë qirinjsh nga Franca. Por duket se gjithçka që kujtonte këtë familje dhe aktivitetin patriotik të saj, përpara luftës, duhej zhdukur. Ato saraje madje edhe Tyrbja ose varreza e familjes, ishin përkujtim i të parëve të fshatit Cakran, Bektashit dhe Hajredinit. Dy vëllezërit i dhanë luftës dhe përpjekjeve për pavarësinë e vendit kontribut të paçmuar. Hajredini ishte firmëtar i Aktit të Pavarësisë dhe tjetri, Bektashi ministër në Qeverinë e Ismail Qemalit. Gjithçka që përkujtonte këtë familje u rrafshua me urdhër të Mehmet Shehut. Dhjetra pasardhës të tyre u përndoqën dhe u pushkatuan më pas. Por fotografitë dhe kujtimet e Hajredin Cakranit, i cili vdiq në 1942, po kompesojnë heshtjen dhe terrin që regjimi tentoi të hedhë mbi veprën patriotike të kësaj familjeje. Libri “Kujtimet e një firmëtari” tregon me detaje ngjarjet përpara pavarësisë dhe se si, me ushtarët e tij Hajredin Cakrani shkoi në afërsi të lumit Shkumbin për të ndihmuar Ismail Qemalin. Bejlerët e Cakranit kishin saraje edhe në Libofshë, aty ku në nëntor të vitit 1912, strehuan kryediplomatin që shpalli Shqipërine e Pavarur. Por edhe nga sarajet e Libofshës nuk ka mbetur asnjë gjurmë. Ato u rrafshuan gjithashtu nga regjimi i kohës.
Historia e familjes Cakrani kulmon në vitet 1900, ku dy nga vëllezërit Cakrani u përfshine në beteja dhe përpjekje për pavarësinë e vendit.
Hajredin Cakrani vdiq nga shkaqe natyrore në vitin 1942, ndërsa Bektashi u pushkatua në vitin 1945, nga komunistët. Në Luftën e Dytë Botërore, Bektash Cakrani u pozicionua në krah të Ballit Kombëtar çka i kushtoi jo vetëm jetën, por për pak edhe harresën nga historia, të veprës patriotike tijën dhe të vëllait.
.
Marrë nga http://newsgate.al/2018/08/21/

 

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.